وبلىستىق ءبىلىم باسقارماسىنىڭ باسشىسى باقىت بەكسەيىتوۆانىڭ ايتۋىنشا, وتكەن جىلى ءوڭىر بويىنشا ۇبت-عا مەكتەپ بىتىرەتىن 3601 تۇلەكتىڭ 2564-ءى قاتىسىپتى. ورتاشا بالل 88,2-ءنى قۇراعان. اقتوعاي, پاۆلودار, شارباقتى, جەلەزين, ۋسپەن اۋداندارىنىڭ تۇلەكتەرى تومەن ناتيجە كورسەتكەن بولاتىن. ال, بيىل شە؟ بيىل 11-سىنىپتى بىتىرەتىن وڭىردەگى 3738 وقۋشىنىڭ 2676-سى نەمەسە 71,5 پايىزى تەستىلەۋگە قاتىسۋعا نيەت ءبىلدىرىپ وتىر. نەگىزى, ۇبت-نى تەك قانا ەلىمىزدىڭ جوعارى وقۋ ورىندارىنا تۇسكىسى كەلەتىن تۇلەكتەر عانا تاپسىرۋعا مىندەتتى دەلىندى. وسىنى العا تارتىپ ۇبت-عا قاتىسپايتىن تۇلەكتەر قاتارى كوبەيە باستاعانداي. مىسالى, مەكتەپتەرىندە بالا سانى از ۋسپەن اۋدانىندا بىلتىر مەكتەپ بىتىرگەن تۇلەكتەردىڭ 52 پايىزى عانا ۇبت-عا قاتىسقان. وعان نە سەبەپ؟.. اۋدان اكىمى سەرگەي سالاماتسكيدىڭ ايتۋىنشا, ۋسپەن اۋدانى رەسەيمەن شەكارالاس ورنالاسقان. مەكتەپ بىتىرۋشىلەردىڭ كوبى كورشى ەلدىڭ جوعارى وقۋ ورىندارىنا وقۋعا تۇسەدى. سوندىقتان, ولار ءۇشىن ۇبت-عا قاتىسۋ ماڭىزدى ەمەس ەكەن.
فاريدا بىقاي, «ەگەمەن قازاقستان»
اۆلودار وبلىسى