شاراعا وبلىس اكىمى قىرىمبەك كوشەرباەۆ قاتىسىپ, اۋىل شارۋاشىلىعى ونىمدەرىنىڭ جارمەڭكەسىمەن تانىستى.
جارمەڭكەدە استانا تۇرعىندارى مەن قالا قوناقتارىنا قىزىلوردا وبلىسىنىڭ 30 شارۋاشىلىعى 40 ءتۇرلى اۋىل شارۋاشىلىعى ونىمدەرىن ۇسىندى. ونىڭ ىشىندە, سىر ەلىنىڭ ماقتانىشى, نەگىزگى داقىل - كۇرىش, قىزىلوردانىڭ بۇكىل قازاقستانعا ايگىلى قاۋىن-قاربىزى, ارال تەڭىزىنىڭ ءدامدى بالىعى جانە باسقا دا ونىمدەر بار. ناقتىراق ايتقاندا, كۇرىش – 60 توننا, جىلقى ەتى – 3 توننا, تاۋىق ەتى – 1 توننا, ءسۇت ونىمدەرى – 4 توننا, قىمىز – 0,5 توننا, شۇبات – 0,5 توننا, ارا بالى - 0,2 توننا, بالىق - 15 توننا, كونفەت – 2 توننا, كوكونىس, قيار, قىزاناق – 20 توننا, قۇلپىناي, الما, المۇرت, ورىك – 1 توننا, كارتوپ – 35 توننا, ءسابىز – 8 توننا, قىرىققابات - 10 توننا, سوك, تالقان – 0,5 توننا, اس تۇزى – 5 توننا, قاۋىن – 40 توننا, قاربىز – 50 توننا ت.ب. ونىمدەر بار.
- بيىل جارمەڭكە ءۇشىنشى رەت ۇيىمداستىرىلىپ وتىر. بارلىعى 270 تونناعا جۋىق ءونىم الىپ كەلدىك. اكەلگەن ونىمدەردىڭ ىشىندە, ارينە سىردىڭ اق كۇرىشى, باۋ-باقشا, بالىق بار. بىلتىردان باستاپ قاۋىندى ەكسپورتتىق ءونىم قاتارىنا قوسىپ جاتىرمىز. سونىمەن بىرگە, سيىر, جىلقى ەتىنەن 10 توننا ەت ونىمدەرىن دە اكەلدىك. جارمەڭكەدەگى ونىمدەر نارىق باعاسىنان 10-20 پايىزعا تومەن ساتىلۋدا,- دەدى قىزىلوردا وبلىسى اۋىلشارۋاشىلىعى باسقارماسىنىڭ باسشىسى باحىت جاحانوۆ.
سونىمەن قاتار, ءدال وسى كۇنى سىربويىلىق ونەرپازداردىڭ قاتىسۋىمەن مەرەكەلىك كونتسەرت ۇيىمداستىرىلادى. ەلوردانىڭ ورتالىق پاركىندە «سىر سامالى» اتتى كونتسەرت ءوتتى. بۇدان بولەك, 13 تامىز كۇنى «قازانات» يپپودرومىنداعى ەتنواۋىلدا ەسترادا انشىلەرى, ءداستۇرلى ورىنداۋشىلار, سونداي-اق «توميريس» بي ءانسامبلى ونەر كورسەتتى.
ەستەرىڭىزگە سالا كەتەيىك, استانادا «ەكسپو-2017» حالىقارالىق مامانداندىرىلعان كورمەسى اياسىندا 10-14 تامىز كۇندەرى قىزىلوردا وبلىسىنىڭ مادەني كۇندەرى وتۋدە.