تاراز قالاسىنداعى دوستىق ۇيىندە «مەدياتسيا ينستيتۋتىنىڭ قازىرگى جاعدايى مەن دامۋ پەرسپەكتيۆاسى» اتتى جامبىل وبلىسى قازاقستان حالقى اسسامبلەياسى مەدياتورلارىنىڭ فورۋمى ءوتتى. فورۋم جۇمىسىنا قازاقستان رەسپۋبليكاسى پرەزيدەنتى جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسى مەدياتسيا سەكتورىنىڭ مەڭگەرۋشىسى جانار ۇسىپبەكوۆا, «قوعامدىق كەلىسىم» كوممۋنالدىق مەملەكەتتىك مەكەمەسى مەديا-تسيا كابينەتىنىڭ مامانى ۆالەنتينا دوسىبيەۆا, وبلىستىق سوت كوورديناتورى دينارا نۇرلىباەۆا, تاراز قالالىق ادىلەت باسقارماسىنىڭ باسشىسى گۇلنار كۋشەكوۆا, قازاقستان حالقى اسسامبلەياسىنىڭ مەدياتورى گۇلميرا جولداسوۆا, بايزاق اۋدانىنىڭ قازاقستان حالقى اسسامبلەياسىنىڭ مەدياتورى عاليا كوشەكباەۆالار قاتىسىپ, مەدياتسيا سالاسىنا قاتىستى ءتۇرلى تاقىرىپتاردا بايانداما جاسادى.
بۇگىندە جامبىل وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسى جانىنان 2016 جىلدىڭ 4 اقپانىنان باستاپ قوعامدىق قابىلداۋ جۇرگىزەتىن, تۇرعىندار كەز كەلگەن ماسەلەلەرىمەن جۇگىنە الاتىن مەدياتسيا كابينەتى جۇمىس ىستەپ كەلەدى. بۇدان وزگە سوتتا, وبلىس, قالا جانە اۋدان اكىمدەرىنىڭ اپپاراتىندا 48 مەدياتور قىزمەت ەتەتىن 12 مەدياتسيا كابينەتى, سونىمەن قاتار تۇرعىندارعا مەدياتسيالىق كەڭەس بەرەتىن كەزەكشىلىك مۇشە كەڭەسى ۇيىمداستىرىلعان. ال اعىمداعى جىلعى 1 تامىز كۇنى مەدياتسيا كابينەتىنە 362 ازامات ءوز وتىنىشتەرىمەن قايىرىلعان. سونداي-اق, وبلىستىق قازاقستان حالقى اسسامبلەياسى مەدياتورلارىنىڭ قىزمەتى ناتيجەسىندە ءۇش ءجۇز داۋلى جاعداي وڭ شەشىلگەن. ال ازاماتتاردىڭ بەرگەن وتىنىشتەرىنىڭ ىشىندە ەتنوسارالىق كەلىسپەۋشىلىك پەن شيەلەنىس بويىنشا ماسەلە بولماعانىن ايتا كەتۋ كەرەك. سونىمەن قاتار, فورۋم بارىسىندا مەدياتسيا ينستيتۋتىنىڭ جاعدايى مەن دامۋ ماسەلەلەرى ءسوز بولىپ, قازاقستان حالقى اسسامبلەياسى مەدياتسيا قۇرىلىمىنىڭ مەملەكەتتىك ورگاندار مەن ازاماتتىق قوعام ينستيتۋتىمەن ءوزارا ءىس-قيمىلىنىڭ نەگىزگى تەتىكتەرى تالقىلاندى.
فورۋم قاتىسۋشىلارى تاراپىنان 2017 جىلدىڭ 1 قىركۇيەگىنە دەيىن جامبىل وبلىسى قازاقستان حالقى اسسامبلەياسىنىڭ حاتشىلىعىنا «قوعامدىق كەلىسىم» كوممۋنالدىق مەملەكەتتىك مەكەمەسى كۇرىلىمىندا ونىرلىك مەدياتسيا ينستيتۋتىن ءتيىمدى دامىتۋ ماقساتىندا مەدياتسيا ءبولىمىن اشۋ ماسەلەسىن قاراستىرۋ, تۇراقتى تۇردە ءوڭىردىڭ بارلىق اۋداندارىندا ءتۇسىندىرۋ جۇمىستارى جۇرگىزىلىپ, بۇقارالىق اقپارات قۇرالدارىندا اقپارات بەرىلىپ, اشىق ەسىك كۇندەرىن وتكىزۋ, ەل ازاماتتارىنا ارنالعان مەدياتسيا بويىنشا سەمينار-ترەنينگتەر مەن شەبەرلىك سىنىپتارىن جۇرگىزۋ سياقتى بىرقاتار ۇسىنىستار ايتىلدى. ەندى ايتىلعان ۇسىنىستار قابىلدانىپ, جوسپارلار جۇزەگە اسقان جاعدايدا, مەدياتسيا قىزمەتىنىڭ مارتەبەسى بۇدان دا ارتا تۇسەتىندىگى ءسوزسىز.
حاميت ەسامان, «ەگەمەن قازاقستان»
جامبىل وبلىسى