وتكەن اپتادا ەكى ەل ءۇشىن ماڭىزى زور «قازاقستان – ءسىبىر» حالىقارالىق كورمەسى مارەگە جەتتى. وعان وبلىس اكىمدىگى, ەلىمىزدىڭ يندۋستريا جانە جاڭا تەحنولوگيالار مينيسترلىگى قولداۋ كورسەتتى. ءتۇرلى تاقىرىپتا دوڭگەلەك ۇستەلدەر ۇيىمداستىرىلدى. ءبىر الاڭدا ەكى ەلدىڭ 300-گە جۋىق كاسىپورنى كەزدەستى. كورمە ماشينە جاساۋ, جىلۋ- ەنەرگەتيكالىق كەشەن, مۇناي-حيميا, اگروونەركاسىپ كەشەنى, قولدانبالى ونەر, قۇرىلىس, باسقا دا سالالاردى قامتىدى.
وبلىس ورتالىعىندا يننوۆاتسيالىق تەحنوپارك قۇرۋ تۋرالى باستاما ايتىلدى. وزەن پورتى بايلانىسى, شەكارالىق اۋداندارعا الىپ باراتىن ۇشاق قىزمەتىن قامتاماسىز ەتۋ ماسەلەلەرى قارالدى. رەسەيلىك قوناقتار وبلىس ورتالىعىنداعى كاسىپورىنداردى ارالاپ كوردى. كورمە سوڭىندا پاۆلودار وبلىسى مەن توم وبلىسى جانە التاي ولكەسىنىڭ ونىمدەرى ۇزدىك دەپ تانىلدى.
فاريدا بىقاي,
پاۆلودار وبلىسى.