"اشىعىن ايتۋ كەرەك, قانات يسلامنىڭ كاسىبي بوكستاعى جولى اۋىر ءوتىپ جاتىر. نەگىزى, وعان امەريكاعا بارىپ, بەدەلدى ءبىر پروموۋتەرمەن كەلىسىمشارتقا وتىرعان دۇرىس بولار ەدى. ول پروموۋتەر كەز كەلگەن جەرگە ەمىن-ەركىن كىرىپ, كەز كەلگەن بوكس ۇيىمىمەن ۇلكەن جەكپە-جەك بويىنشا كەلىسە السا, چەمپيوندىق اتاقتى دا الۋعا بولادى. ءسويتىپ, قانات كاسىبي بوكستىڭ داڭعىل جولىنا تۇسە الادى. مەنىڭ ويىم سولاي. بۇگىندە قاناتتىڭ ءوزى جاس ەمەس. وعان كاسىبي بوكستا تاعى 5 جىل, ارى كەتسە, 8 جىل جۇرۋگە بولادى", - دەدى قر پارلامەنت ءماجىلىسىنىڭ دەپۋتاتى سەرىك ساپيەۆ قازاقپارات تىلشىسىنە بەرگەن سۇxباتىندا.
ونىڭ ايتۋىنشا, كاسىبي بوكستا 40 جاسقا دەيىن ونەر كورسەتۋگە بولادى. ودان كەيىن سپورتشىنىڭ فيزيكالىق كۇشى تومەندەيدى. ء"دال قازىر قانات جولدىڭ ورتاسىندا تۇر. ەندى, ۇلكەن ءبىر بەلبەۋدى جەڭىپ السا, اتىن دا شىعارا الادى", - دە اتاپ كورسەتتى ساپيەۆ.
ايتا كەتەيىك, ەلوردادا وتكەن ءباسپاسوز ءماسليxاتىندا قانات يسلام 9 قىركۇيەك كۇنى كەزەكتى جەكپە-جەگىن استانادا وتكىزەتىنىن مالىمدەدى. ونىڭ كەلەسى قارسىلاسى - امەريكالىق دجەيمس كيركلەند. يسلامنىڭ ايتۋىنشا, جەكپە-جەككە كىرۋ بيلەتتەرىنىڭ باعاسى ازىرشە بەلگىسىز. وعان قوسا, دجەمس كيركلەندپەن اراداعى كەلىسسوزدەر ءالى اياقتالعان جوق. "ول كەلىسىمگە ءوز قولىن قويعان جوق. جاقىنارادا ناقتى شەشىمىن ايتادى", - دەپ اتاپ كورسەتتى ول.