تايلاندتىڭ بانگكوك قالاسىندا گرەك-ريم كۇرەسىنەن 2000-2001 جىلدارى تۋعان جاسوسپىرىمدەر اراسىندا وتكەن ازيا بىرىنشىلىگىندە قازاقستان قۇراماسى ەكىنشى ورىندى ەنشىلەدى.
سارى قۇرىلىقتاعى كىلەڭ مىقتىلار قاتىسقان باسەكەدە وبلىستىق سپورتقا دارىندى بالالارعا ماماندىرىلعان مەكتەپ-ينتەرناتتىڭ تاربيەلەنۋشىسى ورالحان مىرزاباەۆ 58 كيلو سالماقتا التىننان القا تاقتى. ول اقتىق بەلدەسۋدە يراننىڭ بالۋانىن تىزە بۇكتىردى.
ورالحان گرەك-ريم كۇرەسىمەن ون جىلعا جۋىق شۇعىلدانىپ كەلەدى. وسى ۋاقىت ارالىعىندا رەسپۋبليكالىق, حالىقارالىق جارىستاردا تالاي رەت جاسىنداي جارقىلداعان بولاتىن.
ەندى, مىنە, ەل نامىسىن ابىرويمەن قورعاپ, كىل مىقتىلار اراسىنان توپ جارىپ شىقتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.