مەملەكەت باسشىسىنىڭ «جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى» اتتى جولداۋىندا ايتىلىپ, بۇگىندە ەلىمىزدىڭ تۇكپىر-تۇكپىرىندە كەڭىنەن جۇزەگە اسقان ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ قۇندى جوبالارى ەل يگىلىگىنە قىزمەت ەتۋدە. وسىلايشا يندۋستريالىق دامۋ ارقىلى ەڭبەك ونىمدىلىگى ارتىپ, باسەكەگە قابىلەتتى ءونىم ءوندىرۋ باعىتى ايقىندالدى. ەكونوميكانىڭ شيكىزاتتىق ەمەس سەكتورىنا سالىنعان وتاندىق جانە شەتەلدىك ينۆەستيتسيا كولەمى ارتۋىمەن جۇمىسسىزدىق ماسەلەسى دە شەشىمىن تاۋىپ كەلەدى.
وسى ورايدا شاعىن جانە ورتا كاسىپكەرلىكپەن اينالىساتىندار ەڭبەگى قات-قابات تىرلىككە ۇلاسقان. ويتكەنى, بيىلعى مىندەت اۋقىمى كۇردەلى. جەتىسۋدا يندۋستريالىق-يننوۆاتسيالىق دامۋ باعدارلاماسى اياسىندا 8 جوبانى پايدالانۋعا بەرۋ جوسپارلانسا, ونىڭ بەسەۋى العاشقى جارتى جىلدا جۇزەگە استى. ماسەلەن, حالىقارالىق ستاندارتقا ساي قۇرىلىسقا قاجەتتى ءپروفيلدى قۇبىر شىعاراتىن «Sonik», بيتۋم وندىرەتىن «يۋرينۆەستقۇرىلىس» جاۋاپكەرشىلىگى شەكتەۋلى سەرىكتەستىكتەرى جانە باسقا دا كاسىپورىندار ءوز جۇمىستارىنىڭ تياناعىن كەلتىرگەن. اتالعان جاڭا جوبا بارىسىندا جۇزدەگەن ادام جۇمىسپەن قامتىلىپ, حالىقتىڭ الەۋمەتتىك-تۇرمىستىق جاعدايى كوتەرىلىپ كەلەدى.
استانادا وتكەن «قۋاتتى قازاقستاندى بىرگە كوركەيتەمىز» اتتى يندۋستريالىق-يننوۆاتسيالىق فورۋمدا ەلباسى تەلەكوپىر ارقىلى ەلىمىزدەگى جوبالاردىڭ حالىقتىڭ جارقىن بولاشاعى ءۇشىن جۇمىس جاسايتىنىن اتاپ ءوتتى. جاڭادان ىسكە قوسىلعان كاسىپورىندار قاتارىنداعى ىلە اۋدانىنداعى «Sonik» كاسىپورنى ءوز مۇمكىندىكتەرىن, باعىتىن ايقىنداپ, رىنوكتا سۇرانىسقا يە مەتالل ونىمدەرىن وندىرۋگە تاۋەكەل جاساسا, بۇل ءوز جەمىسىن بەرگەنىن ۋاقىتتىڭ ءوزى دالەلدەپ وتىر.
بايسەركە سەلولىق وكرۋگى اۋماعىنداعى «دامۋ» يندۋستريالىق-لوگيستيكالىق ورتالىعىنىڭ ماڭىنان 3,15 گەكتار جەر تەلىمىن العان كاسىپورىن مەتالدان تۇتىنۋشىلار سۇرانىسىن قاناعاتتاندىراتىن حالىقارالىق ستاندارتتارعا ساي ءتورت قىرلى, ءار ءتۇرلى مولشەردەگى قۇبىرلار, سىم تەمىرلەردىڭ الۋان ءتۇرىن شىعارىپ وتىر. نەگىزگى قۇرىلىس جۇمىستارى «Sonik» كومپانياسىنا, ءوندىرىستىك تسەحتى ءتيىستى قوندىرعىلارمەن جابدىقتاۋ مىندەتى «STS ستال تسەنتر» كومپانياسىنا تيەسىلى. كومپانيا ماماندارىنىڭ قاتىسۋىمەن العاشقى كەزەكتە قۇرال-جابدىقتار تولىق ورناتىلىپ, قوندىرعىلار قىتاي حالىق رەسپۋبليكاسىنان جەتكىزىلگەن. قۇرىلعىلاردى ورنالاستىرۋ, اۆتوماتتى جۇيەگە قوسۋ جانە كومپيۋتەرلەندىرۋ جۇمىستارىنا قىتايلىق ماماندار تارتىلعان. «Sonik» كومپانياسىنىڭ ديرەكتورى سەرگەي سون كاسىپورىننىڭ تىنىس-تىرشىلىگىمەن تانىستىرعان ءسات ءالى دە كوپشىلىك ەسىندە.
