«اشىعىن ايتۋ كەرەك, بالامالى ەنەرگەتيكانىڭ ارقاسىندا بارلىق ماسەلەلەردى شەشۋ مۇمكىن ەمەس. وسى ورايدا گازدىڭ بارىنشا تازا ەنەرگيانىڭ كوزى بولا الاتىنىن مويىنداۋمىز قاجەت. رەسەي گاز ەنەرگەتيكاسىن دامىتۋدىڭ ارقاسىندا پارنيكتىك گازداردىڭ مولشەرىن ازايتىپ وتىر. قازىر بىزدە ەنەرگيا رەسۋرستارىن تۇتىنۋ كولەمىنىڭ جارتىسى گازعا تيەسىلى. كومىردىڭ ەنشىسىندە - 15-اق پروتسەنت. ال گيدروستانتسيالار, اتوم مەن بالامالى قۋات كوزدەرى ەنەرگيانىڭ 35 پايىزىن بەرىپ وتىر. وعان گازدى قوسساق, 85 پايىز بولادى. وسىلايشا, بۇگىندە رەسەي ايماعىندا ەنەرگيانىڭ باسىم بولىگى كومىرسۋتەگى جوق, يا بولماسا, كومىرسۋتەگى تومەن شيكىزاتتان وندىرىلەدى. 2035 جىلعا دەيىن ءبىز اتالعان كورسەتكىشتى 90 پايىزعا دەيىن جەتكىزۋدى كوزدەيمىز. دەگەنمەن, قازىردىڭ وزىندە الەمىڭ ءىرى ەكونوميكالارىمەن سالىستىرعاندا,رەسەيدىڭ ەنەرگەتيكالىق بالانسى تازا ءارى بىرنەشە سالانى قامتيدى. بۇل ۇزدىك تاجىريبە بولىپ سانالادى», دەپ اتاپ كورسەتتى نوۆاك.
ايتا كەتەيىك, بۇگىن ەكسپو-2017 كورمەسى اياسىندا ەنەرگەتيكا جونىندەگى VIII حالىقارالىق فورۋمى مەن وسى سالاداعى مينيسترلەردىڭ كەزەكتى كونفەرەنتسياسى ءوتتى. وتىرىس بارىسىندا رف ەنەرگەتيكا ءمينيسترى الەكساندر نوۆاك ەۋروپانىڭ قازىرگى ۇستانىمىنا ءوز ەلىنىڭ رەنىشىن ءبىلدىردى. ال ساۋد ارابياسىنىڭ ەنەرگەتيكا ءمينيسترى حاليد ءال-فاليح مۇناي باعاسىنا بولجام جاسادى