«قازاقستان تەمىر جولى» ۇلتتىق كومپانياسى» اق-تىڭ» استاناداعى باس عيماراتىندا كومپانيا فيليالى – تاسىمالداۋ ديرەكتسياسىنىڭ ديرەكتورى ەرمەك تولەگەنوۆتىڭ ءتوراعالىعىمەن استىق تاسىمالداۋ جايىنا ارنالعان كەڭەس ءوتتى. وعان اۋىل شارۋاشىلىعى مينيسترلىگى, «قازاقستاننىڭ استىق وداعى», «ازىق-ت ۇلىك كەلىسىم-شارت كورپوراتسياسى» ۇك» اق سىندى وزگە دە استىق تاسىمالىنا قاتىسى بار مەكەمەلەر مەن جۇك ءجونەلتۋشى كاسىپورىندار وكىلدەرى قاتىستى.
ە.تولەگەنوۆتىڭ ايتۋىنشا, قىركۇيەك ايىنىڭ سوڭىنا دەيىن 735 مىڭ توننا استىق تاسىمالداۋ جوسپارلانعان. ونىڭ 535 مىڭ تونناسى رەسپۋبليكاىشىلىك باعدارلارعا بەلگىلەنسە, 200 مىڭ تونناسى ەكسپورتقا شىعارىلماق. ازىرگە قازاقستان استىعىن ازەربايجان, قىرعىز رەسپۋبليكاسى, ءوزبەكستان ساتىپ الۋدا ەكەن. قىركۇيەكتىڭ 17-سىنەن باستاپ اقتاۋ پورتى ارقىلى يرانعا قاراي تاۋلىگىنە ەكى مىڭ توننا استىق تيەلسە, سوڭعى ونكۇندىكتە ول كولەم ءۇش مىڭ تونناعا جەتكىزىلۋدە. تاۋلىگىنە 30 استىق ۆاگوندارى يران, اۋعانستان, تاجىكستانعا جۇك تيەۋدە. بۇل قارقىندى ءالى دە ەسەلەي ءتۇسۋ قاجەت. بيىل قازاقستان تاۋەلسىزدىگىنىڭ 20 جىلدىعىنا 20 ميلليون توننادان استام ءدان جيناعالى وتىرعان ديقانداردىڭ ەسىل ەڭبەگىن جوققا شىعارماۋدىڭ جولدارى قاراستىرىلعان. اۋىل شارۋاشىلىعى مينيسترلىگى ايىنا ميلليون توننا استىق تاسىمالىن ۇيىمداستىرۋ قاجەتتىگىن ايتسا, ول ماقساتتاعى بارلىق شارالاردى ورىنداۋ جۇك ءجونەلتۋشىلەر, ازىق-ت ۇلىك كورپوراتسياسى, كولىك قىزمەتى كاسىپورىندارى بىرلەسە جۇمىلعاندا عانا ءناتيجەلى بولماق.
ەڭ الدىمەن, ەلىمىز تۇرعىندارىنا قاجەتتى استىق قورىن جاساقتاپ الۋعا تۋرا كەلەدى. الدىڭعى جىلدارعى قىركۇيەك ايىنداعى مەجەلەرگە قاراعاندا بيىل كورسەتكىش جوعارى. ماسەلەن, 2009 جىلى رەسپۋبليكاىشىلىك باعدارلارعا قىركۇيەك ايىندا 303 مىڭ توننا بيداي تاسىمالدانسا, 2010 جىلعى قىركۇيەكتە 396,6 مىڭ تونناعا جەتكىزىلگەن. بيىلعى قىركۇيەكتە 535 مىڭ تونناعا جەتكىزۋ جوسپارلانىپ وتىر.
الايدا, مامانداردىڭ ايتۋىنشا, بيىلعىداي اس تا توك استىق شىعىپ, ونى جيناپ الۋدىڭ ءساتى تۇسكەن كەزدە, شاشپاي-توكپەي جيناپ الۋدىڭ مۇمكىندىگى تەمىرجولشىلارعا دا قيىندىقپەن كەلەتىن ءتۇرى بار. وسىعان وراي كولىكتىك سەرۆيستىك قىزمەت وكىلدەرىنە رەسەيلىك ارىپتەستەرىمەن كەلىسىم-شارت ءتۇزىپ, جەدەل تۇردە ىسكە كىرىسۋگە تاپسىرما بەرىلدى.
ءابدىراحمان قىدىربەك.