پارلامەنت سەناتىنىڭ دەپۋتاتى, اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى سەرگەي پلوتنيكوۆ وسكەمەندەگى ا.س.پۋشكين اتىنداعى كىتاپحانادا بولدى, دەپ حابارلادى پارلامەنت سەناتىنىڭ ءباسپاسوز قىزمەتى.
دەپۋتات كىتاپحانا قىزمەتكەرلەرىن سەناتتىڭ زاڭ شىعارۋ قىزمەتى تۋرالى حاباردار ەتىپ, ءوزىنىڭ «زاكون سوحرانەنيا دوۆەريا» اتتى كىتابىن تانىستىردى. سەناتور كىتاپحانانىڭ بولىمدەرىمەن جانە كىتاپ قورىمەن تانىستى. كەزدەسۋ بارىسىندا كىتاپحانا قىزمەتكەرلەرى س.پلوتنيكوۆكە وقىرمانداردىڭ بوس ۋاقىتىن ءساتتى ۇيىمداستىرۋعا, الەۋمەتتىك, ءبىلىم بەرۋ ماسەلەلەرىن شەشۋگە, جاڭا مۇددەلەستەر مەن ارىپتەستەر تابۋعا, جاڭا مۇمكىندىكتەر تابۋعا جول اشاتىن جوبالار تۋرالى ايتتى.
ساپار سوڭىندا سەرگەي پلوتنيكوۆ كىتاپحانا قىزمەتكەرلەرىنە تابىستى ەڭبەكتەرى ءۇشىن العىس ايتتى.