الەۋمەتتىك نىساندار قىسقا دايىن

الماتىدا قالا اكىمى احمەتجان ەسىموۆتىڭ توراعالىق ەتۋىمەن 2011-2012 جىلدارى جىلۋ بەرۋ ماۋسىمىنا قالا شارۋاشى­لىق­تا­رىنىڭ دايىندىعىنا ارنالعان كەڭەس ءوتتى. ەنەرگوكەشەن كاسىپ­ورىن­دارى بيىلعى جىلدىڭ ءجون­دەۋ جۇمىستارىن ۋاقىتىلى باستاپ, بەلگىلەنگەن كەستە بويىنشا جۇرگىزىپ كەلەدى. «الەس», «تەپ­لو­كوممۋنەنەرگو» سياقتى ەنەرگيا كوزدەرىندەگى جوسپارلى جوندەۋ جۇمىستارى دا بەكىتىلگەن كەستەگە ساي جۇزەگە اسۋدا. جىلۋ جۇيە­ل­ە­رىن رەتكە كەلتىرۋ جۇمىستارى جىلۋ ماۋسىمى اياقتالعان كەزدە-اق قولعا الىنعان بولاتىن. ال, سۋ قۇبىرلارىن جوندەۋ دە كەستەگە ساي اتقارىلۋدا. قازىرگى كەزدە دەنساۋلىق ساقتاۋ نىساندارىنىڭ جىلۋ بەرۋ ماۋسىمىنا دايىن­دى­عى – 99, ءبىلىم جۇيەلەرىنىڭ داي­ىندىعى 95 پايىزدى قۇرايدى. سونداي-اق, جەو-1-ءدى تابيعي گازعا كوشىرۋ اياقتالىپ قالدى. بيىل جەكە سەكتوردى گازبەن تو­لىق قام­تا­ماسىز ەتۋدە اۋقىمدى جۇمىستار جۇرگىزىلۋدە. الاتاۋ, مەدەۋ جانە بوستاندىق اۋدان­دا­رىنا گاز جەلىلەرى تارتىلۋدا. كە­ڭەستە احمەتجان ەسىموۆ بىرقاتار تاپسىرمالار بەردى. اۋدان اكىم­دىكتەرى پيك-تەرمەن بىرىگە وتى­رىپ, ءار تۇرعىن ءۇيدىڭ قىسقى ماۋ­سىمعا دايىندى­عىن انىقتاۋلارى ءتيىس. بۇدان وزگە, ولار كوممۋ­نال­دىق قىزمەت قارىز­دارىن جويۋدى قامتاماسىز ەتۋگە دە مىندەتتى. ءبىلىم جانە دەنساۋلىق ساقتاۋ باس­قارمالارى اۋدان اكىم­دە­رىمەن بىرگە ەمدەۋ جانە ءبىلىم بەرۋ ورىن­دارىن قىسقى ماۋسىمعا داي­ىنداپ, اۆتونومدى جىلۋ كوزدە­رىن وتىن رەزەرۆتەرىمەن تولىق قام­تا­ماسىز ەتۋلەرى قاجەت. «قازتران­س­گاز» قالانى قاجەتتى مولشەردە تا­بيعي گازبەن ۇزدىكسىز قامتا­ما­سىز ەتەتىن بولسىن», دەدى قالا اكىمى. باقىت بالعارينا, الماتى.