پارلامەنت سەناتى قارجى جانە بيۋدجەت كوميتەتىنىڭ باستاماسى بويىنشا دەپۋتاتتار مەن قازاقستان رەسپۋبليكاسى ۇلتتىق بانكىنىڭ بانكنوت فابريكاسى جانە تەڭگە سارايىنىڭ باسشىلارىمەن كەزدەستى.
قارجى جانە بيۋدجەت كوميتەتىنىڭ حاتشىسى ر.احمەتوۆ ۇلتتىق ۆاليۋتا – تەڭگە كۇنى قارساڭىندا ءوتىپ وتىرعان كەزدەسۋدىڭ ماڭىزدىلىعىن اتاپ ءوتتى.
قازاقستان تەڭگەسى 1993 جىلعى 15 قاراشادا پرەزيدەنت ن.نازارباەۆتىڭ جارلىعىمەن اينالىمعا ەنگىزىلگەن بولاتىن.
الەمدىك قارجى داعدارىسى جاعدايىندا ۇلتتىق ۆاليۋتانىڭ تۇراقتىلىعى مەن ورنىقتىلىعىن ايتا كەلىپ سەناتور وسىعان بايلانىستى مەملەكەتتىڭ اقشا-نەسيە ساياساتىن جۇرگىزۋدەگى ۇلتتىق بانكىنىڭ ءرولىن اتاپ ءوتتى.
كەزدەسۋدە ۇلتتىق بانك باسشىسىنىڭ ورىنباسارى ب.تاجياقوۆ, بانكنوت فابريكاسى مەن تەڭگە سارايىنىڭ باسشىلارى ج.قاجىمۇراتوۆ جانە ف.تۋعانباەۆ ءسوز سويلەپ, دەپۋتاتتاردىڭ ساۋالدارىنا جاۋاپ بەردى.
«ەگەمەن-اقپارات».