كەشە مەملەكەت باسشىسى نۇرسۇلتان نازارباەۆ باس پروكۋرور اسحات داۋىلباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ باسپاسوز قىزمەتى.
ا.داۋىلباەۆ پرەزيدەنتتى ەلدەگى زاڭدىلىقتىڭ جاي-كۇيى مەن قۇقىق ءتارتىبى تۋرالى حاباردار ەتتى, سونداي-اق مەملەكەت باسشىسىنىڭ تاپسىرمالارىنىڭ ورىندالۋ بارىسى جايلى باياندادى. تالقىلاۋ كەزىندە تۇزەۋ مەكەمەلەرىندەگى زاڭدىلىقتىڭ جاي-كۇيى تۋرالى, قورشاعان ورتانى قورعاۋ سالاسىنداعى, ءدىني ەكسترەميزم مەن تەرروريزمگە قارسى ءىس-قيمىل جونىندە ءجۇرگىزىلگەن جۇمىستار تۋرالى, ازاماتتاردىڭ ەڭبەك قۇقىعىن قورعاۋ ءجونىندەگى ماسەلەلەر كوتەرىلدى.
كەزدەسۋدىڭ قورىتىندىسى بويىنشا مەملەكەت باسشىسى ەلدە ازاماتتاردىڭ قۇقىقتارى مەن بوستاندىقتارىنىڭ, مەملەكەت پەن قوعام مۇددەلەرىنىڭ ساقتالۋىن قامتاماسىز ەتۋگە باعىتتالعان زاڭدىلىق پەن قۇقىق ءتارتىبىن ودان ءارى نىعايتۋ جانە زاڭ شىعارۋ قىزمەتىن جەتىلدىرۋ تۋرالى ناقتى تاپسىرمالار بەردى.