فۋتبولدان جاسوسپىرىمدەر قۇراماسىنىڭ اعا جاتتىقتىرۋشىسى تاعايىندالدى

بۇعان دەيىن ول قازاقستان جاستار قۇراماسى (U21) اعا جاتتىقتىرۋشىسىنىڭ كومەكشىسى قىزمەتىن اتقارعان.

فەدەراتسيانىڭ مالىمەتىنشە, يگور سۆەچنيكوۆ فۋتبول كارەراسىندا «حيميك», «تسەليننيك», «قايرات», «مەتاللۋرگ» (ماگنيتوگورسك) جانە «جەڭىس» كوماندالارىندا ويناعان. باپكەرلىك قىزمەتىنىڭ كوپ بولىگىن «جەڭىس», «وقجەتپەس», «جەتىسۋ», «استانا» جانە «بايتەرەك» كلۋبتارىندا وتكىزگەن. وعان جاسوسپىرىمدەر قۇراماسىن جاتتىقتىرۋعا تاعى ءبىر قازاقستاندىق مامان – يۆان ازوۆسكي كومەكتەسەتىن بولادى.

ايتا كەتەيىك, قازاقستان جاسوسپىرىمدەر قۇراماسى (U17) الداعى ۋاقىتتا بىرنەشە حالىقارالىق تۋرنيرگە قاتىسادى. اتاپ ايتقاندا, فۋتبولشىلار 4-8 قىركۇيەك ارالىعىندا قر پرەزيدەنتىنىڭ كۋبوگىندا, ال 19-25 قىركۇيەك ارالىعىندا بەلارۋس استاناسى مينسكىدە 2018 جىلعى ەۋروپا چەمپيوناتىنىڭ ىرىكتەۋ تۋرنيرىندە سىنعا تۇسەدى.