قازاقستان حالىقارالىق «بولاشاق» ستيپەندياتتارىنىڭ باتىس قازاقستان وبلىسىنداعى فيليالى وبلىستىڭ ەڭ شالعاي اۋدانىنىڭ وقۋشىلارىنا سىيلىق جاسادى. بوكەي ورداسى اۋدانىنىڭ سايقىن جانە حان ورداسى اۋىلدارىنداعى بالالار كىتاپحاناسىنا ءتۇرلى جانرداعى 60 كىتاپتى تارتۋ ەتتى. «بولاشاق» ستيپەندياتتارىنىڭ باتىسقازاقستاندىق كوشباسشىسى ءىلياس وماروۆتىڭ ايتۋىنشا, بۇل – ەل تاۋەلسىزدىگىنىڭ جيىرما جىلدىعىنا وراي ۇيىمداستىرىلعان «بالالارعا كىتاپ سىيلا» اكتسياسىنىڭ شەڭبەرىندەگى العاشقى شارا. اتالمىش فيليال اعىمداعى جىلدىڭ 28 ناۋرىزىندا قۇرىلعان بولاتىن.
جاڭگىر حان اتىنداعى بقاتۋ-ءدىڭ تاريحي-ولكەتانۋ مۇراجايىندا وتكەن كەزدەسۋدە بوكەي ورداسى اۋدانى اكىمىنىڭ ورىنباسارى لاريسا قايىرعاليەۆا قازاق, ورىس جانە اعىلشىن تىلدەرىندەگى كوركەم ادەبيەتتىڭ, عىلىمي-فانتاستيكالىق شىعارمالار مەن وقۋ-ادىستەمەلىك قۇرالداردىڭ جاڭا وقۋ جىلىندا اۋىل بالالارىنىڭ اينىماس سەرىگىنە اينالارىنا سەنىم ءبىلدىردى.
دينارا ەسەنتاەۆا.
باتىس قازاقستان وبلىسى.