2011 جىلعى 5 قىركۇيەك, استانا, ۇكىمەت ءۇيى
جەكە جانە زاڭدى تۇلعالار قاراجاتى ەسەبىنەن سالىنعان وبەكتىلەردى ماگيسترالدىق تەمىر جول جەلىسى قۇرامىنا بەرۋ قاعيداسىن بەكىتۋ تۋرالى
«تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنىڭ 14-بابى 1-تارماعىنىڭ 19) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان جەكە جانە زاڭدى تۇلعالار قاراجاتى ەسەبىنەن سالىنعان وبەكتىلەردى ماگيسترالدىق تەمىر جول جەلىسى قۇرامىنا بەرۋ قاعيداسى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ كولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 5 قىركۇيەكتەگى №1013 قاۋلىسىمەن بەكىتىلگەن
جەكە جانە زاڭدى تۇلعالار قاراجاتى ەسەبىنەن سالىنعان وبەكتىلەردى
ماگيسترالدىق تەمىر جول جەلىسى كۇرامىنا بەرۋ قاعيداسى
1. وسى جەكە جانە زاڭدى تۇلعالار قاراجاتى ەسەبىنەن سالىنعان وبەكتىلەردى ماگيسترالدىق تەمىر جول جەلىسى قۇرامىنا بەرۋ قاعيداسى (بۇدان ءارى – قاعيدا) «تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنا سايكەس ازىرلەندى ءارى جەكە جانە زاڭدى تۇلعالار ەسەبىنەن سالىنعان وبەكتىلەردى ماگيسترالدىق تەمىر جول جەلىسى كۇرامىنا بەرۋ ءتارتىبىن ايقىندايدى.
بۇل قاعيدادا وبەكتىلەر رەتىندە تەمىر جولدار, ەلەكترمەن جابدىقگاۋ, سيگنال بەرۋ, بايلانىس وبەكتىلەرى, قۇرىلعىلار, جابدىقگار, عيماراتتار, قۇرىلىستار, يماراتتار مەن ماگيسترالدىق تەمىر جول جەلىسىنىڭ جۇمىس ىستەۋى ءۇشىن قاجەتتى تەحنولوگيالىق وزگە دە وبەكتىلەر (بۇدان ءارى – وبەكتىلەر) تۇسىنىلەدى.
وسى قاعيدادا ۋاكىلەتتى ورگان رەتىندە تەمىر جول كولىگى سالاسىنداعى باسشىلىقگى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتەردە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان تۇسىنىلەدى;
2. وبەكتىلەر «مەملەكەتتىك م ۇلىك تۋرالى» قازاقستان رەسپۋبليكاسىنىڭ زاڭىندا كوزدەلگەن نەگىزدەر بويىنشا مەملەكەتگىك مەنشىككە تۇسەدى.
3. ۋاكىلەتتى ورگان وبەكتىلەردى ماگيسترالدىق تەمىر جول جەلىسىنىڭ قۇرامىنا ەنگىزۋ تۋرالى ءوتىنىشتى (بۇدان ءارى – ءوتىنىش) العان ساتتەن باستاپ 4 كۇنتىزبەلىك كۇن ىشىندە ونى ۇلتتىق تەمىر جول كومپانياسىنىڭ مەكەنجايىنا جىبەرەدى.
4. ۇلتتىق تەمىر جول كومپانياسى ءوتىنىشتى العان ساتتەن باستاپ كۇنتىزبەلىك 10 كۇن ىشىندە وبەكتىلەردى تەكسەرىپ قاراۋدى وتكىزەدى, قازاقستان رەسپۋبليكاسىنىڭ ۇكىمەتى بەكىتەتىن تەمىر جول كولىگىندەگى قاۋىپسىزدىك قاعيداسىنىڭ جانە ۋاكىلەتتى ورگان بەكىتەتىن تەمىر جول كولىگىن تەحنيكالىق پايدالانۋ كاعيداسىنىڭ تالاپتارىنا سايكەستىگىنە سىناۋ جۇرگىزەدى. تەكسەرىپ قاراۋ ناتيجەلەرى بويىنشا وبەكتىلەردى, سونداي-اق مىناداي جاعدايلارعا سۇيەنە وتىرىپ, وبەكتىلەردىڭ فۋنكتسيونالدىق ماقساتىن ەسكەرە وتىرىپ, ماگيسترالدىق تەمىر جول جەلىسى قۇرامىنا ەنگىزۋ ورىندىلىعىن سيپاتتايتىن قورىتىندى ازىرلەيدى:
ستانتسيالارداعى تاسىمالداۋ ۇدەرىسىنىڭ, پوەزدار قوزعالىسى مەن مانەۆرلىك جۇمىستاردى جۇرگىزۋ قاۋىپسىزدىگىن قامتاماسىز ەتۋ قاجەتتىگى;
ماگيسترالدىق تەمىر جول جەلىسىنىڭ جەكەلەگەن پۋنكتتەرىنىڭ وتكىزۋ جانە قايتا وڭدەۋ قابىلەتتىلىگىن ۇلعايتۋدى قامتاماسىز ەتۋ;
ءتۇيىسۋ ستانتسياسىن دامىتۋدى قامتاماسىز ەتۋ;
كىرمە جولداردان/عا بەرۋ-الىپ كەتۋدى, جولاۋشىلار مەن جۇك پوەزدارىن باسىپ وزۋ مەن توعىستىرۋ بويىنشا وپەراتسيالاردى جۇزەگە اسىرۋعا ارنالعان وبەكتىلەردى (تەمىر جولداردى) پايدالانۋ;
وبەكتىلەردى تەحنيكالىق جارامدى جاي-كۇيدە ۇستاۋدى, اعىمداعى جانە كۇردەلى جوندەۋدى جۇرگىزۋدى قامتاماسىز ەتۋ قاجەتتىگى.
