استانا قالاسىندا قۇرىلىس الاڭىندا باشنيالى كراننىڭ كابيناسى ورتەندى.وقيعا ايتماتوۆ كوشەسى بويىنداعى قۇرىلىس نىسانىندا بولعان. كران كابيناسىنان قويۋ قارا ءتۇتىن شىعىپ, ءورت تۋرالى حابارلاما تۇسكەن سوڭ, وقيعا ورنىنا ءورت سوندىرۋشىلەر جەدەل جەتتى, دەپ حابارلايدى Egemen.kz.
توتەنشە جاعدايلار مينيسترلىگى مالىمەتىنشە, العاشقى بولىمشەلەر كەلگەن كەزدە كران كابيناسى جانىپ جاتقانى انىقتالعان. قۇتقارۋشىلار ءورتتى بيىكتىكتە ءسوندىرىپ, ونى قىسقا ۋاقىتتا تولىقتاي وقشاۋلاعان. زارداپ شەككەندەر جوق.
كۋاگەرلەر تۇسىرگەن ۆيدەودا كران كابيناسىن ءتۇتىن باسىپ, ءورت سوندىرۋشىلەر جوعارىعا كوتەرىلىپ, جالىندى ءسوندىرىپ جاتقان ساتتەر كورىنەدى.
قىزىلوردادا پوليتسەي ورتەنىپ جاتقان ۇيدەن 2 بالانى الىپ شىقتى
ايتا كەتەيىك, بۇعان دەيىن استانا قالاسىندا تاعى ءبىر وقيعا تىركەلگەن – نۇرا اۋدانىندا اينالما دوڭگەلەك (اتتراكتسيون) ورتەنىپ, جولاۋشىلار ەۆاكۋاتسيالانعان بولاتىن.