«ەلىمىزدىڭ بارلىق ايماقتارىن قامتيتىن جوبا ماقساتى – جاستار اراسىندا ۇلتتىق مۋزىكانى ناسيحاتتاۋ. وعان قاتىسۋشىلارعا ۇلتتىق ۇلگىدە كيىنۋ, دومبىرا, قوبىز, سىرنايعا قوسىلىپ, تەرمە, كۇي ورىنداۋ تالاپ ەتىلەدى. 18 بەن 40 جاس ارالىعىنداعى ادامدار قاتىسا الادى. ەڭ باستىسى وزدەرىن ۇلتتىق ناقىشتا تانىتا بىلۋلەرى كەرەك», دەدى وبلىستىق مادەنيەت, مۇراعات جانە قۇجاتتامالار باسقارماسىنىڭ ءبولىم جەتەكشىسى تۇرسىناي مولداحمەتوۆا.
مەگا-جوبانى ۇيىمداستىرۋشىلار ايىرتاۋ, ەسىل, قىزىلجار اۋداندارىندا بولىپ, كورىكتى جەرلەرمەن, تاريحي ورىندارمەن تانىستى.
جۇرتشىلىق «ابىلايحان رەزيدەنتسياسى» مۋزەي كەشەنى الدىندا « جەتى قاسيەت» اتتى قويىلىمدى تاماشالادى.
ءوڭىر جەڭىمپازدارى رەسپۋبليكالىق تەلەۆيزيالىق كونكۋرسقا قاتىسىپ, ءتۇرلى اتالىمدار بويىنشا ونەرلەرىن ورتاعا سالادى.
ءومىر ەسقالي, «ەگەمەن قازاقستان»