5. ۇلتتىق تەمىرجول كومپانياسى وسى قاعيدانىڭ 4-تارماعىندا كوزدەلگەن تەكسەرىپ قاراۋدى اياقتاعاننان كەيىن, 4 كۇنتىزبەلىك كۇن ىشىندە قورىتىندىنى كوميسسيانىڭ قاراۋىنا ودان ءارى شىعارۋ ءۇشىن ۋاكىلەتتى ورگانعا جىبەرەدى.
6. كوميسسيا قۇرامى ۋاكىلەتتى ورگاننىڭ ءبىرىنشى باسشىسىنىڭ نە ونى اۋىستىراتىن ادامنىڭ بۇيرىعىمەن بەكىتىلەدى جانە ول ۋاكىلەتتى ورگان قىزمەتكەرلەرىنىڭ قاتارىنان قۇرالادى. كوميسسيانىڭ قۇرامىنا توراعا, توراعانىڭ ورىنباسارى مەن كوميسسيا مۇشەلەرى كىرەدى. كوميسسيا مۇشەلەرىنىڭ جالپى سانى تاق ساننان تۇرۋى ءتيىس جانە ءۇش ادامنان كەم بولمايدى. كوميسسيا حاتشىسى كوميسسيا مۇشەسى بولىپ تابىلمايدى جانە ونىڭ داۋىس بەرۋ قۇقىعى جوق.
7. كوميسسيا توراعاسى, ال ول بولماعان جاعدايدا - كوميسسيا توراعاسىنىڭ ورىنباسارى كوميسسيا قىزمەتىن باسقارادى, كوميسسيا وتىرىستارىندا توراعالىق ەتەدى, كوميسسيا جۇمىسىن جوسپارلايدى.
8. كوميسسيا ۇلتتىق تەمىر جول كومپانياسىنىڭ ءوتىنىشىن جانە قورىتىندىسىن العان ساتتەن باستاپ كۇنتىزبەلىك 10 كۇن ىشىندە قارايدى جانە وبەكتىلەردى ماگيسترالدىق تەمىر جول جەلىسىنىڭ قۇرامىنا بەرۋ جونىندە نەمەسە وبەكتىلەردى بەرۋدەن باس تارتۋ تۋرالى ۇسىنىمدار شىعارادى. كوميسسيانىڭ ۇسىنىمدارى حاتتامامەن رەسىمدەلەدى.
9. كوميسسيانىڭ وڭ ۇسىنىمى نەگىزىندە جانە وبەكتىلەردى مەملەكەتتىك مەنشىككە قابىلداعاننان كەيىن ۋاكىلەتتى ورگان قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تابيعي مونوپوليالار مەن رەتتەلەتىن نارىقتار سالالارىندا باسشىلىقتى جۇزەگە اسىراتىن ۋاكىلەتتى ورگانمەن بىرلەسىپ, وبەكتىلەردى ماگيسترالدىق تەمىر جول تىزبەسىنە نەمەسە ماگيسترالدىق تەمىر جول جەلىسىنە كىرەتىن ستانتسيالىق جولدار تىزبەسىنە نەمەسە ەلەكتر جابدىقتاۋ, سيگنال بەرۋ, بايلانىس وبەكتىلەرى, قۇرىلعىلار, جابدىقتار, عيماراتتار, قۇرىلىستار جانە ماگيسترالدىق تەمىر جول قىزمەتىنە ارنالعان تەحنولوگيالىق قاجەتتى وزگە دە وبەكتىلەر تىزبەسىنە ەنگىزۋ بويىنشا شارالاردى قابىلدايدى.