وڭىردە قالالىق جانە اۋداندىق سايلاۋ كوميسسيالارى اۋىل اكىمى لاۋازىمىنا 279 ۇمىتكەر تىركەپتى. ولاردى قۇپيا داۋىس بەرۋ قۇقىعى نەگىزىندە ءماسليحات دەپۋتاتتارى سايلادى. اۋىلدىق اۋماقتار مەن اۋىل اكىمدەرىنە داۋىس بەرۋ ورىندارى سايلاۋشىلار وتىرىسى وتكەن عيماراتتاردا اشىلىپ, قاجەتتى قۇرالدارمەن جابدىقتالدى.
وبلىستاعى 13 اۋداندا سايلاۋ ۇردىسىنە 167 دەپۋتات قاتىستى. ءسويتىپ, 279 ۇمىتكەردىڭ ىشىنەن 98 اۋىل اكىمى سايلاندى. سايلانعان اكىمدەردىڭ 80-ءى ەر ادام بولسا, 18-ءى – ايەل. ونىڭ ىشىندە: پەداگوگتار – 47, اۋىل شارۋاشىلىعى ماماندارى – 18, ەكونوميستەر – 11, زاڭگەرلەر – 11, ينجەنەرلەر – 11. جاس ەرەكشەلىكتەرىنە كەلەتىن بولساق, التى ادام – 25-30, 10 ادام – 30-35, 25 ادام – 35-45, 45 ادام 45-55 جاس ارالىعىندا جانە 12 ادام 55 جانە ودان جوعارى جاستا. ەڭ جاس اكىم – 25 جاستاعى ەرعانات قايكەن ماي اۋدانى مايتۇبەك اۋىلىندا تۇرادى.
فاريدا بىقاي, «ەگەمەن قازاقستان» پاۆلودار وبلىسى