پارلامەنت دەپۋتاتتارى باتىس قازاقستان وبلىسىنا كەلدى

وسىنداي كەزدەسۋدىڭ ءبىرى تاسقالا اۋدانىندا ءوتتى. ەلىمىزدە اتقارىلىپ جاتقان الەۋمەتتىك جۇمىستاردىڭ اۋقىمى بۇل اۋداننان دا انىق كورىنەدى. سوڭعى ەكى جىل ىشىندە اۋدان ورتالىعىندا 8 شاقىرىم جول جوندەلگەن. بۇل جۇمىس بيىل دا جالعاسپاق. وتكەن جىلى «وڭىرلەردى دامىتۋ 2020» باعدارلاماسىنىڭ «اقبۇلاق» باعىتى اياسىندا مەرەي جانە شەجىن اۋىلدىق وكرۋگىندە سۋ قۇبىرى جاڭارتىلدى. بيىل امانگەلدى جانە اتامەكەن اۋىلىنا تازا سۋ تارتىلادى. ال تاسقالا مەن مەرەكە وكرۋگتەرىندە سۋ قۇبىرىن قايتا جاڭارتۋ ءۇشىن جوبالىق-سمەتالىق جۇجاتتار دايىندالۋدا. مۇنىمەن قوسا مەملەكەتتىك جەكەشەلىك ارىپتەستىك بويىنشا ەكى جوبا قولعا الىنادى. بۇل جونىندە تاسقالا اۋدانى اكىمىنىڭ مىندەتىن اتقارۋشى ارسەن باياندىقوۆ بايانداپ بەردى.

تاسقالا اۋدانىنىڭ ەكونوميكالىق الەۋەتى وتە كۇشتى. كۇردەلى جوندەۋدەن ءوتىپ جاتقان ورال-ساراتوۆ حالىقارالىق اۆتوجولى بيىل تولىق اياقتالىپ, پايدالانۋعا بەرىلمەك. سول كەزدە تاسقالا اۋدانىنىڭ شەكارالىق قارىم-قاتىناستا ماڭىزى تىپتەن ارتا تۇسەدى.

پارلامەنت دەپۋتاتتارىنا جەرگىلىكتى تۇرعىندار ءوز ۇسىنىس-پىكىرلەرىن دە جەتكىزدى. ماسەلەن, تاسقالا اۋداندىق قوعامدىق كەلىسىم كەڭەسىنىڭ توراعاسى باقتىعۇل تاسماعانبەتوۆ سۋدىڭ باعاسىن ءتۇسىرۋ جونىندەگى ۇسىنىسىن بىلدىرسە, اۋداندىق ارداگەرلەر كەڭەسىنىڭ توراعاسى جاردەمعالي بالىقوۆ اۋدان ورتالىعىندا تەمىرجولدان وتەتىن ەكىنشى جول سالۋ, كوممۋنالدىق تولەمدەردىڭ باعاسىن تۇراقتاندىرۋ, اۋدان ورتالىعىندا تۇرعىندارعا تولىق مەديتسينالىق قىزمەت كورسەتۋ تۋرالى ۇسىنىستارىن ورتاعا سالدى.

دەپۋتاتتار سەنات پەن ماجىلىستە وتكەن جىلى اتقارىلعان جۇمىستار, قابىلدانعان زاڭدار تۋرالى قىسقاشا بايانداپ, پرەزيدەنتتىڭ «رۋحاني جاڭعىرۋ»باعدارلامالالىق ماقالاسىندا ايتىلعان ماقسات-مىندەتتەر جايىن تىلگە تيەك ەتتى.

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى باقتيار ماكەن زەلەنوۆ اۋدانىنداعى بەلەس اۋىلىندا «بەلەس اگرو» جشس جۇمىسىمەن تانىستى.

استىق ءونىمىن ءوندىرۋشى ءىرى كاسىپورىننىڭ ۇجىمىمەن جۇزدەسكەن دەپۋتات بۇل جەردە دە ءماجىلىستىڭ سەسسيادا اتقارعان جۇمىسى تۋرالى بايانداپ, قارالعان زاڭدارعا قىسقاشا شولۋ جاسادى. ەل ەكونوميكاسىنىڭ دامۋى, زەينەتاقى جۇيەسىن جەتىلدىرۋ, ەڭبەككەرلەر مۇددەسىنىڭ قورعالۋى تۋرالى پىكىر بىلدىرگەن دەپۋتات ەلباسىنىڭ جاڭا جولداۋى مەن سالالىق رەفورمالار مىندەتتەرىنە قاتىستى وي ءبولىسىپ, ساۋالدارعا جاۋاپ بەردى.

بۇدان كەيىن بەلەس اۋىلىندا ورنالاسقان «باتىس پاۋەر» جشس-نا باس سۇققان دەپۋتات گاز-تۋربينالىق ەلەكتر ستانتسياسى جۇمىسشىلارىمەن كەزدەستى.

– مەملەكەت باسشىسى كەشەگى جولداۋىندا ءتورتىنشى ونەركاسىپتىك رەۆوليۋتسيا جاعدايىنداعى دامۋىمىزدىڭ جاڭا مۇمكىندىكتەرىن ايقىنداپ بەردى. بيىلعى جولداۋ الەمنىڭ جاڭا دامۋ باعىتىنا بەيىمدەلۋ مەن ەل بولىپ جەتىستىككە جەتۋ جولىن تابۋدىڭ باعىتىن نۇسقادى. جىل ساناپ وركەندەپ كەلە جاتقان ەلىمىزدى ودان ءارى دامىتا ءتۇسۋ – ەلباسى دىتتەگەن ماقسات. وسىعان حالقىمىز تۇتاستاي جۇمىلۋى ءتيىس. جاڭا جىل ەل تاريحىندا ايتۋلى شارالارمەن ايشىقتالماق. ماقسات ايقىن, جوسپار ناقتى. حالقىمىزدى تابىسقا جەتكىزەتىن, العا جىلجىتاتىن ەڭ باستىسى فاكتور – بىرلىگىمىز. ءبىز ءوزارا سىيلاستىقتا, تۇسىنىستىكتە ارەكەت ەتكەندە عانا الداعى اسۋلاردى وڭاي ءارى ناتيجەلى اسا الامىز, - دەدى ءوز سوزىندە باقتيار ماكەن.

قازبەك قۇتتىمۇرات ۇلى

«ەگەمەن قازاقستان»

باتىس قازاقستان

سۋرەتتى تۇسىرگەن اسەمگۇل بەكەشەۆا