ومىردەن قايمىقپاعان جان

نەگىزىنەن ءا.نۇرماعانبەتوۆ جۇمىسپەن قامتۋ ورتالىعىنا 2016 جىلى بارىپ تىركەلىپتى. جارتى جىلداي وقىپ, ءتيىستى سەرتيفيكاتىن العان بولاشاق كاسىپكەرگە نەسيە بەرۋ تۋرالى شەشىم قابىلدانىپتى. بۇلاندى اۋدانى جۇمىسپەن قامتۋ ورتالىعىنىڭ مامانى ايدار جاروۆتىڭ ايتۋىنشا, بىلتىر نەسيە العان كاسىپكەر ءوندىرىستى تەك بيىلعى جىلدىڭ باسىندا ىسكە قوسا الىپتى. ايتسە دە ونىڭ بۇل قادامى ازىرگە ءساتتى باستالىپ وتىر. 3 ميلليون تەڭگەگە كاسىپكەر قۇرال-جابدىقتار مەن ءتيىستى شيكىزات ساتىپ الىپ, عيما­راتتى جالعا الىپ, جۇمىس­شىلار جالداعان. وسىلايشا ول ءوزىنىڭ العاشقى ميلليون تەڭگە تابىسىن تاپقانى قۋانىشتى حابار بولدى. 

ء«بىز اعاش ساتىپ الىپ, ونى وڭدەيمىز, كەيىن ودان دەمالۋشىلار ءۇشىن جازعى باسپانا, مونشا, ۇستەل جانە وزگە دە دۇ­نيەلەر جاسايمىز. ءوندىرىستى 2017 جىلدىڭ قاڭ­تا­رىندا ىسكە قوس­تىق. اعىمداعى جىل­دىڭ مامىر ايىنا دەيىن مەندە جەڭىلدىكتى كەزەڭ, بيزنەستى دامى­تۋ ءۇشىن وتە ىڭ­عايلى», دەيدى ءا.نۇر­ماعانبەتوۆ. 

ونىڭ شاعىن كاسىپورنى تاپسىرىستى 16-22 كۇندە ورىندايدى ەكەن. جۇمىسشىلاردىڭ جالاقىسى 40 پەن 80 مىڭ تەڭگە ارالىعىندا كورىنەدى. العاشقى ميلليون تەڭگە تابىس تاپقان جاس كاسىپكەر ءىىى توپ­تاعى مۇگەدەك. ءبىر كەزدەرى كۇرەس­پەن اينالىسقان جاقسى سپورتشى دا ەكەن. الايدا, جاراقات الىپ, سپورتتى تاستاۋىنا تۋرا كەلگەن. قيىن­دىقتان قايمىقپاعان كاسىپكەر ءوزىن باسقا قىرىنان تانىتىپ, ەندى قولعا العان كاسىبىن كەڭەيتپەك ويدا ەكەندىگىن ايتىپ قالدى.

اسقار تۇراپباي ۇلى, «ەگەمەن قازاقستان»

اقمولا وبلىسى