سال-سەرىلەردىڭ اۋىلى قانداي كۇيدە؟

اققۋدى اسپانداعى انگە قوسقان

ادام قانشا سۇقتانسا دا, تويات تاپپايتىن كەربەز سۇلۋ كوكشە ءوڭىرى ەجەلدەن سال-سەرىلەر مەكەنى سانالعان. ولاردىڭ قاتارىندا اقان سەرى, ءبىرجان سال, ۇكىلى ىبى­رايدىڭ ەسىمدەرى ەرەكشە اتالادى. ءبىر-بىرىنەن بولە-جا­رۋعا بولمايتىن, وشاقتىڭ ءۇش تاعانى سەكىلدى اتاقتى, كورنەكتى تۇلعالاردىڭ ءومىر جولى دا, شىعارماشىلىعى دا, تاعدىرى دا ۇقساس. قازاق­تىڭ ءان ونەرىندە شوق جۇلدىز­داي جارقىراپ, وشپەس ءىز قال­دىرعان قاي-قايسىسىن بولسىن حالقى ءپىر تۇتقان, ايالاپ, ەركەلەتكەن, توبەلەرىنە كوتەرگەن. «قۇلاگەر», «بالقاديشا», «ماڭ­ماڭگەر», «گاككۋ», «قال­دىرعان», ء«لايلىم شىراق», «بۋرىلتاي», «جامباس سيپار», تاعى باسقا كوپتەگەن وت­تاي جالىندى, تەرەڭ ويلى, جان تەربەتەر سازدى, سىرشىل, مۇڭدى ليريكالىق اندەر, كومپوزيتورلىق, اقىندىق ايشىقتى قولتاڭبالار ار­قىلى ۇلتتىق مۋزىكا الە­مىنە ولشەۋسىز ۇلەس قوستى. 

اسپانداعى اققۋدى, جەردەگى قىپشا بەل, ويماق اۋىز, ك ۇلىم كوز ارۋدى انگە قوسىپ كيەلى ونەردىڭ ساڭلاعى اتانعان وسى اسىل تۇياق سال-سەرىلەر اتىنداعى ەلدى مەكەندەردىڭ بۇگىنگى احۋالى, تىنىس-تىرشىلىگى قالاي؟ وكىنىش قاراي, بۇل سۇراقتىڭ جاۋابى كوڭىل كونشىتپەيدى.

جاڭا قالاشىقتىڭ جىلارمان سيقى

– اقان سەرى اتىنداعى ەلدى مەكەن وسى. ول كەزدە ءوڭىمىز تۇگىل تۇسىمىزگە ەنبەيتىن ءزاۋلىم كوتتەدج ۇلگىسىندە تۇرعىزىلعان 53 ۇيدەن قازىر قال­عانى 18 عانا. قالعاندارى يەسىز تۇر,– دەدى جول باستاپ جۇر­گەن انتونوۆكا اۋىلدىق وك­رۋگىنىڭ اكىمى ەرمەك قاسىم­عاليموۆ. 

قوسكول – سەرىنىڭ اتا­جۇر­تى. اكە-شەشەسىنىڭ قورىمى جات­قان اۋماققا كوماروۆكا دەگەن ورىس سەلوسىنىڭ ورنى­عۋى نازىك جۇرەكتى جانعا اۋىر سوققى بولىپ تيگەن. بى­راق كەيبىرەۋلەر سان-ساققا جۇ­گىرتىپ جۇرگەندەي سەرى قان­شا كۇيزەلىسكە سالىنسا دا ولە-ولگەنشە ونەردەن دە, ومىر­دەن دە قول ۇزبەگەن. اي­شا دەگەن قارىنداسىنىڭ كۇيەۋى ەرالىنىڭ اعاسى مام­بەتالى سەرالين دەگەن سانكت-پەتەربۋرگتىڭ وقۋىن تاۋىسقان, كوزى اشىق زيالى ازامات اقان مەن ۇلى ىباندى ءوز ەلى كەڭاششىداعى التىاربا دەگەن جەرگە كوشىرىپ العان. باسپانا بەرىپ, الدىنا مال سالىپ, كۇتۋشى جالداعان. ەل ارداقتىسىنا وسىلايشا زور قۇرمەت كورسەتىپ, جالعان دۇنيەدەن وتكەنشە ەش كەمدىك كورسەتپەگەن, دەيدى ۇرپاقتارى. 

