...مەكتەپ پەن بالاباقشا ەسىك اشتى
جاڭاارقا اۋدانىنداعى ەسكەنە اۋىلىنىڭ اجارىن ەكى قاباتتى 320 ورىندىق مەكتەپ عيماراتى اشا ءتۇستى. مۇعالىمدەر كۇنى الدىندا اشىلعان وعان وقۋشىلار قۋانا اۋىستى. ءىشى-سىرتى سىڭعىرلاعان ءبىلىم ۇياسىنا وبلىس اكىمى سەرىك احمەتوۆ بيولوگيا كابينەتىنە ارنالعان قوندىرعىلاردى, قۇرال-جابدىقتاردى تارتۋ ەتتى.
قاراعاندىداعى «كەڭدالا» شاعىن اۋدانىندا بوي كوتەرگەن «التىن ساقا» بالالار باقشاسىن بۇلدىرشىندەردىڭ تولتىرۋى اتالعان مەرەكەمەن تۇسپا-تۇس كەلدى. وندا وسى ايماقتا تۇراتىن مۇعالىمدەر مەن دارىگەرلەردىڭ جەتكىنشىكتەرى تاربيەلەنەدى.
وسىلايشا مەكتەپ اۋىلدا ەسىك اشسا, بالاباقشا قالادا بوي كوتەدى.
ايقىن نەسىپباي.
قاراعاندى وبلىسى.
* * *
...ەمحانا قۋانىشى
باياناۋىلدىڭ قاراجار, جالعىز قايىڭ اۋىلدارى اقساڭ اۋىلدىق اۋماعىنا قارايدى. ەكى اۋىلدىڭ بىرىنشىسىندە –262, ەكىنشىسىندە 350-دەي ادام تۇرادى. مەكتەبى, كلۋبى بار. قاراجار اۋىلىنا «ميراس» جشس دارىگەرلىك ءبولىمشە ءۇيىن سالىپ بەردى.
اۋىل اكىمى تولەگەن سماعۇلدىڭ ايتۋىنشا, دارىگەرلىك ءبولىمشەگە سەرىكتەستىك 10 ميلليون تەڭگەدەي قاراجات جۇمساعان كورىنەدى. بۇرىن مەديتسينالىق مەكەمەگە ساي ەمەس ءۇي پايدالانىلىپ كەلىپتى. ال بۇل كۇندەرى جارقىراعان جاڭا عيمارات, جاڭا مەديتسينالىق قۇرال-جابدىقتار الىنعان. ءۇش اۋىلعا ءبىر جەدەل جاردەم كولىگى بەكىتىلگەن.
جىلدار بويى ۋادە ەتىلگەن دارىگەرلىك بولىمشە اشىلىپ, تاۋ باۋرايىندا وتىرعان اۋىلدار قۋانىپ قالدى.
فاريدا بىقاي.
پاۆلودار وبلىسى.
* * *
...ورىنباسارلار تاعايىندالدى
قىزىلوردا وبلىسى اكىمىنىڭ يدەولوگيا جونىندەگى ورىنباسارى مۇرات مۇحامەدوۆتىڭ سەنات دەپۋتاتى بولىپ سايلانعانى بەلگىلى. جاقىندا وبلىس باسشىسى بولاتبەك قۋاندىقوۆ جاڭا ورىنباساردى قۇتتى ورنىنا وتىرعىزدى.
رزاقۇل نۇرتاەۆ 2010 جىلدان بەرى قاراي وبلىس اكىمىنىڭ اۋىلشارۋاشىلىق ماسەلەلەرى جونىندەگى ورىنباسارى قىزمەتىن اتقارىپ كەلەدى. ەندى ول الداعى ۋاقىتتا ايماق يدەولوگياسىنا جاۋاپ بەرمەك. ال اۋىلشارۋاشىلىق سالاسىنا باقىت جاحانوۆ جاۋاپتى بولماق. باقىت دۇيسەن ۇلى ورىنباسار بولىپ تاعايىندالعانعا دەيىن تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باستىعى قىزمەتىن اتقاردى.
ەرجان بايتىلەس.
قىزىلوردا.