تاربيە وشاعىنىڭ ءدال وسى ىقشام اۋداندا اشىلۋىنىڭ وزىندىك سەبەپتەرى بار. ويتكەنى, قازىرگى ۋاقىتتا بۇل ىقشام اۋداندا تۇرعىن ۇيلەر كوپتەپ سالىنىپ جاتىر, حالىق سانى دا ارتىپ كەلەدى. وسكەمەن قالالىق بiلiم ءبولىمىنىڭ باس مامانى ايگۇل ەرەجەپوۆا جىبەك ماتالار ىقشام اۋدانىندا 1050 بالانىڭ بالاباقشا كەزەگىندە تۇرعانىن ايتادى. "وسكەمەندە جەكە مەنشىك-مەملەكەتتىك سەرىكتەستىك اياسىندا بۇعان دەيىن 19 بالاباقشا اشىلدى, بۇل – جيىرماسىنشىسى. "اقبوتا" بالاباقشاسى وسى ىقشام اۋدانداعى بالاباقشا كەزەگىن ازايتۋعا سەپتىگىن تيگىزەدى دەپ ويلايمىن", دەيدى ول.
جاڭا بالاباقشانىڭ مەڭگەرۋشىسى جادىرا شيبۇتوۆا مۇندا بالعىنداردىڭ 2 جاستان باستاپ قابىلداناتىنىن, ازىرگە ءۇش توپ بار ەكەنىن, مەملەكەت تاراپىنان ءار بالاعا سۋبسيديا تولەنەتىنىن ايتتى.
«بۇل بالاباقشانىڭ ەرەكشەلىگى, مۇندا لوگوپەد پەن بي مامانىنىڭ جۇمىس ىستەيتىندىگى. سودان كەيىن يننوۆاتسيالىق وقىتۋعا كوڭىل بولەتىندىگى. مۇنداعى تاربيەشىلەر سوڭعى تەحنولوگيالاردى جەتىك مەڭگەرگەن. سوندىقتان بالامىزدى وسىندا بەرۋدى ءجون دەپ ۇيعاردىق», دەيدى ءىنجۋ ەسىمدى ءبۇلدىرشىننىڭ اناسى ارايلىم مۇساقانوۆا.
ازامات قاسىم,
«ەگەمەن قازاقستان»
وسكەمەن
سۋرەت اۆتوردىكى