وتكەن عاسىردىڭ 90-جىلدارى ماسكەۋدىڭ تىكەلەي ىقپال-نۇس­قاۋ­ىمەن سالۋعا جوبالانعانى 67 كوتتەدج ەكەن! ءبىزدىڭ كوڭى­لى­­مىزدەگى قازاقستاننىڭ ءبىر تۇك­پىرىندە تۇرىپ جاتقان تۇر­عىندارعا وسىنشاما وراسان قارجىنى بولۋگە قالاي تاۋە­كەل ەتتى, قايتىپ بۇيرەگى بۇرىپ, ەمە­شەگى ۇزىلە قالدى دەگەن كۇ­مان-كۇدىكتى سەزگەندەي اڭگى­مە­نى «نۇرسام» جشس-ءنىڭ ديرەك­تورى نۇر­لان راقىمجانوۆ جال­عاس­تى­رىپ, ءتۇيىندى جان-جاقتى تار­قا­تىپ بەردى. ونىڭ ايتۋىنشا, ايىرتاۋ – ۋرانعا باي ءوڭىر. ۋران شاحتالارىنىڭ قالدىق سۋى جاسىرىن تۇردە قوسكولگە قۇيىلىپ وتىرعان. بىراق قان­شا قۇپيالانسا دا رادياتسيا مول­شەرىنىڭ ونداعان ەسە ارتىپ كەت­كەنى, قۇدىق سۋلارىنىڭ ىشۋگە جا­را­مسىزدىعى جالپاق جۇرتقا اشكەرە بولعان. تۇرعىنداردىڭ نارا­زىلىعىنان سەسكەنگەن ورتا­لىق كول جاعالاي قونعان كەڭاششى اۋىلىن باسقا جاققا كوشىرۋگە شەشىم قابىلداعان. جىمىسقى ارەكەتتەرىن جاسىرۋ ءۇشىن اقان سەرىنىڭ 150 جىلدىعىن (1843-1913 ج.ج.) باستى سىلتاۋ ەتكەن. ونىڭ استارىندا ەل ەركەسىنە دەگەن قيساپسىز قۇرمەتتەن گورى سايقال ساياساتتىڭ زىميان ءىزى جات­قانىن اڭعارۋ قيىن ەمەس. ايت­پەسە, قايبىر ەمەشەگى ءۇزىلىپ بارا جاتىر دەيسىڭ. ول ءۇشىن ايىر­تاۋ اۋداندىق پارتيا كو­مي­تەتىنىڭ ءبىرىنشى حاتشىسى بو­لات كوشىمباەۆ, سو­تسي­اليستىك ەڭ­بەك ەرى ۇلتاي نۇر­سەيىتوۆ, الەك­سان­در شمۋنك سيا­قتى بەدەلدى ادام­دار ارقىلى كوپ­شىلىك اتىنان حات جازدىرتىپ, ما­سەلەنى كۇن ىل­گەرى ويلاستىرعان. قۇ­رىلىس جۇمىستارى 1989 جىلى باستالىپ, ءتورت جىلعا سوزىلعان. وبالى نە كەرەك, 53 قوس قاباتتى كوتتەدج, 180 ورىندى مەكتەپ, مادەنيەت, قوناقۇيلەرى, پوشتا, بالاباقشا, مونشا, دۇكەن, ءتىپتى باسسەينى بار كوز جاۋىن الاتىن سۋ جاڭا قالاشىق بوي كوتەرگەن. ونى ايتامىز-اۋ, بۇل نىساندار مەن ءزاۋلىم باسپانالار بىرورتالىقتاندىرىلعان قازاندىق ارقىلى جىلىتىلعان. ءبىر سوزبەن ايتقاندا, قالا ومى­رى­نەن ەش كەم ەمەس تىرشىلىك ەلى­مىز­دىڭ قيان شەتىندە قىز-قىز قاي­ناپ, تىلمەن ايتىپ جەتكىزگىسىز ءسان-سالتاناتى تاجىريبە رەتىندە نا­سي­حاتتالىپ, تارالىپ جاتتى. قالا­شىقتىڭ اشىلۋ راسىمىنە قا­زاقستاننىڭ, وزبەكستاننىڭ, قىر­عىزستاننىڭ پرەزيدەنتتەرى قا­تىسىپ, مارتەبەسى ودان بەتەر ۇلىقتالدى.

