قر ۇلتتىق بانكى بۇگىننەن باستاپ 500 تەڭگەلىك جاڭا كۋپيۋرانى اينالىمعا شىعاردى. بۇل - «قازاق ەلi» سەرياسى بويىنشا شىققان التىنشى كۋپيۋرا.
قاعاز اقشانىڭ ديزاينى بۇرىنىراق شىققان جوعارى نومينالدى اقشالاردىڭ ديزاينىنا ۇقساس. كۋپيۋرانىڭ ءبىر بەتىندە قازاق ەلى مونۋمەنتى مەن كوگەرشىندەر, ەكىنشى بەتىندە كاسپي تەڭىزى بەينەلەنگەن. ءتۇس رەڭى وزگەرمەگەن.
«اقشاداعى جازۋ كيريلليتسا قارپىمەن باسىلعان. سەبەبى ديزاين جۇمىستارى 2015 جىلى جۇرگىزىلگەن. كۋپيۋرانى باسىپ شىعارۋ - ۇزاق جۇرەتىن پروتسەسس»,- دەدى قر ۇلتتىق بانكىنىڭ توراعاسى دانيار اقىشەۆ. ەسكى 500 تەڭگەلىكتەر 2020 جىلدىڭ 10 شىلدەسىنە دەيىن اينالىمدا جۇرەدى. مەرزىم جەتكەن سوڭ كۋپيۋرا اينالىمنان الىنادى.