مەملەكەت باسشىسىنىڭ اتىنا سەمەي قالاسىنىڭ وقىتۋشىلارى مەن ستۋدەنتتەرىنەن حات كەلىپ ءتۇستى

حات يەلەرى: «بيىلعى وقۋ جىلى­نىڭ باسىندا ءبىر توپ ستۋدەنتتەر مەن وقىتۋشىلار قازاقستان رەسپۋب­لي­كاسىنىڭ تۇڭعىش پرەزيدەنتى – ەلباسى كىتاپحاناسىنا باردىق. الەم­دىك تۇلعا تاريحىنىڭ سىرسان­دىعىن اشىپ, عاجايىپ الەم­گە ەنگەندەي بولدىق. سول ساپار­دىڭ اسەرىمەن سىزگە وسى حاتتى جول­داپ وتىرمىز», – دەپ جازعان.  

ستۋدەنت جاستار قازاقستان پرەزي­دەن­تىنىڭ ەلوردانى استاناعا كوشىرۋ جونىندەگى يدەياسىنىڭ اقتالعانىنا ەرەك­شە توقتالىپ, سول قادام ءۇشىن كەۋ­دەلەرىن ماقتانىش سەزىمى كەرنەيتىنىن اتاپ وتكەن.

وسى ورايدا ولار: «ەسىڭىزدە مە؟.. 1997 جىلدار... كۇنى كەشە تاۋەل­سىز­دىگىمىزدىڭ تۇمارىنا اينالعان استا­نا­نىڭ كوشى ەل كوڭىلىن الاي-دۇلەي ەتىپ ەدى... سول مەزەتتە ەل ەرتەڭى ءۇشىن تو­لاعايداي ارقاڭىزعا ارت­قان اۋىر جۇكتىڭ سالماعىن ءبىز, بالكي, سوزبەن بەرە الماس­پىز. بىراق, سەزىنەمىز! ىز­عار­لى سا­رىارقانىڭ ۇسكىرىگىنەن يمەن­بەي, ساردالاعا كوش باستا­عان ءسىز دە, سىز­گە سەنىم ارتىپ كوش جالعاعان ەل دە جۇ­رەكتى ەكەن. «ەل جۇرەگى جەر ورتا­سىن­دا بولۋى كەرەك» دەگەن حا­لىق ناقىلىن ەندى عانا تۇسىن­گەن­دەيمىز», – دەپ جازعان.

سونداي-اق شاكارىم اتىن­داعى ۋني­ۆەر­سيتەتتىڭ وقىتۋشى­لارى مەن ستۋدەنتتەرى قازاق ءتىلىن لاتىن قارپىنە نەگىزدەلگەن الىپ­بيگە كوشىرۋ تۋرالى شە­شىمگە قولداۋ بىلدىرەتىندەرىن ايتقان. بۇعان قاتىستى سەمەي­لىك­تەر: «جارلىعىڭىز جاستارعا جان قۋانتار سىي بولدى. ءبىز كۇنى ەرتەڭ لاتىن گرافيكاسى حال­قى­مىزدىڭ ءومىرىنىڭ ءبىر بولشەگىنە اينالاتىنىنا كامىل سەنەمىز. اقىلمانى مەيىرىمدى بولعان جۇر­تىمىزدىڭ اتاقازاعى ءوزىڭىزسىز!», – دەپ اتاپ وتىلگەن.

ىستىق لەبىزىن حاتپەن جول­دا­عان­دار: سەمەي قالاسىنىڭ شاكا­رىم اتىنداعى مەملەكەتتىك ۋني­ۆەر­سي­تە­تى­نىڭ وقىتۋشىلارى ق.اۋباكىروۆا جا­نە ا.جۇندىباەۆا, ستۋدەنتتەرى ا.قا­دىر­­باەۆا, ب.سەرىكتاي, گ.قۇرالبە­كوۆا, ر.بەيسەمبەكوۆا, ا.سماعۇلوۆ, د.جول­دى­بالينوۆ, ە.ومارعالي, ءا.ابدەشوۆا, ا.كەن­جەعاجيەۆا, ي.تۇسپەكوۆا, ك.اقپا­روۆا, ە.قالدىباەۆ, ن.بەيسەم­باەۆا, ت.اقپارشايح, د.تۇرعا­ليەۆا, ا.ماق­سۇتبەك, ر.ومىرباەۆ, ا.جەڭىس­قازين, گ.جاكينا, ە.قۇرمانعاجى, ە.جاس­باەۆ, ا.كالينكين, ا.ومىرباەۆا, م.قا­يىربەكوۆ جانە م.ۋرداشەۆا.