جانكەلدين اۋداندىق سوتى قوستاناي اۋدانىنىڭ 31 جاسار تۇرعىنى ك. دەگەن ازاماتتىڭ قىلمىستىق ءىسىن قارادى. ول تورعاي دالاسىنان رەسپۋبليكانىڭ قىزىل كىتابىنا ەنگەن, قۇرىپ كەتۋدىڭ الدىندا تۇرعان ەكى بەزگەلدەكتى اتقانى ءۇشىن قر قك 339-بابى بويىنشا ايىپتالىپ, قىلمىستىق جاۋاپكەرشىلىككە تارتىلدى.
قىلمىستىق ءىس كەلىسۋ راسىمىندەگى سوتتا قارالىپ, براكونەرگە 2 جىل باس بوستاندىعىنان ايىرۋ ۇكىمى شىقتى. ول سوت مەرزىمىن اياقتاعانشا پروباتسيالىق باقىلاۋدان ءوتىپ تۇرادى. ونىڭ سىرتىندا كىنالى رەسپۋبليكا زاڭىن بۇزعانى جانە ماتەريالدىق شىعىن اكەلگەنى ءۇشىن 453 800 تەڭگە ايىپپۇل تولەيدى.
بەزگەلدەك 2006 جىلى 31 قازاندا قر ۇكىمەتىنىڭ قاۋلىسىمەن قۇرىپ كەتۋدىڭ الدىندا تۇرعان جانۋارلاردىڭ تىزىمىنە ەنگىزىلگەن بولاتىن.
ءنازيرا جارىمبەت
«ەگەمەن قازاقستان»
قوستاناي