قازاقستاننىڭ تاعى ءبىر تاريحي بەلەسى

مىنە, بۇ­گىن تاعى دا تورتكۇل دۇنيە تۇ­گەل استاناعا كوز تىگىپ, ادام­­زات اقىل-ويىنىڭ تاما­شا جەتىستىكتەرىنىڭ ءبىرى – ەكسپو-2017 حالىقارالىق ما­­مانداندىرىلعان كور­مە­سى­نىڭ سالتاناتتى اشىلۋ را­سى­­مىنە كۋا بولىپ وتىر. بەي­بىت­شىلىكسۇيگىش بارشا الەم اسىعا كۇتكەن ەكسپو-2017 حالىقارالىق كورمەسىن اشۋ­دىڭ سالتاناتتى راسىمىنە استانا سامميتىنە كەلگەن شان­حاي ىنتىماقتاستىق ۇي­ى­مى­­نا قاتىسۋشى مەملەكەتتەر باس­­­شىلارىنىڭ قاتىسۋىنىڭ دا سيمۆولدىق ماڭىزى بار.  بۇكىلالەمدىك جەتىستىكتەر كور­­­مەسىن ۇيىمداستىرۋدىڭ 165 جىلدان استام تاريحىندا ورتالىق ازيا ايماعى, ءتىپتى تمد مەملەكەتتەرىنىڭ ەش­قايسىسىندا دا ەكسپو جا­لاۋى جەلبىرەپ كورگەن جوق. وسىدان تۋرا ءتورت جىل بۇرىن پاريجدە وت­كەن الامان بايگەنىڭ نا­تي­جە­سىندە بۇل قۇرمەتكە تاريحتا تۇڭ­عىش رەت تاۋەلسىز قازاقستان يە بولدى. بۇل – ەلباسى, الەمدىك دارەجەدەگى دارابوز ساياساتكەر نۇرسۇلتان نازارباەۆ­تىڭ حا­لىقارالىق ارەنا­داعى ۇلكەن بەدەلىنىڭ ارقاسى ەكەن­دىگى داۋسىز. پاريجدەن جەتكەن ءسۇيىن­شى حاباردان كەيىن ەگەمەن ەلى­مىز ءۇشىن عاسىر سىنىنا اينال­عان وسى ءبىر جاھاندىق شارانى وت­كىزۋ دايىندىعىنا مەملەكەت باسشىسىنىڭ باستاماسىمەن بارشا قازاقستاندىقتار جۇمىلا كىرى­سىپ كەتتى. جاۋاپكەرشىلىگى زور جا­ھاندىق شارانى وتكىزۋدىڭ اۋقىمدى جۇمىستارىن اتقارۋدا الاتاۋدان ارقاعا, التايدان اتىراۋعا دەيىنگى سوزىلىپ جات­قان ەلىمىزدىڭ بارلىق وڭىرلەرى ءبىر كىسىدەي جۇمىلىپ, ەرەكشە ۇيىمشىلدىق تانىتتى. سو­دان بەرگى وتكەن ءتورت جىل ىشىن­دە ەلوردا اۋماعىندا قاي­تا­لانباس ساۋلەت ونەرلەرىنىڭ جاۋ­ھارلارىنان تۇراتىن تۇ­تاس ءبىر يننو­ۆاتسيالىق قالا تۇر­عى­زىل­دى. سونىڭ ىشىندە جالپى كولەمى 80 مەتردى قۇرايتىن, بيىكتىگى 100 مەتر الەمدە تەڭدەسى جوق بىردەن-ءبىر شار تارىزدەس عيمارات – نۇر-الەم ۇلتتىق پاۆيلونىن ايتۋدىڭ ءوزى نەگە تۇرادى. استانا ەكسپو-2017-ءنىڭ باس­تى ۇرانى – «بولاشاقتىڭ ەنەرگياسى». بۇگىندە بۇل بۇكىل سانالى ادامزاتتى تولعاندىرىپ وتىرعان ءتۇيىندى ماسەلە ەكەندىگى دە داۋسىز. ەندەشە, ەگەمەن ەلىمىزدىڭ ەلورداسىنان بۇكىل الەمدى الاڭداتقان تولعاقتى تاقىرىپتاردىڭ شە­شىمى تارقاتىلادى. سوندىقتان دا تورتكۇل دۇنيەنىڭ ءتورت قۇ­بى­لا­سىنداعى بارلىق سانا­لى ادامزات وكىلدەرى ۇلى دا­لا­نىڭ بەل ورتاسىنداعى ارۋ استانادا جەلبىرەگەن ەكسپو-2017 كورمە­سىنىڭ اق تۋ­ىنا اسقاق ۇمىتپەن قارايدى. سو­نىمەن, قوس عاسىرلىق تا­ريحى بار الەمدىك ايتۋلى شارا – ەكسپو-2017 حالىقارالىق ما­مان­داندىرىلعان كورمەسى ءوز جۇمىسىن باستادى. ىسكە ءسات!  گازەتىمىزدىڭ بۇگىنگى نو­مى­رىن­دە وسى ايتۋلى وقيعاعا باي­لانىس­تى وڭىرلەردەن جەتكەن ماتەريالدار توپتاماسىن وقىر­ماندار نازارىنا ۇسىنىپ وتىر­مىز.

جىلقىباي جاعىپار ۇلى, «ەگەمەن قازاقستان»