الداعى ءۇش تاۋلىكتە ەلىمىزدىڭ باسىم بولىگىندە قاتتى ىستىق بولادى, دەپ حابارلايدى Baq.kz اقپارات اگەنتتىگى «قازگيدرومەتتىڭ» ءباسپاسوز قىزمەتىنە سىلتەمە جاساپ.
الداعى ءۇش تاۋلىكتە يران اۋداندارىنان كەلگەن قۇرعاق جانە ىستىق اۋا ماسسالارى بۇرىنعىسىنشا قازاقستاننىڭ باتىس, وڭتۇستىك جانە وڭتۇستىك-شىعىسىنا اسەر ەتىپ, وتە قاتتى ىسيدى. اۋا تەمپەراتۋراسى كۇندىز 33-39º, كەي جەرلەردە 40-45ºس كورسەتەدى. ال رەسپۋبليكانىڭ سولتۇستىك وبلىستارى ارقىلى اتموسفەرالىق فرونتتار وتەدى, سوندىقتان وسى وڭىرلەردە قوڭىرجاي اۋا رايى بولادى, كەي جەرلەردە وتكىنشى جاڭبىر جاۋىپ, نايزاعاي جارقىلدايدى جانە بۇرشاق جاۋى دا مۇمكىن. اتموسفەرالىق فرونتتاردىڭ وتۋىنە بايلانىستى قازاقستاننىڭ ورتالىق جانە شىعىس اۋداندارىنىڭ كەي جەرلەرىندە وتكىنشى جاڭبىر جاۋىپ, ىستىق تۇسەدى دەپ بولجانۋدا.
28-29 شىلدەدە باتىس قازاقستان, اتىراۋ, ماڭعىستاۋ, 29-30 شىلدەدە قوستاناي, اقتوبە وبلىستارىنىڭ كەي جەرلەرىندە 40-43 گرادۋسقا دەيىن وتە قاتتى ىستىق بولادى.