ەلدى ەڭسەلەندىرگەن ءورشىل وڭىرلەر تابىستارى

وبلىستاردىڭ استاناداعى كۇندەرى ەل وڭىرلەرىنىڭ تاۋەلسىزدىك تويى قارساڭىنداعى وزىندىك ەسەبىنە اينالدى. قوستاناي, قىزىلوردا, وڭتۇستىك قازاقستان وبلىستارىندا مەملەكەتىمىزدىڭ مەرەيلى مەرەكەسىنە لايىقتى دايىندىق جاسالىپ جاتقاندىعى كەلىستى كورىندى. كەشە بەيبىتشىلىك جانە كەلىسىم سارايىندا پرەزيدەنت قوس­تاناي, قىزىلوردا جانە وڭتۇستىك قازاقستان وبلىستارى جەتىستىكتەرىنىڭ كورمەسىمەن تانىستى. قازاقستان تاۋەلسىزدىگى­نىڭ 20 جى­لىن­دا قوستاناي وبلىسىنىڭ قول جەتكىزگەن ناتيجەلەرىنە ارنالعان ەكسپو­زيتسيادا وبلىس اكىمىنىڭ ورىنباسارى  ن.ءساد­ۋاقاسوۆ مەملەكەت باسشىسىنا ءوڭىر­دىڭ ەكونوميكالىق جاعدايى مەن الەۋ­مەتتىك دامۋى تۋرالى باياندادى. 2010 جىلى وبلىستا, 1993 جىلمەن سالىس­تىرعاندا, جالپى وڭىرلىك ءونىم 226 ەسە ارتىپ, حالىقتىڭ جان باسىنا شاققاندا 975,4 مىڭ تەڭگەنى قۇرادى. 2010 جىلى وبلىستا 451 ملرد. تەڭگەنىڭ ونەركاسىپ ءونىمى ءوندىرىلدى. 2003-2009 جىلدار ارا­لىعىندا جالپى سو­ما­سى 83,3 ملرد. تەڭگەنىڭ 95 ينۆەس­تي­تسيا­لىق جوباسى ىسكە اسىرىلىپ, جاڭادان 5 مىڭ جۇمىس ورنى اشىلدى. 1993-2010 جىل­دار ارا­لىعىندا اۋىل شارۋاشى­لى­عى­نىڭ جالپى ءونىمى 112 ەسەگە ارتتى. 20 جىل ىشىندە وبلىستا 2 ملن. 165 مىڭ شارشى مەتر تۇرعىن ءۇي پايدالانۋعا بەرىلدى. حالىقتى جۇ­مىسپەن قامتۋ دەڭ­گەيى 84,2 پاي­ىز­دان 94,3 پاي­ىز­عا دەيىن ءوستى. 11 جالپى ءبىلىم بەرەتىن مەكتەپ, 140 ور­ىندى 1 بالا­باق­شا سالى­نىپ, 3 جالپى ءبىلىم بەرەتىن مەكتەپ پەن 6 با­لاباقشاعا قايتا جوندەۋ جۇ­مىس­تا­رى ءجۇر­­گى­زىل­دى. وب­لىستاعى دەنساۋلىق ساق­تاۋ سەكتورى 599 مە­دي­تسينالىق نىسان­مەن تولىقتى. قى­زىل­ور­دا وبلىسىنىڭ قول جەتكىزگەن ءنا­تي­جە­لە­رىنە ار­نال­عان كور­مەدە وبلىس اكىمى ب.قۋان­دىقوۆ مەملەكەت باسشىسىنا ءوڭىردىڭ ەكونوميكالىق جاعدايى مەن الەۋمەتتىك دامۋى تۋرالى باياندادى. ون جىل ىشىندە وبلىستىق بيۋدجەتتىڭ كولەمى 7,7 ەسە ارتتى. 2010 جىلى سوماسى 33 ملرد. تەڭگەنىڭ 27 جوباسى ىسكە اسىرىلىپ, 938 جۇمىس ورنى قۇرىلدى. 