انتونوۆكا اۋىلدىق وكرۋگى­نە قاراستى جەتى اۋىلدا 780 ءۇي بار, 2327 ادام تۇرادى. ارالا­رىن­­دا باقۋات­­تىلارى – اتاۋلا­رى قۇلاققا تۇرپى­دەي تيەتىن انتونوۆكا, لاۆروۆ­كا. كو­ماروۆكا دا سولاردىڭ ساناتىندا. كۇرە جولدىڭ بويىندا ورنالاس­قان وعان جاڭا قالاشىقتى جاپسار­لاس تۇرعىزىپ, سەرى ەسىمىن بەرەيىك دەگەن ءپاتۋالى ۇسىنىسقا كەي اق­سا­قال-قاراساقالداردىڭ بەلدەن باس­قان سولاقاي ۇستانىمى توس­قاۋىل بولىپ, ونىڭ اقىرى بۇ­گىن­گىدەي كەلەڭ­سىز­دىكتەرگە ۇرىن­­دىردى, دەيدى اقاننىڭ ۇر­پاقتارى وتكەننىڭ ءمۇلت كەتكەن قاتەلىكتەرىن وكىنىشپەن ەسكە الىپ. 1999 جىلعى ساناق بويىن­شا مۇندا 200-گە جۋىق ادام تۇر­سا, 2009 جىلى 100-گە دەيىن كەمىگەن. بۇگىنگى كۇنى تۇرعىندار سانى 60-قا عانا جەتەعابىل.

ەلدى مەكەننىڭ ىدىراۋى كە­ڭەس وداعىنىڭ تاراۋى­مەن, ەگە­مەندىكتىڭ ەلەڭ-الاڭ شا­عىن­داعى قيىندىق­تار­مەن تۇسپا-تۇس كەلىپ, باس­تى سە­بەپ­تەرىنىڭ بى­رى­نە جۇمىس­سىز­دىق سالدارىنان بىلىكتى ماماندار توعىسقان 12 وتباسىنىڭ جىلى ورىندارىنان قوزعالۋىمەن بايلانىستىرىلۋى نەگىزسىز ەمەس. كوشكەن جۇرت ۇيلەرىن بۇزىپ اكەتىپ, اۋىل كوركىن قاشىرعان. بۇدان تىس­قارى مازۋت تاپشىلىعىنان بىر­ورتالىقتاندىرىلعان جىلىتۋ جۇيەسى ءۇزىلىپ, الەۋمەتتىك نىساندار جۇمىستارىن توقتاتۋعا تۋرا كەلگەن. ونىڭ اقىرى 2007 جىلى ءبىلىم ءۇيىنىڭ مۇلدەم جابىلۋىنا اكەلىپ سوقتىرعان. 

