بۇل رەتتە, «رۋحاني جاڭعىرۋ» باعدارلاماسى ءۇشىنشى جاڭعىرۋدىڭ ۇيلەسىمدى بولىگى رەتىندە قاراستىرىلۋى ءتيىس. پاۆلودار وبلىسىنىڭ پوليەتنوستى تۇرعىندارى مەن قازاقستان حالقى اسسامبلەياسى ءۇشىن بۇل ەڭ الدىمەن جاڭا ازاماتتىق باستامالاردا – باسەكەگە قابىلەتتىلىكتى, پراگماتيزمدى, بىلىمگە ۇمتىلۋدى, سانا-سەزىم اشىقتىعىندا ازاماتتىق بىرەگەيلىكتى نىعايتۋدى بىلدىرەدى.
بۇگىندە ەلىمىزدە مادەنيەتارالىق بايلانىستىڭ ارقاسىندا ۇلتتىق ەرەكشەلىكتى ساقتاۋعا, ەتنوسارالىق قارىم-قاتىناستىڭ ۇيلەسىمدى دامۋىنا, ازاماتتىق جانە ۇلتتىق بىرەگەيلىكتى قالىپتاستىرۋعا قولايلى جاعدايلار جاسالعان. قازىرگى ۋاقىتتا وڭىرلەردە مەملەكەتتىڭ ۇلتتىق ساياساتىن جۇزەگە اسىرۋ شەڭبەرىندە وتەتىن الەۋمەتتىك ماڭىزى زور مادەني اكتسيالار مەن ءىس-شارالاردىڭ باستاماشىسى ءارى قاتىسۋشىسى بولىپ وتىرعان ەتنومادەني بىرلەستىكتەر بەلسەندى جۇمىس اتقارىپ وتىر.
مەملەكەت پەن قوعام, سونداي-اق اسسامبلەيا ىنتالاندىراتىن ەتنومادەني بىرلەستىكتەر ەلىمىزدە تۇرىپ جاتقان ءارتۇرلى ەتنوستار اراسىنداعى مادەنيەتارالىق ديالوگتى, قوعامدىق سانانى ودان ءارى جاڭعىرتۋ ءۇشىن قوعامدىق ىنتىماقتاستىق پەن كەلىسىمدى ساقتاۋ مەن دامىتۋ, جاڭا مادەني جانە الەۋمەتتىك نەگىزدى نىعايتۋدى كوزدەيدى.
وسى ۇدەرىستىڭ ماڭىزدى العىشارتىنىڭ ءبىرى رەتىندە ەلباسى ءوزىنىڭ «بولاشاققا باعدار: رۋحاني جاڭعىرۋ» ماقالاسىندا ۋاقىت تالابىنا سايكەس كوپۇلتتى قازاقستان حالقىنىڭ بىرەگەي ۇلتتىق مادەنيەتى مەن ءداستۇرىن ساقتاۋ جانە دامىتۋ قاجەتتىلىگىن ايتىپ وتكەنى كەزدەيسوق ەمەس. بۇل ماسەلەدە ازاماتتىق قوعام مەن مەملەكەتتىك بيلىك ينستيتۋتتارىنىڭ ەلەمەنتتەرىن وزىنە بايلانىستىراتىن بىرەگەي ورگانى رەتىندە قازاقستان حالقى اسسامبلەياسىنىڭ ءرولى ايرىقشا.
قازىرگى ۋاقىتتا قازاقستاندىق قوعامنىڭ بەلسەندى قاتىسۋىن تالاپ ەتەتىن ناقتى مىندەتتەر مەن بىرقاتار جوبالار بەلگىلەنىپ وتىر. ماسەلەن, جالپىۇلتتىق ءپاتريوتيزمدى قالىپتاستىرۋعا, ازاماتتاردىڭ تۋعان ەلىنە, اۋىلىنا, قالاسىنا, وڭىرىنە دەگەن سۇيىسپەنشىلىك سەزىمىن ارتتىرۋعا, جاس ۇرپاقتى تاريح پەن مادەنيەتتى قۇرمەتتەۋگە باعىتتالعان «تۋعان جەر» جانە وتانداستارىمىزدىڭ ناقتى جەتىستىكتەرىن كورسەتەتىن, جاڭا قازاقستاندى قالىپتاستىرۋدا ايانباي ەڭبەك ەتىپ جۇرگەن مايتالماندارعا ارنالعان «قازاقستانداعى 100 جاڭا ەسىم» جوبالارىنىڭ ورنى بولەك. وسى جوبالاردى ىسكە اسىرۋ شەڭبەرىندە اسسامبلەيا جانە ەتنومادەني بىرلەستىكتەر قوعامنىڭ ورتاق ماقساتقا بىرلەسىپ جەتۋىن قامتاماسىز ەتەدى. اسسامبلەيانىڭ قولداۋىمەن وتكىزىلەتىن كونفەرەنتسيالار, دوڭگەلەك ۇستەلدەر, پىكىرتالاس الاڭشالارى تالاپتى جانە ءتيىمدى نورماعا, قوعامدىق پىكىردىڭ ايناسىنا اينالدى.
ەلباسى قازاقستان حالقى اسسامبلەياسىنىڭ سەسسياسىنداعى سوزىندە ازاماتتىق بىرەگەيلىكتى نىعايتۋ جانە بىرلىك پەن كەلىسىمدى ودان ءارى قامتاماسىز ەتۋ قاجەتتىلىگىن اتاپ ءوتتى. وسى مىندەتتى جۇزەگە اسىرۋ ءۇشىن قازاقستان حالقى اسسامبلەياسىنىڭ جاڭا باعىتتارى – قوعامدىق كەلىسىم كەڭەسى.