11 جوبا يندۋستريا­لاندىرۋ كارتاسى اياسىندا جۇزەگە استى.  تۇرعىن ءۇي-كوممۋنالدىق شارۋاشىلىق­قا ارنالعان شىعىستار 7,6 ەسە ءوسىپ, وبلىستىق بيۋدجەت كولەمىنىڭ 10,5 پايىزى بولدى. 87 ءبىلىم بەرۋ نىسانى, 73 دەنساۋلىق ساقتاۋ نىسانى پايدا­لا­نۋعا بەرىلدى. 2010 جىلى اۋىل شارۋاشى­لىعىنىڭ جالپى ءونىم كولەمى 44,2 ملرد. تەڭگەنى قۇ­را­دى. وبلىستا ۇز­ىن­دىعى 811,7 شا­قىرىمدى الىپ جاتقان جانە وب­لىستىڭ بارلىق اۋدان­دارىن قام­تي­تىن «باتىس ەۋروپا – با­تىس قى­تاي» جوباسى ءجۇ­زە­گە اسىرىلۋدا. تۇر­­عىن ءۇي مەملەكەتتىك باعدار­لا­ما­سى بويىنشا 2008-2010 جىلدارى 721 مىڭ شارشى مەتر تۇرعىن ءۇي پاي­دالانۋعا بەرىلدى. وڭتۇستىك قا­زاق­ستان وبلىسى­نىڭ قول جەتكىزگەن ناتيجەلەرىنە ار­نالعان ەكسپو­زي­تسيا­مەن تانىسۋ با­رىسىندا وبلىس اكىمى ا.مىرزاحمەتوۆ مەملەكەت باسشى­سىنا وبلىستىڭ الەۋ­مەتتىك-ەكونوميكالىق دامۋى تۋرالى باياندادى. جالپى ءوڭىر­لىك ءونىم 2010 جىلى 1,1 ترلن. تەڭگەگە جەتىپ, 163 ەسە ارت­تى. حالىقتىڭ جان باسىنا شاق­قانداعى جالپى وڭىرلىك ءونىم 121 ەسە ءوستى. 20 جىل ىشىندە نەگىزگى كاپيتالعا ين­ۆەستيتسيا كولەمى 225 ەسە ءوستى, وبلىس­تىق بيۋدجەتتىڭ كولەمى 25 ەسە ارتتى. 2010 جىلى ونەركاسىپ ءونىمىنىڭ كولەمى 305 ملرد. تەڭگەنى قۇرادى. وبلىستا 280 جاڭا كاسىپورىن اشىلىپ, 17 مىڭ جۇ­مىس ورنى قۇرىلدى. ۇدەمەلى يندۋس­تريا­لىق-يننوۆاتسيالىق دامۋ باعدار­لا­ماسى اياسىندا 57 جوبا جۇزەگە استى.  اۋىل شارۋاشىلىعى ونىمدەرىنىڭ كو­لەمى 1991 جىلعى 10,5 ملرد. تەڭگەدەن 2010 جىلى 162,5 ملرد. تەڭگەگە دەيىن ارتتى. ءبىلىم بەرۋ سالاسىن قارجى­لاندىرۋ كولەمى 2010 جىلى 121,8 ملرد. تەڭگەگە, دەنساۋلىق ساقتاۋ سالاسىن قار­جىلان­دى­رۋ كولەمى 21,5 ملرد. تەڭگەگە كوبەيدى. تۇساۋكەسەر اياقتالعاننان كەيىن مەملەكەت باسشىسى نۇرسۇلتان نازارباەۆ بەيبىتشىلىك جانە كەلىسىم سا­رايىندا وڭتۇستىك قازاقستان, قوستاناي جانە قىزىلوردا وبلىستارى ونەر شەبەر­لەرى­نىڭ گالا-كونتسەرتىن تاماشالادى. ءابدىراحمان قىدىربەك. ----------------------------------------- سۋرەتتەردى تۇسىرگەندەر س.بوندارەنكو, ب.وتارباەۆ.