2011 جىلعى 19 قىركۇيەك, استانا, ۇكىمەت ءۇيى
«بوساتىلاتىن وق-دارىلەردى, قارۋ-جاراقتاردى, اسكەري-تەحنيكانى, ارنايى قۇرالداردى جويۋ (قۇرتۋ, كادەگە جاراتۋ, كومۋ) جانە قايتا وڭدەۋ جونىندەگى قىزمەتتى ليتسەنزيالاۋ ەرەجەسىن جانە وعان قويىلاتىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 31 قاڭتارداعى № 82 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «بوساتىلاتىن وق-دارىلەردى, قارۋ-جاراقتاردى, اسكەري-تەحنيكانى, ارنايى قۇرالداردى جويۋ (قۇرتۋ, كادەگە جاراتۋ, كومۋ) جانە قايتا وڭدەۋ جونىندەگى قىزمەتتى ليتسەنزيالاۋ ەرەجەسىن جانە وعان قويىلاتىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 31 قاڭتارداعى № 82 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., № 3, 42-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن بوساتىلاتىن وق-دارىلەردى, قارۋ-جاراقتاردى, اسكەري تەحنيكانى, ارنايى قۇرالداردى جويۋ (قۇرتۋ, كادەگە جاراتۋ, كومۋ) جانە قايتا وڭدەۋ جونىندەگى قىزمەت تۇرىنە قويىلاتىن بىلىكتىلىك تالاپتارىندا:
1-تارماقتىڭ 3) تارماقشاسىنىڭ ءبىرىنشى جانە ەكىنشى ابزاتستارى مىناداي رەداكتسيادا جازىلسىن:
«3) مىنالاردى قامتيتىن قاۋىپسىزدىك جۇيەلەرىمەن جاراقتاندىرۋ جانە ينجەنەرلىك-تەحنيكالىق نىعايتۋ جونىندەگى تەحنيكالىق تالاپتارعا جاۋاپ بەرەتىن جەكە مەنشىك جانە/نەمەسە جالعا بەرۋ قۇقىعىنداعى ءتيىستى (ستاتسيونارلىق جانە/نەمەسە ۇتقىر) وندىرىستىك-تەحنيكالىق بازاسى:
عيماراتتار, قۇرىلىستار جانە/نەمەسە دايىنداۋشى-زاۋىتتىڭ ءتيىستى پاسپورتى بار كونتەينەرلىك ۇلگىدەگى ۇتقىر مودۋلدەر, كوتەرگىش تەتىكتەر, جابدىقتار, كولىك قۇرالدارى;».
2. وسى قاۋلى العاشقى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.