ەڭبەك ء– بارىن دە جەڭبەك

اۋدانداعى 79 ەلدى مەكەننىڭ 19-ى جوعارى, 60-ى ورتاشا الەۋەتتى دامۋ ساناتىنا جاتادى دە­گەن دەرەكتەرگە باستاپقىدا سەن­بەگەنىمىز راس. اقان سەرى اۋىلىندا ەگىن ەگىپ, مال ءوسىرىپ, تۇر­عىنداردىڭ الەۋمەتتىك جاعد­اي­ىنا قارايلاسىپ وتىر­عان شارۋا قو­جالىقتارى جە­تەك­شى­لەرىنىڭ اسەر­لى اڭگى­مەلەرى مەن بولاشاققا با­عىت­تالعان ناقتى ءىس-قيمىل جوس­پارلارى كۇماندى ويى­مىزدى سەيىلتكەندەي بول­دى. مەرەكە ورا­زالين – ەش­كىمگە سالماق سال­­ماي ءوزىن-ءوزى جۇمىسپەن قام­تا­ماسىز ەتىپ وتىرعان وتا­ع­ا­سى­لاردىڭ ءبىرى. «جۇمىسپەن قام­تۋدىڭ جول كارتاسى-2020» ارقىلى 3 ميلليون تەڭگە نەسيە الىپ, 15 سيىر, 1 اسىل تۇقىمدى بۇقا سا­­تىپ العان. ولاردى ساۋمەن كە­لىنشەگى نۇرگۇل اينالى­سا­دى. ءسۇتتى وتكىزۋمەن قوسا ىرىم­شىك, قۇرت, قوسپا جاساپ, با­لا-شاعا ناپاقاسىن ايىرادى. نە­سيەنىڭ جارتىسىن وتەپ, ەن­دى مال بورداقىلاۋ ىسىمەن شۇ­عىل­دان­باق. باعىمدارىندا قوي دا, جىلقى دا بار.

بەتكە ۇستار ازاماتتاردىڭ ءبىرى نۇرلان راقىمجانوۆتىڭ دا اۋىلعا دەگەن جاناشىر تىلەگى قا­راداي سۇيسىندىرەدى. جوعارى ءبى­لىمدى مامان وبلىس ورتا­لى­عىن­داعى جىلى ورنىن تاس­تاپ, ەل­گە ورالىپتى. ونداعى ماقسات تۋ­عان جەردى وركەندەتۋگە ءوز ۇلە­­­­سىمدى قوسسام دەگەن پەرزەنت­تىك پارىزدان تۋسا كەرەك. قازىر ەگىن­­­شىلىكپەن اينالىسىپ, 8 اۋىل­­داسىنا جۇمىس تاۋىپ بەرگەن. جىلقى دا جاقسى. الداعى ءبىر ويى – قىمىز وندىرىسىمەن اينالى­سۋ, اعاش وڭدەۋ كاسىبىن جاندان­دىرۋ. ءىنىسى سامات تا شا­رۋا قو­جالىعىن قۇرىپ, جە­ڭىل­دىكتى باع­دارلامالارعا قا­تى­سىپ ءجۇر. جۇ­مىسسىز قول قۋ­سىرىپ وتىرعان ەشكىمدى كو­ر­مەيسىڭ. سوندىقتان بولۋ كەرەك, بىردە-ءبىر وتباسى تۇرمىسى تو­مەن ساناتتاعىلار تى­زىمىنە ىلىك­پەگەن. ەرباتىر تورە­قۇ­لوۆ­تىڭ جەكە كاسىپكەرلىك اشسام با دەگەن قۇلشىنىسىنا جەر­لەستەرى ريزا. ول وسىدان بەس جىل بۇرىن زەرەندى اۋدا­نىنا قاراستى ترويتسك ەلدى مە­كە­نىنە كوشىپ كەتىپتى. «رۋحاني جاڭ­عىرۋ» باعدارلاماسى نامىسىن جانىعان بولۋ كەرەك, «شۋ, قاراقۇيرىق!» دەپ كەرى تارتىپ وتىرعان. ساتۋعا قيماعان ءۇيىن قالپىنا كەلتىرىپ, ەسەلى ەڭ­بەككە قۇلشىنا كىرىسىپ كەت­كەن. دارحان تورەقۇلوۆ, مۇراتحان ابىلكە سەكىلدى تەپسە تە­مىر ۇزە­تىن ازاماتتاردىڭ اۋىل­دان ەش كەت­كىسى جوق. قاز, مال ءوسى­رىپ, تا­بىس­تارىن دوڭگەلەتىپ وتىرعان جايلارى بار.

