تەحنيكالىق قىزمەتتەر ساپاسى ارتا تۇسپەك

«ەير استانا» كوم­پا­نيا­سى جولاۋشىلارعا كور­سە­تىلەتىن قىزمەت ساپاسىن ارتتىرۋ باعىتىندا ءبىر­قا­تار شارالاردى جۇزەگە اسى­رىپ, جاڭا جوبالار قاتا­رىن مولايتۋدا. كومپانيا تاياۋدا ورتالىق ازيا مەن تمد ايماعىندا حالىق­ارا­لىق دەڭگەيدەگى اۆياتسيا­لىق-تەحنيكالىق ورتالى­عى­نىڭ قۇرىلۋىنداعى ما­ڭىز­دى كەزەڭدەرىنىڭ ءبىرى – ءجون­دەۋ تسەحىنىڭ تۇساۋىن كەستى. اۋە كەمەلەرىنىڭ قۇرى­لىم­دىق بولىكتەرىنە, اۆيا­تسيا­لىق دوڭگەلەكتەرگە, با­تارەيالارعا تەحنيكالىق قىز­مەت كورسەتۋ جانە باسقا دا جۇمىستار بۇل سالادا بىرقاتار تيىمدىلىككە قول جەتكىزبەك. ۇشاقتاردىڭ قۇ­رىلىمدىق بولىكتەرى مەن كونسترۋكتسيالارى بويىنشا جاڭا جوندەۋ ورتالىعىنىڭ اشىلۋى كەلەسى جىلدان باس­تاپ وزدەرىنىڭ اۋە كەمەلەرى پاركىنە قىزمەت كور­سەتۋدە جىلىنا ءبىر ميلليون دوللارعا جۋىق قاراجات ۇنەمدەۋگە ىقپال ەتەدى. سونىمەن قاتار, «ەير استانا» رەسپۋبليكا اۋما­عىن­دا وزگە ەلدەردىڭ اۋە تاسى­مال­داۋشىلارىنا دا جوعا­رى ساپالى جوندەۋ قىزمە­تىن كورسەتە الادى. ال, مۇن­داي قۇقىق حالىق­ارالىق سەرتيفيكاتتارمەن كەپىلدەندىرىلگەن. جاڭا ورتالىقتىڭ اشى­لۋىنا ارنالعان جيىندا ءسوز العان «ەير استانا» اق پرەزيدەنتى پيتەر فوستەر, كومپانيانىڭ ينجە­نەرلىك-تەحنيكالىق قىزمەت كورسەتۋ بويىنشا ديرەك­تو­رى تيمۋر ياكۋپوۆتىڭ پىكىرىنشە, ۇشاقتاردى جوندەۋ جوعارى تەحنيكالىق ءوندىرىس بولىپ ەسەپتەلىنگەندىكتەن مۇنىڭ ءوزى ەلىمىزدىڭ اۆيا­تسيالىق-تەحنيكالىق قورىن دامىتۋعا يگى ىقپال ەتپەك. ۇلتتىق اۋە تاسىمال­داۋ­شى­لاردىڭ بۇل جوباسىنىڭ باستى ەرەكشەلىگى – قازاق­ستاندا وسى ۋاقىتقا دەيىن قولعا الىنباعان «C-check» ۇشاقتارىنا كۇردەلى ءارى اۋقىمدى جوندەۋ جۇمىس­تارىن جۇرگىزۋدى ءوز كۇش­تەرىمەن اتقارۋعا قولايلى جاعداي تۋىنداۋىندا بو­لىپ وتىر. ۇشاقتاردى جوندەۋ جۇ­­مىستارى ءتورت اۋى­سىم­دا جۇرگىزىلەدى جانە تاعى ءبىر جاعىمدى مالىمەت «ەير استانادا» جۇمىس ىستەيتىن 500 ماماننىڭ 98 پايىزى – قازاقستاندىق ما­ماندار. بۇگىنگى كۇننىڭ وزەكتى تا­لابى – ما­مان­داردىڭ كاسى­بي بىلىكتىلىگى دەسەك, كاسىپ­ورىندا بۇل باعىتتا دا ءبىر­قاتار ءىس-شارالار اتق­ا­رى­لۋدا. ماماندار ءوز بىلىمدەرىن ارت­تىرۋ ماقساتىندا لوندون قالاسىندا جۇيەلى تۇردە ەڭبەك وتىلىنەن وتۋدە. «ەير استانا» اۋە كومپا­نياسىنداعى ءتورت بىردەي ينجەنەردىڭ حالىقارالىق ليتسەنزيانى يەلەنۋى ىزدەنىس پەن ىسكەرلىكتىڭ جەمىسى ەكەندىگى انىق. باقىت بالعارينا, الماتى.