سالەمەتسىز بە, قۇرمەتتى نۇرسۇلتان نازارباەۆ, دەگەن ەدى تولقىپ تۇرعان زاۋىت باسشىسى سول جولى. ءبىز بۇگىن ءپروفيلدى قۇبىر شىعاراتىن زاۋىتتى ىسكە قوسامىز. بۇعان دەيىن مۇنداي ونىمدەر تەك تاياۋ جانە الىس شەتەلدەردەن تاسىمالدانىپ كەلدى. بۇگىن ءبىز جىلىنا كەمىندە 10 مىڭ توننا ءونىم ءوندىرەتىن زاۋىتتىڭ العاشقى كەزەگىن ىسكە قوسپاقپىز. الداعى ەكى جىلدا ەكىنشى كەزەگى ىسكە قوسىلادى. سول تۇستا ءونىم ءوندىرۋ كولەمى ءتورت ەسەگە ۇلعايماق. وسىنىڭ ءبارى «بيزنەستىڭ جول كارتاسى-2020» باعدارلاماسى اياسىندا مۇمكىن بولىپ وتىر. ۇجىم مۇشەلەرى مەملەكەتتىڭ قولداۋىن جان-جاقتى سەزىنۋدە. ءسىزدىڭ جۇرگىزىپ وتىرعان ساياساتىڭىزدى شىنايى قولدايمىز. ءبىز يندۋستريالانعان قۋاتتى قازاقستان جاعىندامىز.
نىق سەنىم, باتىل قاداممەن زاۋىت جۇمىسىن باستاپ كەتتى. نەگىزگى وندىرىستىك تسەحتا 60-قا تارتا ادام ەڭبەك ەتۋدە. ولاردىڭ ورتاشا ايلىقتارى 70 مىڭ تەڭگەنى قۇرايدى. ال كاسىپورىن تولىق قۋاتىندا جۇمىسقا كىرىسكەن جاعدايدا جۇمىسشىلار سانى 150-گە جەتكىزىلمەكشى. زاۋىت ۇجىمى يسو-9001 سەريالى حالىقارالىق ساپا جۇيەسىنە ەنۋ ءۇشىن ىزدەنىسپەن ەڭبەك ەتۋدە. ەلىمىزدە بۇعان دەيىن بۇل تەكتەس جوبا بولماعان. دەمەك, جاڭاعا بەت العان كاسىپورىننىڭ ەرتەڭىنەن ۇلكەن ءۇمىت كۇتۋگە بولادى.
قازىرگى كەزدە نەگىزگى وندىرىستىك تسەح جۇمىس ىستەگەنىمەن الداعى كەزەڭدە تەمىردى جونۋ جانە ءدانەكەرلەۋگە ارنالعان قوسىمشا تسەحتار سالىنباقشى. بۇعان قوسا دايىن ونىمدەر قويماسى, اكىمشىلىك عيماراتى, اسحانا سالۋ ماسەلەلەرى بار.