– وكرۋگتە 1500 ادام ەڭبەك ەتەدى, ءوزىن-ءوزى جۇمىسپەن قام­تا­ما­سىز ەتىپ وتىرعاندار – 666. جۇمىس­سىزدار – 14. 7 وتباسى عانا الەۋ­مەتتىك كومەك الادى. اقان سە­رى اۋىلى تۇرعىندارىنىڭ ور­تاشا جاسى 40-تى قۇرايدى. بو­لاشاعى ب ۇلىڭعىر, كۇڭگىرت دەسەك, اسىلىق ايتقاندىق بولار. كۇنگەيدەن قونىس اۋدار­عان اعاي­ىندارىمىز ءۇشىن قۇشاع­ى­مىز ايقارا اشىق. بوس تۇرعان عي­­ما­راتتاردىڭ تورتەۋى اكىمدىك مەن­­شىگىنە قايتارىلدى. تەگىن بە­رۋ­­گە ءازىرمىز. جۇمىس تا, باس­پانا دا, كاسىپ تە تابىلادى, – دە­گەن اۋىل اكىمى كەزىندە سەنات دە­پۋ­تا­تى بولعان ج.ەرعاليەۆتىڭ كوش­كەن جۇرتى ويسىرۋعا اينالعان اۋىل­­عا قاتىستى جاناشىرلىق ما­­سەلە كوتەرگەنىن, ونىڭ بىرى­نە سەرىنىڭ وسىنداعى ەڭسەلى ەسكەرتكىشىن استاناعا ورناتۋ جايى ارقاۋ بولعانىن ەسكە سال­دى. تاۋەلسىزدىگىمىزدىڭ اس­قاق بەينەسىندەي ەلەستەيتىن ەس­كەر­ت­كىش اۋىلدىڭ كوركىن كەل­تىرىپ تۇر. ونى قوزعاۋ ەش قيسىن­عا كەل­مەيدى. بۇرىنعىداي الاڭ­داي­تىن كەز ارتتا قالدى, دەيدى قاي-قايسىسىمەن سويلەسسەڭ دە جانارلارىنان وت ۇشقىنداپ. 

اگاراكي, ۇكىمەت تاراپىنان جە­ڭىلدىكتى باعدارلامالار ىسكە قو­سىلماعاندا شاعىن اۋىل­دار­دىڭ جۇرتىن سيپاپ قالار ما ەدىك دەگەن پىكىرلەردىڭ قيسىنى بار. ويتكەنى وزىق جوبالارعا قا­تى­سۋشىلار قاتارى اۋداندا جىل وتكەن سايىن ارتىپ كەلە جاتقانى بايقالادى. تەك بيىلدىڭ وزىندە نەگىزگى كا­پيتالعا 5 ميلليارد 845 ميلليون تەڭگە ينۆەستيتسيا قۇيىلىپ, 1673 ادام جۇمىسقا ور­نالاسقان. «2017-2021 جىل­دارعا ارنالعان ناتيجەلى جۇمىس­پەن قامتۋ جانە جاپپاي كاس­ىپ­كەرلىكتى دامىتۋ تۋرالى» باع­دار­لاماعا 692 ادام قاتىسىپ, 111 ميلليون تەڭگەنىڭ نەسيەسى بە­رىلگەن. «سىباعا», «ىرىس», «ال­تىن اسىق», «قۇلان», «ىسكەر» باعدارلامالارى شەڭبەرىندە 2 مىڭ ءىرى قارا مالى, وسىنشا قوي ت ۇلىگى ساتىپ الىنعان. مۇنىڭ ءبا­رى ەلدى مەكەندەردىڭ الەۋ­مەت­تىك-ەكو­نوميكالىق كورسەتكىشتەرىن ىلگەرىلەتۋگە جاسالىپ جاتقان باسىم باعىتتار سا­نالادى. سوڭعى ەكى جىلدا وڭ­تۇستىك وڭىرلەردەن كوشىپ كەلگەن 18 وتباسى اۋىلدىق جەر­لەرگە ورنالاستىرىلعان. د.كەنجەتاەۆ, ر.اۋشەۆ, ا.باي­كەن­جين, ي.قوجا­ح­­مەتوۆ سەكىلدى وسى وڭىردە تۋىپ-وس­كەن ازاماتتار سىرتتا جۇرسە دە, جۇيەلى دە­مەۋ­­شىلىك كورسەتىپ كە­لەدى. 

