قازاقستان رەسپۋبليكاسى ىشكى ىستەر قازاقستان رەسپۋبليكاسى
مينيسترلىگىنىڭ بۇيرىعى ەكونوميكالىق دامۋ جانە ساۋدا
2011 جىلعى 11 تامىز № 410, مينيسترلىگىنىڭ بۇيرىعى
استانا قالاسى 2011 جىلعى 12 تامىز № 241,
استانا قالاسى
ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى قىزمەتتى جۇزەگە اسىراتىن جەكە كاسىپكەرلىك سۋبەكتىلەرىنىڭ تاۋەكەل دارەجەسىن باعالاۋ ولشەمدەرىن بەكىتۋ تۋرالى
«قازاقستان رەسپۋبليكاسىنىڭ ىشكى ىستەر ورگاندارى تۋرالى» 1995 جىلعى 21 جەلتوقسانداعى قازاقستان رەسپۋبليكاسى زاڭىنىڭ 5-1-بابى 1-تارماعىنىڭ 7-1) تارماقشاسىنا جانە «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» 2011 جىلعى 6 قاڭتارداعى قازاقستان رەسپۋبليكاسىنىڭ زاڭى 15-بابىنىڭ 1-تارماعىنا سايكەس بۇيىرامىز:
1. قوسا بەرىلىپ وتىرعان ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى قىزمەتتى جۇزەگە اسىراتىن جەكە كاسىپكەرلىك سۋبەكتىلەرىن تەكسەرۋ پاراعىنىڭ نىسانى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ ەسىرتكى بيزنەسىنە قارسى كۇرەس جانە ەسىرتكى اينالىمىن باقىلاۋ كوميتەتى (ا.ن. ۆىبوروۆ):
1) قازاقستان رەسپۋبليكاسى ادىلەت مينيسترلىگىندە وسى بۇيرىقتى مەملەكەتتىك تىركەۋدى;
2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن وسى بۇيرىقتى رەسمي جاريالاۋدى;
3) قازاقستان رەسپۋبليكاسى ىشكى ىستەر مينيسترلىگىنىڭ رەسمي ينتەرنەت-رەسۋرسىندا وسى بۇيرىقتى جاريالاۋدى قامتاماسىز ەتسىن.
3. استانا, الماتى قالالارىنىڭ, وبلىستاردىڭ جانە كولىكتەگى ىشكى ىستەر دەپارتامەنتتەرىنىڭ باستىقتارى وسى بۇيرىقتى زەردەلەۋدى جانە ونىڭ تالاپتارىن ورىنداۋدى ۇيىمداستىرسىن.
4. وسى بۇيرىقتىڭ ورىندالۋىن باقىلاۋ ىشكى ىستەر ءمينيسترىنىڭ ءبىرىنشى ورىنباسارى م.ع. دەمەۋوۆكە جۇكتەلسىن.
5. وسى بۇيرىق العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ قازاقستان رەسپۋبليكاسىنىڭ
ىشكى ىستەر ءمينيسترى ەكونوميكالىق دامۋ جانە cاۋدا
__________ ق.قاسىموۆ. مينيسترىنىڭ مىندەتىن اتقارۋشى
__________ د.شاجەنوۆا.
قازاقستان رەسپۋبليكاسى ىشكى ىستەر ءمينيسترىنىڭ 2011 جىلعى 11 تامىز №410
جانە قازاقستان رەسپۋبليكاسى ەكونوميكالىق دامۋ جانە ساۋدا ۆيتسە-ءمينيسترىنىڭ
2011 جىلعى 12 تامىز № 241 بىرلەسكەن بۇيرىعىمەن بەكىتىلگەن
ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى قىزمەتتى جۇزەگە اسىراتىن جەكە كاسىپكەرلىك سۋبەكتىلەرىنىڭ تاۋەكەل دارەجەسىن باعالاۋ ولشەمدەرى
1. وسى ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى قىزمەتتى جۇزەگە اسىراتىن جەكە كاسىپكەرلىك سۋبەكتىلەرى سالاسىنىڭ تاۋەكەل دارەجەسىن باعالاۋ ولشەمدەرى (بۇدان ءارى – ولشەمدەر) «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» جانە «قازاقستان رەسپۋبليكاسىنىڭ ىشكى ىستەر ورگاندارى تۋرالى» قازاقستان رەسپۋبليكاسىنىڭ زاڭدارىنا سايكەس جوسپارلى تەكسەرىستەر جۇرگىزۋ ءۇشىن ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمىنداعى سۋبەكتىلەردى تاۋەكەل توپتارىنا جاتقىزۋ جانە سۋبەكتىلەردى ىرىكتەۋ ماقساتىندا ازىرلەندى.
