اسىرەسە, ششۋچە-بۋراباي كۋرورتتى ايماعى قوناقتاردى قابىلدايتىن ماڭىزدى نىسانداردىڭ ءبىرى بولىپ تابىلادى. وسىعان وراي وبلىستىڭ تۋريستىك وپەراتورلارى تاراپىنان كورسەتۋگە لايىق دەگەن 30 تۋريستىك باعدارلاردى ۇسىناتىن 7 تۋريستىك پاكەت ۇسىنىلۋدا. ءتىپتى, بۇل ءۇشىن ءۇش ءتىلدى ەركىن مەڭگەرگەن ازاماتتار اراسىندا تاڭداۋ دا جۇرگىزىلدى. سونداي-اق, بۇدان باسقا ششۋچە-بۋراباي كۋرورتتى ايماعىنداعى تۋريستەردى قابىلداپ, قىزمەت كورسەتە الاتىن 100 نىساننىڭ 12-ءسى «Recommended by EXPO-2017» باعدارلاماسىنا سايكەستىگى تۋرالى سەرتيفيكاتىن الۋعا ۇسىنىلدى. سونىمەن قاتار, اتالعان باعدارلاماعا «الەم» جانە «الەم+» قوناق-ۇيلەرى دە ەنگىزىلگەندىگىن اتاي كەتكەن ءلازىم. بۇدان باسقا, جەرگىلىكتى تۇرعىندارعا ەكسپو-2017 حالىقارالىق كورمەسىنىڭ ماڭىزى مەن ماقساتىن جان-جاقتى كورسەتۋ ءۇشىن 32 ءباسپاسوز قۇرالدارى, 4 تەلەارنا مەن 1 اقپاراتتىق اگەنتتىك تارتىلعاندىعىن دا اتاپ وتكەن ورىندى. ۇستىمىزدەگى جىلدىڭ 27 ساۋىرىندە كوكشەتاۋ قالاسىندا ەكسپو-2017 حالىقارالىق مامانداندىرىلعان كورمەسىنە ەرىكتىلەردى دايارلاۋدىڭ ءۇشىنشى كەزەڭى اياقتالدى. سوعان وراي 100-گە تارتا اقمولالىق ەرىكتى تاڭداپ الىنسا, ولار شىلدەنىڭ 3-ءى مەن 31 ارالىعىندا ءوز مىندەتتەرىنە كىرىسەتىن بولادى. بۇدان باسقا, ءوڭىر اۋىلشارۋاشىلىق ونىمدەرىمەن دە قامتاماسىز ەتەتىندىگى بەلگىلى بولىپ وتىر. اتاپ كورسەتكەندە, ۇستىمىزدەگى جىلدىڭ 10 ماۋسىمى مەن 10 قىركۇيەگى ارالىعىندا وتەتىن حالىقارالىق ماڭىزدى شاراعا جەتكىزىلەتىن ەت جانە ەت ونىمدەرى 4,6 مىڭ توننانى; ءسۇت جانە ءسۇت ونىمدەرى – 8,1 مىڭ توننا; جۇمىرتقا – 63,0 ملن دانا; جەمىستەر – 0,4 مىڭ توننا جانە كارتوپ 2,2 مىڭ توننا كولەمىندە بولادى دەپ كۇتىلۋدە.
اسقار تۇراپباي ۇلى, «ەگەمەن قازاقستان» اقمولا وبلىسى