قوشتاساردا نۇرگۇل قا­رىن­­­دا­سىمىز: «ەكى بالامىز سىرت­تا وقي­دى. باستاۋىش سى­نىپ اشۋعا وقۋ­شى سانى جە­تەدى. عي­مارات بار. ءتيىستى ورىندار وسى جاعىن نازارعا السا», – دەگەن تىلەگىن ايتىپ قالدى. وي­لا­نار­لىق ۇسىنىستى جەر­گى­لىكتى بي­لىك تارازىعا سالار دەگەن سە­نىمدەمىز. 

مۇعالىمدەر قاتىناپ وقىتادى 

جولاي حالىق سازگەرى ۇكىلى ىبىراي اتىنداعى اۋىلعا سو­عۋ­دى ءجون كوردىك. ويتكەنى  150 جىلدىق مەرەيتويى قار­سا­­ڭىندا وسكەن ەلدى مە­كەنىنە اتى بەرىلگەنىمەن, وب­لىس ورتا­لى­­عىندا ساياباق اشىل­عا­نى­مەن, باسقا ەسكە الاتىن بەل­گى­­لەر­دىڭ جەتكىلىكسىزدىگى كو­ڭىل قۇ­­­­­لا­­زىتادى. پەتروپاۆل قالا­سىن­­­داعى ونەر كوللەدجىن ونىڭ ەسى­­مى­مەن اتاۋ تۋرالى ۇسىنىس ءالى كۇنگە دەيىن اياقسىز قالىپ كە­لەدى. ۇكىلى ىبىراي اتىنداعى اقمولا وبلىستىق فيلارمونياسى جۇيەلى تۇردە ۇيىمداستىرىپ جۇرگەن «گاككۋلەتكەن, اققۋ جەتكەن كوك­شەتاۋ» وڭىرارالىق فەس­تي­ۆالى سەكىلدى ءداستۇرلى ءان كەشىن وتكىزۋگە دەگەن ۇمتىلىستان گورى ق ۇلىقسىزدىق, نەمقۇرايدىق با­سىم سەكىلدى. كۇرە جولدىڭ بوي­ىندا ورنالاسقان ەلدى مە­كەندەگى 43 ءۇيدىڭ ءتۇتىنى ءتۇزۋ ۇشىپ جاتىر دەۋگە كەلە قوي­ماس. وسىدان 8 جىل بۇرىن 245 ادام تۇرسا, قازىر ەكى ەسەدەي ازايعان. نەگىزگى كۇنكورىسى ءتو­رت ت ۇلىك مالعا قاراپ قالعان تۇر­عىنداردىڭ ۇلكەن ۋايىم­دا­رىنىڭ ءبىرى – مەكتەپتىڭ قا­زىرگى جايى. سىنىپتار جە­تىس­­پەگەن­دىكتەن وقۋشىلار ەكى اۋى­­سىمدا وقۋعا ءماجبۇر. اكىم­شى­­لىك پەن مۇعالىمدەر قۇر­قىل­تاي­دىڭ ۇياسىنداي ءبىر بول­مەدە سى­عىلىسىپ وتىر. جوق سپورت زا­لىن ءسوز ەتۋدىڭ ءوزى ارتىق. مەك­تەپ ديرەكتورى قۇتتىباي اح­مە­توۆتى قاتتى قيناپ وتىرعانى – مۇ­عالىمدەردىڭ تاپشىلىعى. وسى سەبەپتى ءتورت مامان كور­شى قۇمتوككەن اۋىلىنان قاتى­ناي­دى. سولاردىڭ ءبىرى اسەم قۇل­باەۆا بيىل كوكشەتاۋداعى ا.مىرزاحمەتوۆ اتىنداعى ۋني­­­ۆەر­سيتەتتى اعىلشىن ءتىلى ما­ماندىعى بويىن­شا ءبىتىرىپ كە­لىپتى. ايلى­عى­نان شايلىعى ارتىلمايتىن جا­لا­قىنى قاناعات ەتكەننەن باس­قا امالى جوق. قىستىڭ كوزى قى­راۋدا ءارلى-بەرلى قاتىناۋ وتە قيىن, دەيدى ەڭبەك جولىن ەندى باستاعان ديپلومدى مامان. قىزىلاسكەر ورتا مەك­تەبى ديرەكتورىنىڭ وقۋ ءىسى جو­نىن­دەگى ورىنباسارى جۇمات قو­جاح­­مەتوۆ وسىندا بيولوگيا جا­نە حيميا پاندەرىنەن سا­باق بە­رەدى. شيرەك عاسىرعا جۋ­ىق ەڭ­بەك ءوتىلى بار ونىڭ شا­كىرت­­تەرىنىڭ الدى «بولاشاق» باع­د­ارلاماسىن يگەرگەن. ەندى وسى اۋىل تۇرعىندارىنىڭ سۇراۋى­مەن كولىك جالداپ, كەلىپ-كەتىپ ءجۇر. زاگ­رادوۆكا, گورنىي ەلدى مەكەن­دە­رىنەن دە شاقىرتۋ العانىمەن, كاسىبي مامان ودان باس تارتىپتى. جاعداي وسىلاي جالعاسا بەرسە, 9 جىلدىق ءبىلىم ءۇيىنىڭ جابىلىپ قالۋى عاجاپ ەمەس. 

