جاسوسپىرىمدەر اراسىندا باسكەتبولدان ەل چەمپيونى انىقتالدى

جارىسقا 2003-2004 جانە 2005-2006 جىلدارى تۋىلعان ويىنشىلار قاتىستى. 2005-2006 ج.ت. باسكەتبولشىلارىمىز ەرەكشە ويىن ۇلگىسىن كورسەتىپ, ءبىرىنشى ورىندى جەڭىپ الدى. ولارمەن بىرگە استانا اتىنان بارعان 2003-2005 ج.ت. ويىنشىلار 7 كوماندا ىشىندە 5-ءشى ورىننان كورىندى.

2003-2004 جىلدارى تۋىلعاندار كاتەگورياسى بويىنشا استانا, اقتوبە, اقمولا, قاراعاندى, باتىس-قازاقستان, وڭتۇستىك قازاقستان, شىمكەنت قالالارىنىڭ كوماندالارى قاتىستى.

بۇل جاس كاتەگورياسى بويىنشا قورتىندى مىناداي:

1 ورىن – قاراعاندى وبلىسى

2 ورىن – وقو

3 ورىن – اقمولا وبلىسى

4 ورىن – اقتوبە وبلىسى

5 ورىن – استانا قالاسى

6 ورىن – بقو

7 ورىن – شىمكەنت قالاسى

2005-2006 جىلدارى تۋىلعاندار كاتەگورياسى بويىنشا استانا, قاراعاندى وبلىسىنان 1 جانە 2 كوماندا, باتىس قازاقستان, وڭتۇستىك قازاقستان جانە چەليابينسك قالالارىنىڭ كوماندالارى ءوزارا مىقتىنى انىقتادى. فينالدا استانا مەن قاراعاندى وبلسىنىڭ 1 كومانداسى كەزدەسىپ, 57-46 ەسەبىمەن اياقتالدى. وسىلايشا, ەلوردا كومانداسى ەكىنشى رەت وسى جاس كاتەگورياسى بويىنشا قازاقستان رەسپۋبليكاسىنىڭ چەمپيوندارى اتاندى.

بۇل جاس كاتەگورياسى بويىنشا قورتىندى مىناداي:

1 ورىن – استانا قالاسى

2 ورىن – قاراعاندى وبلىسى – 1

3 ورىن – بقو

4 ورىن – وقو

5 ورىن – قاراعاندى وبلىسى – 2 

6 ورىن – چەليابينسك قالاسى

چەمپيونات قورىتىندىسى بويىنشا ءار جاس كاتەگورياسى بويىنشا جاتتىقتىرۋشىلاردىڭ داۋىس بەرۋى ارقىلى ءتۋرنيردىڭ ەڭ ۇزدىك ويىنشىلارى انىقتالادى. بۇل جولى ەلوردا كومانداسى اتىنان 5 ۇزدىك سپورتشى قاتارىنا  №5 وليمپيادالىق رەزەرۆتەگى بالالار مەن جاسوسپىرىمدەر مامانداندىرىلعان سپورت مەكتەبىنىڭ 3 وقۋشىسى ەندى.

2003-2004 جىلدارى تۋىلعاندار كاتەگورياسى بويىنشا داريا بوگدانەتس ۇزدىك ويىنشى اتاندى. 2005-2006 جىلدارى تۋىلعاندار كاتەگورياسى بويىنشا ۇزدىك ويىنشىلار قاتارىنان داريا گولوۆينا مەن تاميلا سولسانوۆا كورىندى.