ەلوردالىق قازانات يپپودرومىنىڭ اۋماعىندا بىرەگەي ەتنواۋىل ءوز قۇشاعىن اشتى. قالا تۇرعىندارى مەن حالىقارالىق ەكسپو كورمەسىنىڭ قوناقتارى جان-جاقتى بۇقارالىق-مادەني ءىس-شارالادى تاماشالاي الادى. ول ەكسپو-2017 كورمەسىندەگى مادەني-تۋريستىك بىرەگەي جوبا. كەشەن كەلۋشىلەرىن قازاق حالقىنىڭ سالت-ءداستۇرى, ونەرى مەن باي مادەني مۇراسىمەن تانىستىرادى.
مەيماندار وتكەنگە ساياحات جاساپ, كوشپەندىلەر وركەنيەتىمەن تانىسىپ, باتىر, شەبەر نەمەسە بۇركىتشىنىڭ وبرازىنا ەنە الادى. استاناداعى ەتنواۋىل 10 ماۋسىم مەن 10 قىركۇيەك ارالىعىندا جۇمىس ىستەيدى. وسى ءۇش اي ىشىندە شامامەن 700-گە جۋىق شارا وتكىزۋ كوزدەلىپ وتىر.
«قازاق اۋەندەرى» اق ۆيتسە پرەزيدەنتى ساكەن شاكەەۆتىڭ مالىمەتىنشە, شەتەلدىك قوناقتار ءۇشىن كۇندەلىكتى كونتسەرتتىك شارالار وتكىزۋ جوسپارلانعان. ماقساتى – ەكسپو قوناقتارى مەن كەلۋشىلەرىن تەك نانو تەحنولوگيالارمەن عانا ەمەس, سونىمەن بىرگە قازاق حالقىنىڭ باي تاريحى مەن زور مادەني مۇراسىمەن كەڭىنەن تانىستىرۋ.
يمپروۆيزاتسيالانعان اۋىل «قازانات» يپپودرومى اۋماعىنا 2500 شارشى مەتر اۋماققا تىگىلگەن 30 كيىز ۇيدەن تۇرادى. سونداي-اق, ويىن-ساۋىققا دا ارنايى باعدارلاما بار. «سايىس», «قىز قۋ», «كۇمىس الۋ, «التىباقان» ويىندارى دا ءوز كورەرمەندەرىن تابادى دەپ كۇتىلۋدە.
اۋىل اۋماعىندا قازاقتىڭ ۇلتتىق مۋزىكالىق جانە تەاتر ونەرى مەن اتبەگىلىك جانە ۇلتتىق سپورت تۇرلەرىنەن ارنايى باعدارلامالارى دا ازىرلەندى.ء «داستۇرلى اڭشىلىق تۇرلەرى» سەكتورىندا ۇلتتىق اڭشىلىق ونەرى تانىستىرىلادى. مەرگەندەر مەن ساياتشىلار كەلۋشىلەرگە بەكزادا ونەردىڭ قىر-سىرىن تانىسترادى.
ۇلتتىق كەشەننىڭ تاعى ءبىر ەرەكشەلىگى قولونەر شەبەرلەرى بولماق. ءۇش اي بويى مەيماندار ۇلتتىق قولونەر تۋىندىلارىن تاماشالاپ قانا قويماي, ولاردىڭ دايىندالۋ بارىسىنا اتسالىسا الادى.