2. وسى ولشەمدەردە مىناداي ۇعىمدار پايدالانىلادى:
تاۋەكەل – سالدارلارىنىڭ اۋىرلىق دارەجەسىن ەسكەرە وتىرىپ, تەكسەرىلەتىن سۋبەكتىلەر قىزمەتىنىڭ ناتيجەسىندە ادامنىڭ ومىرىنە نەمەسە دەنساۋلىعىنا, قورشاعان ورتاسىنا, جەكە جانە زاڭدى تۇلعالاردىڭ زاڭدى مۇددەلەرىنە, مەملەكەتتىك م ۇلىكتىك مۇددەسىنە زالال كەلتىرۋ ىقتيمالدىعى.
تەكسەرىلەتىن سۋبەكتىلەر - ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىندا ارەكەت ەتۋشى زاڭدى تۇلعالار.
3. جوسپارلى تەكسەرۋلەر جۇرگىزۋدىڭ مەرزىمدىلىگى تاۋەكەل دارەجەسىنە بايلانىستى مىنا مەرزىمدەردەن:
جوعارى دارەجەلى تاۋەكەل كەزىندە – جىلىنا ءبىر رەتتەن;
ورتا دارەجەلى تاۋەكەل كەزىندە – ءۇش جىلدا ءبىر رەتتەن;
ەلەۋسىز دارەجەلى تاۋەكەل كەزىندە – بەس جىلدا ءبىر رەتتەن ءجيى ەمەس ارالىقتارعا بەلگىلەنەدى.
4. تاۋەكەل دارەجەلەرىن باعالاۋ ولشەمدەرى 2 تۇرگە بولىنەدى:
1) وبەكتيۆتىك – تەكسەرىلەتىن سۋبەكتىلەردىڭ قىزمەتىن جۇزەگە اسىرۋ كەزىندە جول بەرىلۋىنە بايلانىستى ايقىندالادى;
2) سۋبەكتيۆتىك – تەكسەرىلەتىن سۋبەكتىلەردىڭ بەلگىلەنگەن تالاپتاردى بۇزۋعا جول بەرۋىنە بايلانىستى ايقىندالادى.
5. تەكسەرىلەتىن سۋبەكتىلەردى تاۋەكەل دارەجەلەرىنە باستاپقى رەت جاتقىزۋ جۇزەگە اسىراتىن قىزمەت تۇرىنە بايلانىستى تاۋەكەل دارەجەسىن باعالاۋدىڭ وبەكتيۆتىك ولشەمدەرىنىڭ نەگىزىندە جۇزەگە اسىرىلادى:
جوعارى دارەجەلى تاۋەكەل – ەسىرتكى قۇرالدارى مەن پسيحوتروپتىق زاتتاردىڭ ءوندىرىسىن جانە (نەمەسە) كوتەرمە ساتۋدى جۇزەگە اسىراتىن سۋبەكتىلەر;
ورتا دارەجەلى تاۋەكەل – پرەكۋرسورلاردىڭ ءوندىرىسىن جانە (نەمەسە) كوتەرمە ساتۋدى جۇزەگە اسىراتىن سۋبەكتىلەر;
ەلەۋسىز دارەجەلى تاۋەكەل - پرەكۋرسورلاردى ءوزىنىڭ وندىرىستىك قىزمەتىندە قولداناتىن سۋبەكتىلەر.
6. تەكسەرىلەتىن سۋبەكتىلەردى تاۋەكەل دارەجەلەرى بويىنشا ەكىنشى رەت جاتقىزۋ ەلەۋلى زاڭ بۇزۋشىلىقتار مەن ەلەۋسىز زاڭ بۇزۋشىلىقتار جاتقىزىلاتىن سۋبەكتيۆتىك ولشەمدەردى ەسكەرە وتىرىپ جۇزەگە اسىرىلادى.
7. ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى كەزىندەگى ەلەۋلى زاڭ بۇزۋشىلىقتارعا مىنالار جاتادى:
1) اۋماقتىق ىشكى ىستەر ورگانىنىڭ ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى وبەكتىلەر مەن ءۇي-جايدى پايدالانۋعا رۇقساتىنىڭ جوقتىعى;
2) كۇزەت جانە (نەمەسە) دابىل سيگناليزاتسياسىنىڭ جوقتىعى;
3) نومىرلەنگەن, باۋمەن تىگىلگەن جانە قازاقستان رەسپۋبليكاسى ءىىم ەبقكك-ءنىڭ مورىمەن بەكىتىلگەن ەسىرتكى قۇرالدارىن, پسيحوتروپتىق زاتتار مەن پرەكۋرسورلاردى ەسەپكە الۋ جۋرنالىنىڭ جوقتىعى.
8. ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى كەزىندەگى ەلەۋسىز زاڭ بۇزۋشىلىقتار:
1) تەكسەرۋ پاراقتارىندا كورسەتىلگەن تەكسەرىلەتىن سۋبەكتىلەردىڭ وبەكتىلەرى جانە ءۇي-جايلارى «ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى وبەكتىلەر مەن ۇيلەردى پايدالانۋ ءۇشىن رۇقسات بەرۋ ءتارتىبى تۋرالى» نۇسقاۋلىقتى بەكىتۋ تۋرالى قازاقستان رەسپۋبليكاسى ىشكى ىستەر ءمينيسترىنىڭ 2001 جىلعى 16 اقپانداعى № 141 بۇيرىعىنىڭ (نورماتيۆتىك اكتىلەردىڭ مەملەكەتتىك تىركەۋ تىزىلىمىندە № 1426 بولىپ تىركەلگەن) تالاپتارىنا سايكەس كەلمەۋى;
2) ەسىرتكى قۇرالدارىنا, پسيحوتروپتىق زاتتار مەن پرەكۋرسورلارعا رۇقسات العان سۋبەكتىنىڭ قىزمەتكەرلەرىندە ىشكى ىستەر ورگاندارىنىڭ ءتيىستى تەكسەرۋىنەن وتكەنى تۋرالى قورىتىندىنىڭ بولماۋى;
3) ەسىرتكى قۇرالدارىنا, پسيحوتروپتىق زاتتار مەن پرەكۋرسورلارعا رۇقسات العان سۋبەكتىنىڭ قىزمەتكەرلەرىندە ناركولوگيالىق جانە جۇيكە اۋرۋلارى ديسپانسەرلەرىنەن ناشاقورلىق, ۋىتقۇمارلىق جانە الكوگوليزم اۋرۋلارىنىڭ جوق ەكەنى تۋرالى انىقتامالارىنىڭ بولماۋى;
ەلەۋسىز دارەجەلى تاۋەكەل توبىنا كىرەتىن تەكسەرىلەتىن سۋبەكتىلەر بىردەن استام ەلەۋلى نە بولماسا 3 ەلەۋسىز زاڭ بۇزۋشىلىققا جول بەرگەن جاعدايدا ورتا دارەجەلى تاۋەكەل توبىنا اۋىستىرىلادى.
ورتا دارەجەلى تاۋەكەل توبىنا كىرەتىن تەكسەرىلەتىن سۋبەكتىلەر بىردەن استام ەلەۋلى نە بولماسا ءۇش ەلەۋسىز زاڭ بۇزۋشىلىققا جول بەرگەن جاعدايدا جوعارى دارەجەلى تاۋەكەل توبىنا اۋىستىرىلادى.
سوڭعى تەكسەرىس كەزىندە تەكسەرىلەتىن سۋبەكتىدەن زاڭ بۇزۋشىلىقتار انىقتالماعان جاعدايدا وبەكتيۆتىك ولشەمدەر بويىنشا جوعارى دارەجەلى تاۋەكەل توبىنا جاتقىزىلعان زاڭدى تۇلعالاردى (ەسىرتكى قۇرالدارى مەن پسيحوتروپتىق زاتتاردى وندىرۋشىلەردى جانە كوتەرمە ساتۋشىلاردى) قوسپاعاندا, ول تاۋەكەل دارەجەسى كەم توپقا اۋىستىرىلادى.
9. مىنالار:
1) بۇرىن انىقتالعان ەلەۋلى زاڭ بۇزۋشىلىقتار;
2) ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمىنىڭ كولەمى;
3) سوڭعى تەكسەرىس كۇنى ءبىر دارەجەدەگى تاۋەكەل وبەكتىلەرىندە تەكسەرۋدى باسىم جوسپارلاۋ ءۇشىن نەگىز بولىپ تابىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 25 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7142 بولىپ ەنگىزىلدى.