«نۇر وتان» حالىقتىق-دەموكراتيالىق پارتياسى «جاس وتان» جاستار قاناتىنىڭ ۇيىمداستىرۋىمەن جىل سايىن وتكىزەتىن ەلىمىزدىڭ 14 وبلىسى مەن استانا جانە الماتى قالالارىنداعى «قازاقشا سويلەسەيىك!» قوعامدىق رەسپۋبليكالىق شاراسى 3 جىلدان بەرى ۇزدىكسىز جالعاسىپ كەلەدى.
وسىعان وراي, جاقىندا استانا قالاسىنىڭ تەمىرجول ساپارجايىندا مەملەكەتتىك ءتىلدى دامىتۋ پرەزيدەنتتىك قورىنىڭ قولداۋىمەن «قازاقشا سويلەسەيىك!» اتتى قوعامدىق رەسپۋبليكالىق اكتسيا ءوتتى. قوعامدىق جولاۋشىلار تاسىمالدايتىن ورىن بولعاندىقتان, ءوتكەن-كەتكەن جۇرگىنشىلەر قىزىعۋشىلىق تانىتىپ, ءوز پىكىرلەرىن ءبىلدىرىپ جاتتى. ءوز انا تىلىنە شورقاق كەي قانداستارىمىزدىڭ بار كىنانى كەڭەستىك ءداۋىردىڭ قاتال ساياساتىنا اۋدارىپ, اقتالاتىندارى جاسىرىن ەمەس. ايتسە دە «ءوز بەتىمىزشە ۇيرەنىپ جاتىرمىز», – دەگەن سەكىلدى جىلى پىكىرلەرى جانىمىزدى جادىراتتى. بۇل رەتتە, مەملەكەتتىك قىزمەتتە جۇمىس ىستەيتىن وزگە ۇلت وكىلدەرىنىڭ قازاق ءتىلىن ءۇيرەنۋگە دەگەن تالاپ-تالپىنىستارى جوعارى ەكەندىگىن اتاپ وتكەن ماڭىزدى. كوپشىلىك تاراپىنان ءاسىرەسە, سوزدىككە قوسا بەرىلگەن ديسكى, بۇكتەمە-پلاكاتتارعا سۇرانىس ەرەكشە بولدى. يگىلىگىنە جاراتسا.. بۇنى جاقسىلىقتىڭ نىشانىنا بالادىق.
شارا ماقساتى – مەملەكەتتىك ءتىلدىڭ قوعامداعى ءرولى مەن ماڭىزىن ارتتىرۋ, قازاق ءتىلىنىڭ قولدانىس اياسىن كەڭەيتىپ, حالىق اراسىندا كەڭىنەن ناسيحاتتاۋ. ءىس-شارا بۇدان بىلاي دا ەلىمىزدىڭ بارلىق ايماقتارىن قامتيتىن بولادى.
راۋشان تاۋىرحانقىزى, جۋرناليست.