وبلىستىق ىشكى ىستەر دەپارتامەنتى كريمينالدىق پوليتسيا باسقارماسىنىڭ باستىعى, پولكوۆنيك امانگەلدى مۇحامەتقاليەۆ پوفيلاكتيكالىق جۇمىستاردا قىزمەتكەرلەردى تۇرعىندارعا ۇرىلار قۇربانى بولماۋىن تۇسىندىرۋگە, ونىڭ تاسىلدەرىن ۇيرەتۋگە باعىتتاپ وتىرادى.
پولكوۆنيكتىڭ ايتۋىنشا, جىل باسىنان بەرى قوستاناي وبلىسىندا 1579 پاتەر ۇرلىعى تىركەلگەن. جاز ايلارىندا ۇرىلار ۇيلەرگە تەرەزەدەن, بالكوننان كىرىپ وتىرادى. پاتەر ۇرلىعىنا نەگىزىنەن ءۇي يەسىنىڭ سالعىرتتىعى دا سەبەپ بولىپ جاتادى.
«ۇرلىققا جول بەرمەۋ ءۇشىن تەرەزە, ەسىكتى مىقتاۋ كەرەك, ساپالى ق ۇلىپتى, سيگناليزاتسيانى پايدالانعان دۇرىس. ۇيدەن از ۋاقىتقا كەتكەننىڭ وزىندە ەسىك, تەرەزەنى مىقتاپ جابۋدى ادەتكە اينالىرعان دۇرىس. قاۋىپسىزدىك ءۇشىن جۇمساعان قارجى ۇرلانعان زاتتان ارقاشان ارزان. حالقىمىز, «وزىڭە ءوزىڭ مىقتى بول, كورشىڭدى ۇرى تۇتپا» دەپ ەسكەرتكەن, وسى قاعيدا ءار كەز ەستە بولۋى ءتيىس», – دەيدى ا.مۇحامەتقاليەۆ.
قازىر وبلىستا 1400-دەن استام ءۇي, پاتەرلەر كۇزەت فيرمالارىنىڭ قىزمەتىن پايدالانادى.
ءنازيرا جارىمبەت, «ەگەمەن قازاقستان» قوستاناي