«تەڭىزگە بالىق شاباقتارىن جىبەرۋدە الدىڭعى ورىندا يران تۇر. ولار جىلىنا 70-80 ملن شاباقتى تەڭىزگە توعىتادى. بىزگە بۇل كورسەتكىشكە جەتۋگە ءالى ەرتە. دەگەنمەن, جۇمىس ىستەپ جاتىرمىز. قازىر زاۋىت توعانىندا 200-گە تارتا انالىق بالىق بار. جىلىنا 7 ملن شاباقتى قولدان ءوسىرىپ, سۋعا جىبەرەمىز», - دەيدى زاۋىت باسشىسى راشيدين قاليدۋللين.
سوڭعى جىلدارى جايىق وزەنىندە سۋ مارجاندارىنىڭ تابيعي ءوسىمى كەمىپ كەتتى. بۇعان وزەن سۋىنىڭ بالدىر مەن باتپاققا تولۋى, لايلانۋى, جالپى گيدرولوگيالىق احۋالى, براكونەرلىك تە سەبەپ. تابيعي جاعدايلارعا عانا يەك ارتىپ وتىرا بەرسەك, باعالى بالىق قورى جويىلىپ كەتۋى دە مۇمكىن. بەكىرە تۇقىمىنىڭ گەنوفوندىن ساقتاپ قالۋدا اتىراۋداعى ەكى زاۋىتتىڭ ماڭىزى ەرەكشە. جيىرما جىلعا جۋىق ۋاقىت جۇمىس ىستەپ كەلە جاتقان بەكىرە ءوسىرۋ زاۋىتتارىندا بۇگىنگە دەيىن 100 ملن شاباق سۋعا جىبەرىلگەن.
باقىتگۇل باباش,
«ەگەمەن قازاقستان».