وبلىس: دەرەك پەن دايەك

بۇل كۇندەرى وسى اۋقىمدى باعىتتى دامىتۋعا ارنالعان ارنايى باعدارلاما جۇمىس جاساۋدا. وسى شارالار بارى­سىندا اگروونەركاسىپ كەشەنى سالاسىنداعى جوبالاردى جۇ­زە­گە اسىرۋ ءۇشىن «قاز­اگرو­قار­جى» اق ارقىلى 7,6 ملرد. تەڭ­گەگە 7 جوبا قارجىلاندى­رىل­سا, «بيزنەستىڭ جول كار­تا­سى-2020» باعدارلاماسى ار­قى­لى قۇنى 5,9 ملرد. تەڭگە تۇرا­تىن 10 جوبا دايىندالۋدا. بۇل ساندارعا جەرگىلىكتى جەردەگى شارۋاشىلىقتاردىڭ ءوز قاراجاتتارى ەسەبىنەن 7,9 ملرد. تەڭگەنىڭ 44 ينۆەستي­تسيا­لىق جوباسىنىڭ سانى كەپ قو­سىلادى. مىسالى, وسى جىل­دىڭ العاشقى جارتى جىلدى­عىندا قۇنى 146,1 ميلليون تەڭگە تۇراتىن 2 ديىرمەن, جى­لى­جاي, ءسۇت وڭدەيتىن تسەحتارى بار 4 جوبا ىسكە قوسىلدى.

فاريدا بىقاي, پاۆلودار وبلىسى.  

70 000 000 تەكەلىدەگى ەكولوگيالىق جاعدايدى ساۋىقتىرۋعا وتكەن جىلى بيۋدجەتتەن وسىنشاما قارجى بولىنگەن. تەكەلى كەن بايىتۋ كوم­بي­نا­تى­نىڭ رۋدنيچنىيداعى كەزىندەگى قالدىق ساقتاۋ ورنى زالال­سىز­دان­دى­رىلىپ, ءتۇرلى حي­مي­كاتتاردىڭ اۋاعا تارال­ماۋ­ىنا بارىنشا كو­ڭىل بو­لىنگەن. كەنتتەگى 44 گەكتار اۋماقتى زالال­سىزداندىرۋمەن «مو­نوليت» جشس اينالى­سۋ­دا. جۇمىس ما­مىر ايىندا باستالسا, وعان 22 تەحنيكا مەن ادام كۇشى جۇمىل­دىرىلعان. مەم­لەكەتتىڭ قوس­القى قورى سا­نالعان جەر قوي­ناۋىندا 7,5 ملن. توننا كەن بار, دەيدى ماماندار. ەكولوگيالىق جاعدايدى جاق­­سار­تۋ ماقساتىنداعى بولى­نەتىن قار­جى كولەمى ارتىپ كەلەدى. تۇر­عىندار شاھارداعى كەن قالدىق­تا­رىن ساقتاۋ ور­نىن جابۋ تۋرالى ماسەلە كوتەرگەن. وتكەن جىلى بۇل ما­سەلە ءوز شەشىمىن تاۋىپ, وب­لىستىق بيۋد­جەتتەن 70 ملن. تەڭ­گە بو­لىنگەن-ءتىن.

كۇمىسجان بايجان, الماتى وبلىسى.  

21 313 قوستاناي قالاسىندا وسىنشا شاعىن كاسىپكەرلىك نىسانى بار.  ولار وندىرگەن ءونىم مەن كورسەتكەن قىزمەت ۇستىمىزدەگى جىلى 36800 ميلليون تەڭگەگە جەتتى. بۇل وتكەن جىلدىڭ وسى مەرزىمىمەن سالىستىرعاندا 106 پايىز بولادى. جىلدان جىلعا دامىپ كەلە جاتقان شاعىن كاسىپكەرلىك حالىقتىڭ ەكونوميكالىق بەلسەندى بولىگىنىڭ وتىز پايىزىن جۇمىسپەن قامتىپ وتىر. بۇ­گىندە قالالىقتار دا, اۋىلدا­عى­لار دا نارىقتىڭ وسى سالا­سىنىڭ قىر-سىرىن جاقسى تۇ­سىن­گەن. قاراپ وتىرماي ءىس اشۋ­عا تالاپتانعان جانعا قارجى كوز­دەرىن تابۋ دا قيىنعا سوق­پايدى, ويتكەنى, شاعىن بيزنەستى دامىتۋ ءۇشىن مەملەكەتتىك كومەك ارقاشان دايار.

ءنازيرا جارىمبەتوۆا, قوستاناي.