جاسىراتىنى جوق, «سولتۇستىكتىڭ قاقپاسى» سانالاتىن, ەرەكشە ستراتەگيالىق ماڭىزعا يە شاھاردىڭ كىرەبەرىس كەلبەتى بۇگىنگى كۇن تالابىنا سايكەس كەلمەيتىندىكتەن جۇرتشىلىق تا, سىرتتان كەلگەن مەيماندار دا جاڭارتۋدى قالايتىن. اسىرەسە, ۇزدىك-سوزدىق, ءيىن تىرەسە سالىنعان ءارى توزىعى جەتكەن جەكە لاشىقتار قالا سۇرقىن قاشىرىپ تۇراتىن. «دسر» دەپ اتالاتىن بۇل اۋماقتا بۇگىندە قۇلاققا جىلى ەستىلەتىن «جاس وركەن» شاعىن اۋدانى بوي تۇزەپ, قالانىڭ ەڭ كورىكتى ورنىنا اينالىپ كەلەدى. 62 گەكتار جەردە قالاي بولسا سولاي ورنالاسقان ەسكى ۇيلەر مەن دۇڭگىرشەكتەر ءسۇرىلىپ, ولاردىڭ ورنىندا ءزاۋلىم عيماراتتار بوي تۇزەي باستادى. مۇندا باس جوسپار بويىنشا 11 تۇرعىن ءۇي كەشەنى وزىق ۇلگىلەرمەن تۇرعىزىلادى. بۇل شامامەن ەكى مىڭداي پاتەر دەگەن ءسوز. «كازگرادستروي», «زەرتتەۋ سك», «كوكشەتاۋ جانارماي بازاسى» كومپانيالارى 384, 313 جانە 332 كوپ قاباتتى ۇيلەردىڭ قۇرىلىسىن ەڭسەرىپ تاستادى. بولاشاقتا 9 قاباتتى پروكۋراتۋرا عيماراتى, 4 قاباتتى وقۋشىلار سارايى, تەاتر, باسقا دا الەۋمەتتىك-مادەني نىساندار تۇرعىزىلادى. جارىق ديودتى شامدار ءىلىنىپ, ءساندى قورشاۋلار ورناتىلادى. جاسىل جەلەكتەرمەن كومكەرىلەدى. اينالما جولدىڭ تۇسىنا بيىكتىگى 14 مەترگە جەتەعابىل قوجابەرگەن جىراۋ تولىباي ۇلىنىڭ ات ۇستىندەگى ەسكەرتكىشى الىستان «مەنمۇندالاپ» تۇراتىن بولادى.
«بەنزوستروي» دەسە ات-تونىن الا قاشاتىن ادامدار ەندى وسى جاققا كەلۋگە ىنتىق. ويتكەنى, ارامشوپتەر قاۋلاپ ءوسىپ كەتكەن, جاڭبىر جاۋسا, توپىراعى قامىرشا يلەنىپ قالاتىن يەسىز جەر بۇگىندە ادام تانىعىسىز وزگەرىپ, ادەمى قالاشىققا اينالعان. 720 ورىندى حيميا-بيولوگيا باعىتىنداعى نازارباەۆ زياتكەرلىك مەكتەبى, 20-عا جۋىق كوپقاباتتى ۇيلەر بوي تۇزەپ, قونىس تويلار كوبەيدى. قازىر 8 كوپ- قاباتتى ءۇي تۇرعىزىلۋدا. بۇدان تىسقارى 19-شى شاعىن اۋداندا قۇرىلىسى قىزۋ قارقىن العان كوپقاباتتى ءتورت تۇرعىن ۇيگە 3,5 ميلليارد تەڭگە باعىتتالعان.
باعدارلامانىڭ وزەكتى ءبىر باعىتى – جەكە تۇرعىن ءۇي قۇرىلىسىن جانداندىرۋ. قالادان شەتكەرىلەۋ ورنالاسقان «سولنەچنىي» كەنتىندە كەزەكتە تۇرعاندارعا ەكى مىڭ شارشى مەتر جەر تەلىمدەرى ءبولىنىپ, 200 جەكە ءۇيدىڭ قۇرىلىسىمەن ءتورت كومپانيا اينالىسۋدا. ينفراقۇرىلىمعا 1,3 ميلليارد تەڭگە قاراستىرىلعان. ال مەملەكەت-جەكەمەنشىك ارىپتەستىگى شەڭبەرىندە 7,6 ميلليارد تەڭگەنىڭ التى ءىرى جوباسىن جۇزەگە اسىرۋ جوسپارلانعان. ولاردىڭ قاتارىنا كەلەسى جىلى ىسكە قوسىلاتىن وفتالمولوگيالىق ورتالىق قۇرامىنا كۇنىنە ەكى جۇزدەن استام ناۋقاستى قابىلدايتىن ەمحانا, 35 كەرەۋەتتىك ستاتسيونار كىرەدى. بالالار مەن ەرەسەكتەرگە ساپالى وفتالمولوگيالىق قىزمەتتىڭ بارلىق ءتۇرى كورسەتىلەدى. 1 200 ورىنعا شاقتالعان تەننيس ورتالىعىندا ءتورت جابىق, ءۇش اشىق كورت بولادى.
بىلتىر 107 اۋلا اسفالتتالىپ, 80 بالالار الاڭى اباتتاندىرىلسا, بيىلعى مەجە – 100. مادەنيەت جانە دەمالىس ساياباعى وزگەشە كەيىپكە ەنبەك. اتاپ ايتقاندا, 249 شام, 70 قوقىس جاشىگى, 137 ورىندىق, سپورتتىق جاتتىعۋ قۇرىلعىلارى ورناتىلادى. بۇدان بولەك, بالالار ويىن الاڭى سالىنىپ, 2,5 شاقىرىمدىق ۆەلوسيپەد جولى تارتىلادى. قۋراعان 2 مىڭ ءتۇپ اعاش كەسىلىپ, جاس كوشەتتەر وتىرعىزىلادى.
ءسوز اراسىندا جولداردى جوندەۋ مەن قالپىنا كەلتىرۋ جۇمىستارىنا 12,5 ميلليارد تەڭگە قاراستىرىلعانىن, ونىڭ 1,2 ميللياردى وسىدان 60 جىل بۇرىن پايدالانۋعا بەرىلگەن كوپىردى جاڭعىرتۋعا باعىتتالعانىن ايتا كەتكەن ءجون.
تۇتاستاي العاندا, بيىل تۇرعىن ءۇي قۇرىلىسى جانە ينجەنەرلىك-كوممۋنيكاتسيالىق ينفراقۇرىلىمدار تارتۋعا 5,7 ميلليارد تەڭگە ءبولىنىپ, 1 446 پاتەرلى 16 كوپقاباتتى تۇرعىن ۇيلەردىڭ قۇرىلىسى قارقىندى جۇرگىزىلۋدە.
ءومىر ەسقالي, «ەگەمەن قازاقستان»
سولتۇستىك قازاقستان وبلىسى