ءماجىلىس سپيكەرى نۇرلان نىعماتۋليننىڭ توراعالىعىمەن وتكەن پالاتانىڭ بيۋرو وتىرىسىندا الداعى جالپى وتىرىستىڭ كۇن ءتارتىبىنىڭ جوباسى ناقتىلاندى. جالپى وتىرىستا حالىق قالاۋلىلارىنىڭ نازارىنا تۇرعىن ءۇي قاتىناستارى بويىنشا تۇزەتۋلەر ءبىرىنشى وقىلىمدا ۇسىنىلماق.
سونىمەن قاتار پالاتا وتىرىسىندا قازاقستان مەن ازيا دامۋ بانكى اراسىنداعى قارىز تۋرالى كەلىسىمگە تۇزەتۋلەرگە قاتىستى كەلىسىم-حاتتى راتيفيكاتسيالاۋ تۋرالى زاڭ جوباسى تالقىلاناتىن بولادى. بۇل قۇجات بويىنشا «جەتىباي-جاڭاوزەن» اۆتوجولىنىڭ قوسىمشا اۋماعىن ەنگىزۋ كوزدەلىپ وتىر. بۇل رەسەي جانە تۇرىكمەنستان ەلدەرىمەن بايلانىستا قازاقستاننىڭ ترانزيتتىك الەۋەتىن ارتتىرۋعا مۇمكىندىك بەرمەك.
كۇن ءتارتىبىنىڭ جوباسى بويىنشا پالاتانىڭ بەيىندى كوميتەتتەرىنە مەنشىك قۇقىعىن قورعاۋدى كۇشەيتۋ جانە تورەلىك ماسەلەرى, سونىمەن بىرگە مەملەكەتتىك فۋنكتسيالاردى باسەكەلەستىك ورتاعا بەرۋ ماسەلەلەرىنە قاتىستى زاڭ جوبالارى بويىنشا قورىتىندى ازىرلەۋ مەرزىمدەرىن بەلگىلەۋ ۇسىنىلادى.