كاسىپورىن ىرگەسىنەن تۇرمىستىق كەشەندەر بوي كوتەرىپ, ونىڭ بولاشاعىنان باعدار بەرگەندەي. اۋقىمدى جوبالاردىڭ قاتارىنداعى كاسىپورىندا وندىرىلەتىن ءونىم مولشەرى دە جىل سايىن ارتاتىنى انىق. بولاشاقتا قۇبىرلار مەن سىم تەمىرلەردى ءوندىرۋ جىلىنا 40 مىڭ تونناعا دەيىن جەتكىزىلمەكشى. سول كەزدە كومپانيا ءوز ونىمدەرىمەن ەلىمىزدىڭ وڭتۇستىك ءوڭىرلەرىن تولىقتاي قامتاماسىز ەتۋگە قابىلەتتى بولادى. سونداي-اق, وزبەكستان, قىرعىزستان, تاجىكستان, تۇركىمەنستانعا ءوز ءونىمدەرىن شىعارىپ, ەكسپورتتاۋ مىندەتىن العا قويۋدا.
كاسىپورىن ءونىمى ءارتۇرلى مولشەردەگى ءتورت قىرلى تەمىر قۇبىرلار, مەتالل كونسترۋكتسيالارى, ۇستەل, ورىندىق, تاقتا سياقتى تۇتىنۋ زاتتارىن جاساۋعا كەڭىنەن قولدانىلادى. سونداي-اق ازاماتتىق ءاسكەري قۇرىلىس جانە باسقا سالالار كوپتەپ تاپسىرىس بەرگەن. جيھاز جاساۋشىلارعا دا تاپتىرمايتىن ءونىم. الىسقا بارماعاننىڭ ءوزىندە, سوڭعى بىرەر اي كولەمىندە الماتىداعى «ZETA» جيھاز فابريكاسى ۇلكەن مولشەردە تاپسىرىس بەرىپ, كەلىسىم-شارت جاساسقانى وسىنىڭ دالەلى.
ءوندىرىستىڭ دامۋى كوبىنە شيكىزات كوزىنە بايلانىستى. توقىراۋ جىلدارىندا كوپتەگەن وتاندىق وندىرىستەر وسى ءماسەلەدەن زارداپ شەگىپ, جۇمىستارىن توقتاتتى. كاسىپورىن بۇل جاعىنان تاپشىلىق كورمەيدى. نەگىزىنەن قاراعاندى مەتاللۋرگتەرىنە ۇلكەن سەنىم ارتىلىپ وتىر. ءتىپتى, ءتۇيىندى ماسەلەلەر تۋىنداعان جاعدايدا رەسەيدەگى ماگنيتوگور, باتىس ءسىبىر مەتاللۋرگيا كومبيناتتارىنىڭ كومەگىنە جۇگىنەتىندىكتەرىن ايتادى. قازىردىڭ وزىندە وسى باعىتتا كەلىسىمگە قول جەتكىزىلگەن.
جاستار تۋعان جەرىندە تەر توگىپ, ەڭبەك ەتۋگە قاشاندا دايىن. زاۋىتتاعى قايناعان ەڭبەكتىڭ ورتاسىندا جالىندى جاستار دا بار. بىزگە مۇندا بارلىق جاعداي جاسالعان. ايلىق ۋاقتىلى بەرىلەدى. دەنساۋلىقتى نىعايتۋعا دا مۇمكىندىك بار. ءبىز پرەزيدەنتتى قولدايمىز. ەلىمىزدەگى ساياسي تۇراقتىلىق, ەل دامۋى باستى بايلىق ەكەنىن تۇسىنەمىز. تاۋەلسىزدىك تويىنا دەگەن ۇجىم مۇشەلەرىنىڭ ەڭبەكتەگى قۇلشىنىسى ەرەكشە, دەدى ەلدوس قادىربەكوۆ اڭگىمە اراسىندا.
ىلەدەگى كاسىپورىننىڭ جالپى قۇنى 1 ملرد. 885 ملن. تەڭگە. قىسقا مەرزىمدە تازا پايداعا شىعۋ دا ويدا بار. ەلباسىنىڭ قولداۋىمەن جۇمىسىن باستاعان جاڭا كاسىپورىنداعى ەڭبەك كورىگى وسىلاي جالعاسۋدا.
كۇمىسجان بايجان.
الماتى وبلىسى.