وسى ورايدا كاكىمبەك اعا­مىز­دىڭ «اقتانگەر اقىننىڭ قاي­دا جاتقانى دا بەلگىسىز. اتىن ماڭ­گىلىككە قالدىراتىن بەلگىلەر ءالى جوق» دەگەن جانايقايى, وسىندا تۇراتىن نەمەرەسى ەلەمەس قوي­مانوۆا اجەي ايتقان «بۇل كىسىنىڭ ءبىر ءسوزى بار. ميليتسيا اكەتىپ بارا جاتقاندا جىلاپ قالعان بالالارىنا «مەن ول­مەي­مىن عوي, بالالارىم, سەندەر ول­مەڭدەر» دەگەن اقتىق ءسوزى وي­­عا ەرىكسىز ورالادى. مەكتەپ ال­دىندا ابدەن توزىعى جەتكەن ءمۇ­سىنى جالعىزسىراپ تۇر. استىنا «قىز­دان دا قىلىق­تىمىن جۇرگەن جەر­دە, حاننان دا قادىر­لى­مىن تۋ­عان ەلگە. اق تاماق, شۇ­بار باۋ­ىر قوڭىر قازىم, سالا الماس «گاككۋىمدى» ەشبىر پەندە» دەپ جازىلعان ولەڭ جولدارى ك­و­مەسكىلەنىپ كورىنەدى. «گاككۋ» – ءاننىڭ تو­رە­سى ەكەنى داۋسىز. ال  اۋىل مەن ەس­كەرتكىشتىڭ قاشانعا دەيىن تۇرارى بەيمالىم...

ەلباسىنىڭ «بولاشاققا باع­دار: رۋحاني جاڭعىرۋ» باع­دار­لامالىق ماقالاسى اياسىندا سال-سەرىلەردىڭ اۋىلى جان-جاقتى جاڭعىرىپ جاتسا, جەرگىلىكتى جۇرتتىڭ رۋحى دا اسقاقتار ەدى عوي؟!

ءومىر ەسقالي, «ەگەمەن قازاقستان»

سولتۇستىك قازاقستان وبلىسى, ايىرتاۋ اۋدانى