زاڭ جوباسى قارالدى

پارلامەنت سەناتى قارجى جانە بيۋدجەت كوميتەتىندە «2011-2013 جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارال­دى, دەپ حابارلادى پارلامەنت سەناتىنىڭ ءباسپاسوز قىزمەتى. زاڭ جوباسى مەملەكەت باس­شى­سىنىڭ قازاقستان حالقىنا بي­ىلعى جولداۋىندا بەلگىلەپ بەرگەن مىندەتتەردى ىسكە اسىرۋ ماق­سا­تىندا جانە الەۋمەتتىك-ەكونو­مي­كالىق دامۋداعى ماكروەكونومي­كا­لىق كورسەتكىشتەردىڭ  2011 جىل­عا ارنالعان ناقتىلانعان بول­جامى نەگىزىندە ازىرلەندى. 2011 جىلعا ارنالعان رەس­پۋب­ليكالىق بيۋدجەت تۇسىمدەرى 4 439,3 ميلليارد تەڭگە كولەمىندە نەمەسە تۇزەتىلگەن بيۋدجەتپەن سا­لىستىرعاندا 183,3 ميلليارد تەڭ­گەگە وسۋىمەن ايقىندالدى. 2011 جىلعا ارنالعان رەسپۋب­لي­كالىق بيۋدجەت شىعىستارى تۇزەتىلگەن بيۋدجەتپەن سالىس­تىر­عاندا 217,9 ميلليارد تەڭ­گەگە ۇل­عايتىلىپ, 5 170,22 ميلليارد تەڭگە سوماسىندا كوزدەلىپ وتىر. اعىمداعى جىلعى اقپاندا ناقتىلانعان بيۋدجەتپەن سالىس­تىر­عاندا بيۋدجەت تاپشىلى­عى­نىڭ 34,6 ميلليارد تەڭگەگە ۇل­عايۋى بيۋدجەت قاراجاتىنىڭ قو­سىمشا كوزى بولىپ تابىلادى. بيۋد­جەت تاپشىلىعىنىڭ جالپى كو­لەمى 730,4 ميلليارد تەڭگە سو­ماسىندا ايقىندالىپ, ءىجو-ءنىڭ 2,8 پايىزىن قۇرادى. وتىرىستا قارجى ءمينيسترى ب.جامىشەۆ, ەكونوميكالىق دامۋ جانە ساۋدا ءمينيسترى ق.كەلىمبەتوۆ ءسوز سويلەپ, دەپۋتاتتاردىڭ ساۋال­دارىنا جاۋاپ بەردى.