جاقىندا وسى ءبىلىم ورداسىنداعى مۋزەيدە قالامگەردىڭ قۇرمەتىنە ارنايى بۇرىش اشىلىپ, مەكتەپتى 1997 جىلى بىتىرگەن تۇلەكتەر ۇلت رۋحانياتىنا ولشەۋسىز ۇلەس قوسقان تۇلعانىڭ 5 تومدىق شىعارمالار جيناعىن, ءوز ورىنداۋىنداعى 73 كۇيى ەنگەن ء«تالتۇس» سد-البومىن, ءوزى ستسەناريىن جازعان ء«بىرجان سال», «قۇنانباي» فيلمدەرىنىڭ ديسكىسىن سالتاناتتى تۇردە تابىس ەتتى. تاعىلىمدى شارا اياسىنداعى جۇرت كوڭىلىن سەرپىلتكەن ءبىر جاڭالىق, 1980 جىلى تۋعان تۇلەكتەردىڭ تالاسبەك اسەمقۇلوۆ اتىنداعى ستيپەنديا تاعايىنداۋى.
«بۇل ستيپەنديا جاڭا وقۋ جىلىنان باستاپ مەكتەپتىڭ ۇزدىك وقۋشىسىنا اي سايىن بەرىلىپ وتىراتىن بولادى. ايعىزداعى مەكتەپتى وسىدان 20 جىل بۇرىن تامامداعان تۇلەكتەر اقىلداسا كەلە وسىنداي شەشىم قابىلدادىق. جازۋشىعا دەگەن قۇرمەت ەڭ اۋەلى ءوسىپ-ونگەن مەكەنىنەن باستالۋى ءتيىس دەپ ۇيعاردىق», دەيدى ءبىلىم ورداسىن 1997 جىلى بىتىرگەن تۇلەكتەردىڭ ءبىرى باۋىرجان سابىربەكوۆ.
سونىمەن قاتار, 20 جىلدىق كەزدەسۋ اياسىندا جازۋشىنىڭ رۋحىنا دۇعا باعىشتالىپ, قۇران حاتىم ءتۇسىرىلىپ, تاي, قۇنان, ات بايگەسى ۇيىمداستىرىلدى. تۇلەكتەر اۋىلدا سالىنىپ جاتقان مەشىت قۇرىلىسىنا كومەك رەتىندە 100 مىڭ تەڭگە قاراجاتتى تابىس ەتتى.
ازامات قاسىم, «ەگەمەن قازاقستان»