سالتاناتتى ءراسىمدى قورعانىس كوميتەتى باس شتابى باستىعىنىڭ ورىنباسارى – تاربيە جانە يدەولوگيالىق جۇمىستار دەپارتامەنتىنىڭ باستىعى گەنەرال-مايور مۇحامەدجان تالاسوۆ اشتى. «جاڭا قازاقستاندىق پاتريوتيزمگە تاربيەلەۋ تۋرالى مەملەكەت باسشىسىنىڭ تاپسىرماسىن ورىنداۋ ءۇشىن, سونداي-اق, قازاقستان رەسپۋبليكاسى قورعانىس ءمينيسترىنىڭ تاپسىرماسى بويىنشا ءبىز اتالعان اسكەري-سپورتتىق جيىندى العاش رەت ۇيىمداستىردىق. ءىس-شارانىڭ باستى ماقساتى جاستارعا پاتريوتتىق تاربيە بەرۋ بولىپ تابىلادى. جيىنعا قاتىستىرۋعا ءبىز سپورت پەن وقۋدا ناتيجەلەر كورسەتىپ جۇرگەن بالالاردى عانا ەمەس, سونىمەن بىرگە, جاۋىنگەرلىك دايارلىق پاندەرى بويىنشا كەرەمەت كورسەتكىشتەر پاش ەتىپ جۇرگەن اتا-انالاردى دا ىرىكتەدىك», − دەپ قورعانىس كومتيتەتى باس شتابى باستىعىنىڭ ورىنباسارى – تاربيە جانە يدەولوگيالىق جۇمىستار دەپارتامەنتىنىڭ باستىعى گەنەرال-مايور مۇحامەدجان تالاسوۆ اتاپ ءوتتى. ەكولوگيالىق تازا جانە شاھاردىڭ كورىكتى جەرىندە ورنالاسقان «جاس سارباز» لاگەرى اعىمداعى جىلعى ماۋسىمنىڭ 10-ى مەن تامىزدىڭ 10-ى ارالىعىندا بالالاردى قۋانا-قۋانا قارسى الادى. ولاردى مادەني-تىنىعۋ جانە سپورتتىق ءىس-شارالاردىڭ كەڭ اۋقىمى, ونىڭ ىشىندە, الماتىنىڭ كورىكتى جەرلەرىنە ساياحات جاساۋ, كونتسەرتتىك باعدارلامالار, ءارتۇرلى ويىن-ساۋىق بايقاۋلارىن وتكىزۋ, اوسك-نىڭ تانىمال وليمپيادالىق سپورتشىلارىمەن جۇزدەسۋ كۇتىپ تۇر. سونداي-اق, پانفيلوۆ كەنتىندەگى اوسك-نىڭ وقۋ-جاتتىقتىرۋ ورتالىعىنا ءبىر كۇندىك شىعۋ جوسپارلانعان. وندا قر قم ارميا ورتالىق سپورت كلۋبىنىڭ بىلىكتى نۇسقاۋشىلارى كەدەرگىلەر جولاعىنان ءوتۋ, ءارتۇرلى سپورتتىق سناريادتارداعى جاتتىعۋلاردى ورىنداۋ بويىنشا ساباقتار وتكىزەدى. سونىمەن قاتار, ارقاندى ساياباقتا, سكالودروم مەن پەينتبولداعى ساباقتار بويىنشا شەبەرلىك-سىنىبىن وتكىزەدى.
الماتىدا «جاس سارباز» اسكەري-پاتريوتتىق جيىنىنىڭ سالتاناتتى اشىلۋ ءراسىمى ءوتتى. العاش رەت قازاقستان رەسپۋبليكاسى قورعانىس مينيسترلىگى باسشىلىعىنىڭ باستاماسىمەن شالعاي گارنيزونداردا تۇراتىن اسكەري قىزمەتشىلەردىڭ بالالارى ءۇشىن سپورت كوميتەتى – قورعانىس مينيسترلىگى ارمياشىلاردىڭ ورتالىق سپورت كلۋبىنىڭ وقۋ-جاتتىقتىرۋ ورتالىعىندا ورنالاسقان لاگەر ءوز جۇمىسىن باستادى.