قازىرگى ۋاقىتتا 71 قوعامدىق كەلىسىم كەڭەستەرى جۇمىس ىستەيدى. قوعامدىق كەلىسىم كەڭەسىنىڭ وتىرىستارىندا ءوڭىردىڭ قوعامدىق-ساياسي جانە الەۋمەتتىك-ەكونوميكالىق ءومىرىنىڭ وزەكتى ماسەلەلەرى قاراستىرىلدى. كەڭەس ءوز قىزمەتىندە وبلىستىق اسسامبلەيانىڭ اقساقالدار القاسىمەن جانە ارداگەرلەر كەڭەستەرى جانە ەتنومادەني بىرلەستىكتەرىنىڭ اقساقالدارىمەن بەلسەندى ارەكەتتەسۋى وڭ اسەرىن تيگىزۋدە.
سونداي-اق, جاستاردى جاڭا قازاقستاندىق پاتريوتيزمگە تاربيەلەۋ, وتباسى قۇندىلىقتارىن ناسيحاتتاۋ جونىندەگى جۇمىسقا انالار كەڭەسى بەلسەندى قاتىسۋدا.
اسسامبلەيا شەتەلدەرمەن دە, سونىڭ ىشىندە قازاقستاندا تۇرىپ جاتقان ەتنوستاردىڭ تاريحي وتاندارىمەن دە دوستىق بايلانىستى نىعايتۋ جانە ىنتىماقتاستىقتى دامىتۋ بويىنشا بەلسەندى جۇمىس جۇرگىزىپ كەلەدى. وسىلايشا, قازاقستاندا بۇگىنگى كۇنى ەتنوستىق بىرلەستىك وكىلدەرىن وزدەرىنىڭ ۇلتتىق مادەنيەتىنە جانە انا تىلىنە قاتىستىرۋ ءۇشىن, سونداي-اق «ارالۋاندىقتاعى بىرلىك» قاعيداتتارى نەگىزىندە جالپىقازاقستاندىق مادەنيەت پەن ازاماتتىق بىرەگەيلىكتى قالىپتاستىرۋ مەن دامىتۋ بويىنشا بارلىق جاعدايلار جاسالۋدا.
بۇل پروتسەسس قازاقستاندىقتاردىڭ باسەكەگە قابىلەتتىگىن ارتتىرۋعا, بۇكىل الەمگە حالقىمىزدىڭ بىرەگەيلىگىن, ونىڭ ساياسات, ەكونوميكا, تەحنولوگيا, الەۋمەتتىك جانە مادەني سالالار بويىنشا جەتىستىگىن كورسەتۋگە بەيىمدەلگەن جالپىقازاقستاندىق سانانى جاڭعىرتۋ ۇدەرىسىنىڭ ماڭىزدى بولىگى بولىپ تابىلادى.
تاريحي تاجىريبە ءارتۇرلى ەتنوستاردىڭ دامۋ تاجىريبەسىن وزىنە سىڭىرگەن تەك كوپەتنوستى قوعام عانا الەمدىك دامۋ كوشباسشىلارى بولىپ تابىلاتىنىن كورسەتەدى. سولتۇستىك امەريكا, باتىس ەۋروپا, قىتاي, ءۇندىستان وسىنداي ايماقتار بولىپ تابىلادى.
قازاقستاننىڭ پوليەتنوستىعى ەلىمىزدى الەمدىك ەكونوميكالىق كەڭىستىكتىڭ تەحنولوگيالىق تىزبەسىنە ەنگىزۋدىڭ تاعى ءبىر جولىن اشادى. ەڭ باستىسى الەمنىڭ ءارتۇرلى ەلىنەن شىعىپ, قازاقستاندا تۇرىپ جاتقاندار, سونداي-اق, ءوزىنىڭ تاريحي وتاندارىمەن بىرلەسىپ جوعارى تەحنولوگيالىق وندىرىستەردى دامىتاتىن قازاقستاندىق ەتنوستاردىڭ اراسىنداعى كاسىپكەرلەر الەۋەتىن ءتيىمدى پايدالانعان ءجون.
گەرمانيا, پولشا, كورەيا سىندى ەلدەر قازاقستاندا, سونىڭ ىشىندە پاۆلودار وبلىسىندا جاڭا جۇمىس ورىندارىن اشاتىن, ءوندىرىستى, الەۋمەتتىك قىزمەتتى جاڭا تەحنولوگيالىق دەڭگەيگە شىعاراتىن, بىرلەسكەن بيزنەس جاسايتىن مەملەكەتتەردىڭ قاتارىنا جاتادى. سوندىقتان ءبىز وبلىستىڭ ەتنومادەني بىرلەستىكتەرىن وسىنداي بايلانىس تۇرلەرىن كەڭەيتۋگە باعدارلايمىز. ارينە, بۇل ءبىر كۇندىك جۇمىس ەمەس.
جالپى, قوعامدىق سانانى جاڭعىرتۋ سالاسىندا اسسامبلەيا جانە ەتنومادەني بىرلەستىكتەر سىندى ۇيىمداردىڭ الەۋەتى وتە زور.
سەيسەنباي جەتپىسباەۆ, پاۆلودار وبلىسى قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى