كەرەكۋ ءوڭىرى دە ونەرلى ءوڭىر, يسانىڭ, جاياۋ مۇسانىڭ, مايرانىڭ ەلى. شالعاي اۋىلداردا جۇرگەن دارىندى انشىلەر, كۇيشىلەر جەتەرلىك. بۇعان دەيىن «مەن-قازاقپىن» مەگا جوباسىن قولداۋ ماقساتىندا «قازاقستان-پاۆلودار» تەلەارناسى جەرگىلىكتى جاستار اراسىندا فلەشموب وتكىزىپ, ەرتىس وزەنى جاعاسىندا «قارا جورعا» ءبيىن بيلەدى. ويتكەنى, جۇرتشىلىق كوپتەن بەرى كۇتىپ, ساعىنىپ جۇرگەن ۇلتتىق ونەردى ناسيحاتتايتىن ۇلتتىق جوبانى قولداۋ ماڭىزدى.
ەندى مىنە, 23 ماۋسىم كۇنى وبلىس ورتالىعىندا وتكەن مەگا-جوبانىڭ وبلىستىق كەزەڭىنە 35 ونەرلى جاس قاتىستى. ونەر, ءان بايقاۋى قالانىڭ ورتالىق الاڭىمەن مەن ەرتىس وزەنىنىڭ جاعالاۋىندا بولدى. جينالعان جۇرتشىلىققا جەرگىلىكتى قولونەر شەبەرلەرى مەن زەرگەرلەردىڭ كورمەسى اشىلدى.
بايقاۋدىڭ قاتىسۋشىلارى "شاڭىراق" xالىق شىعارماشىلىعى ورتالىعىندا ءان شىرقادى. ءداستۇرلى اندەرىمىزدى ورىندايتىن ءانشى ەرلان رىسقالي باستاعان قازىلار القاسى كەلدى. ورتالىقتىڭ مامانى امانگەلدى ابدىقادىردىڭ ايتۋىنشا, اۋىل, قالالاردا دا ىرىكتەۋ كەزەڭى ءوتتى. جوباعا 18-40 جاس ارالىعىنداعى ۇمىتكەر قاتىسا الادى. وبلىستاعى ونەر بايگەسىندە تانىلعان انشىلەر كۇزدە استاناداعى «قازمەديا» ورتالىعىندا وتەتىن گالا كونتسەرتتە تاعى دا ونەر سايىسىنا قاتىسادى. بايقاۋ ارنانىڭ ەفيرىنەن تىكەلەي كورسەتىلەدى.
تەلەۆيزيالىق جوبانىڭ وبلىستىق ىرىكتەۋ كەزەڭىنە ءداستۇرلى انشىلەر, تەرمەشىلەر جانە كۇيشىلەر قاتىستى. ءانشى نۇربولات ءابىلxان, تەرمەشى نۇرجان سارقامباەۆ, كۇيشى بەكزات ءسابيxانوۆ جۇلدەگەر اتاندى. ەندى ۇشەۋى دە جوبانىڭ رەسپۋبليكالىق كەزەڭىندە ونەر كورسەتىپ, ونەر بايگەسىنەن كورىنبەكشى.
فاريدا بىقاي
«ەگەمەن قازاقستان»
پاۆلودار
