2011 جىلعى 26 تامىز , استانا, ۇكىمەت ءۇيى
«تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنىڭ (تاۋارلارىنىڭ, جۇمىستارىنىڭ) تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 14 ناۋرىزداعى №155 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنىڭ (تاۋارلارىنىڭ, جۇمىستارىنىڭ) تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 14 ناۋرىزداعى №155 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., №8, 71-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنىڭ (تاۋارلارىنىڭ, جۇمىستارىنىڭ) تىزبەسىندە:
10-تارماق مىناداي رەداكتسيادا جازىلسىن:
«10. قىزمەتتىڭ وسى تۇرلەرىن ۇسىنۋدىڭ تەحنولوگيالىق مۇمكىن بولماۋى نە ەكونوميكالىق ورىنسىزدىعى سەبەبىنەن باسەكەلەس بايلانىس وپەراتورى بولماۋى شارتىمەن تەلەكوممۋنيكاتسيالار سالاسىندا:
1) جالپى پايدالانۋداعى تەلەكوممۋنيكاتسيالار جەلىسىنە:
جەرگىلىكتى دەڭگەيدە بايلانىس وپەراتورلارىنىڭ تەلەكوممۋنيكاتسيالار جەلىلەرىن;
ءىر-تەلەفونيا (ينتەرنەت-تەلەفونيا) وپەراتورلارىنىڭ جابدىقتارىن (قولجەتىمدىلىك توراپتارىن) قالاارالىق دەڭگەيدە قوسۋ;
2) قوسىلاتىن بايلانىس وپەراتورلارىمەن:
قوسىلاتىن بايلانىس وپەراتورلاردىڭ تەلەكوممۋنيكاتسيا جەلىلەرىنەن جەرگىلىكتى تەلەفوندىق ترافيگىن;
قوسىلاتىن ءىر-تەلەفونيا (ينتەرنەت-تەلەفونيا) وپەراتورلارىنىڭ جابدىقتارىنان (-نا) (قولجەتىمدىلىك توراپتارىنان) (-نا) تەلەفوندىق ترافيگىن وتكىزۋ.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.