ونىڭ ايتۋىنشا, كۇدىكتىلەر قىرعىزستاننان كەلگەن كونتراباندالىق جۇكتى, ياعني جىلقىنى شەكارادان زاڭسىز وتكىزبەك بولىپ, قورشاۋلاردى بۇزعان.
«زاڭبۇزۋشىلىققا قاتىسقان جانە شەكارا قىزمەتىندەگى ينجەنەرلىك-تەحنيكالىق نىسانعا نۇقسان كەلتىرگەن بارلىق تۇلعالاردىڭ ارەكەتى انىقتالىپ, قازىر ولارعا قاتىستى تەرگەۋ امالدارى جۇرگىزىلىپ جاتىر. جۋىق ارادا بارلىق ناتيجەلەر بەلگىلى بولادى», – دەدى شەكارا قىزمەتىنىڭ ديرەكتورى.
ەسكە سالا كەتەيىك, وتكەن جەكسەنبىدە جامبىل وبلىسىنداعى قازاق-قىرعىز شەكاراسىندا وق اتىلىپ, ادام ءولدى. شەكارا قورشاۋلارىن بۇزباق بولعان 20 شاقتى ادامدى شەكاراشىلار توقتاتپاق بولعان. الايدا, ولار ساقشىلارعا تاس اتىپ, جاراقاتتاعان. زاڭسىزسىزدىقتى توقتاتۋ ءۇشىن شەكارا قىزمەتكەرى وق اتىپ, ءبىر ادام قازا بولدى. قازىر ەكى تاراپقا قاتىستى قىلمىستىق ءىس قوزعالدى. شەكاراشىنىڭ قارۋ قولدانۋ ارەكەتىنىڭ زاڭدىلىعى دا تەكسەرىلمەك.