الماتىدان شىققاننان جول بويىنداعى جارنامالار بىردەن كوزگە شالىنادى. سولاردىڭ قاتارىندا «كناۋف گيپس قاپشاعاي» ءوندىرىس ورنىنىڭ اتاۋى مەن اتقاراتىن قىزمەتى دە جارنامالانعان. بۇل تەگىن ەمەس. ويتكەنى, اتالعان كومپانيا عيماراتتاردىڭ ىشكى جانە سىرتقى وڭدەۋ, ارلەۋ جۇمىستارىنا ارنالعان قۇرىلىس ماتەريالدارىن شىعاراتىن حالىقارالىق كاسىپورىندار جيىنتىعىن قۇرايدى. قۇرامىنا الەمنىڭ 40-تان استام مەملەكەتىندە ورنالاسقان 150 زاۋىت كىرەتىنى تاعى بار.
جوعارى تەحنولوگيالىق, زاماناۋي, ەكولوگيالىق جاعىنان قاۋىپسىز جانە ءتيىمدى ونەركاسىپتىك جەلىلەردى ەنگىزگەن كومپانيا جەرگىلىكتى شيكىزات پەن مامانداردى جۇمىسقا تارتۋ ارقىلى جوعارى ساپالى ءونىم شىعارۋدىڭ تياناعىن كەلتىرىپ, رىنوكتاعى ءوز ورنىن نىقتاي تۇسكەن. اتالعان ءوندىرىس ورنىنىڭ باس ديرەكتورى الەكساندر ەفيمەنكو سەرىكتەستىكتىڭ بۇگىنگى قارقىندى دامۋىنا كاسىبي دەڭگەيدە ءوز باعاسىن بەرەدى.
جۇمىستىڭ ناتيجەسى كاسىپورىننىڭ ساپالى ءونىم شىعارۋدى ونىڭ رىنوكتاعى سۇرانىسىن دامىتۋمەن قاتار جۇرگىزىلگەندىگىندە. «كناۋفتىڭ» باسقا باتىستىق كومپانيالاردان ەرەكشەلىگى جۇمىس ورىندارىن ەكسپورتتاۋدىڭ ورنىنا كاسىپورىن اشىلعان مەكەندە جاڭا جۇمىس ورىندارىن قۇرىپ, ەل يگىلىگىنە ۇلەس قوسۋى.
«كناۋف گيپس قاپشاعاي, دەگ قاتىسۋى بار كاسىپورىن» سەرىكتەستىگى 2003 جىلى قۇرىلىپ, 2004 جىلى 19,5 ميلليون دوللاردى قۇرايتىن شەتەلدىك ينۆەستيتسيا تارتۋ جونىندە كەلىسىم-شارتقا قول قويعان. 2005 جىلى اتالمىش كاسىپورىندا 12,0 ملن. شارشى مەتر كولەمىندە العاشقى قازاقستاندىق قۇرىلىس ونىمدەرىن شىعارىپ, ەكى جاققا دا ءتيىمدى جۇمىستىڭ ءناتيجەسىن كورسەتتى.
قۇرىلىس ماتەريالدارى رىنوكتا ۇلكەن سۇرانىسقا يە. «كناۋف» فيرماسىنىڭ تەحنولوگيالارىن ەنگىزۋ ناتيجەسىندە 2007 جىلى زاۋىت قارقىنى قابىرعاعا ارنالعان جاپسىرمالار شىعارۋدى 32 ميلليون شارشى مەترگە, ال پروفيل شىعارۋدى 4,6 ميلليون مەترگە جەتكىزدى.
قازىرگى تاڭدا ەلىمىزدە ءونىم شىعارۋشى 3 كاسىپورىن, 4 ماركەتينگتىك فيليال جانە 500 قىزمەتكەردەن تۇراتىن ديلەرلىك جانە وقىتۋ ورتالىقتارى بار.
زاۋىتتا تەحنولوگيالىق ۇدەرىستەر عانا ەمەس, سونىمەن قاتار رىنوكتىق دامۋىنا دا كۇش سالىنعان. ءوندىرىس ورنى جۇمىس باستالىسىمەن ماركەتينگتىك كاسىپورىن اشقان. ونىڭ فيليالدارى استانا, اقتاۋ, تاراز قالالارى مەن كورشىلەس قىرعىز ەلىندە دە جۇمىستارىن جالعاستىرۋدا.
زاۋىت قۇرىلىس ماماندارىنىڭ كاسىبي بىلىكتىلىگىن ارتتىرۋدا اۋقىمدى جۇمىستار اتقارىپ اكەلەدى. قازىرگى تاڭدا ءۇش وقۋ جانە ءۇش رەسۋرستىق ورتالىق جۇمىس ىستەسە, مۇندا 5523 قۇرىلىس مامانى وقۋىن ءتامامداپ, بۇگىندە كوپتەگەن الىپ قۇرىلىستاردا قولتاڭبا قالدىرۋدا.
قۇرعاق قوسپالار مامانى» ارنايى ءبىلىم بەرۋ رەەسترىنە ەنگىزىلگەنى دە يگى ءىستىڭ جەمىسى. سونداي-اق, قۇرىلىس ماماندارىنىڭ ءبىلىمىن ارتتىرۋ ماقساتىندا كومپانيا مەن قازاقستان رەسپۋبليكاسى ءبىلىم جانە عىلىم مينيسترلىگى اراسىندا ارنايى مەموراندۋمعا قول قويىلىپ, گەرمانيانىڭ تەحنيكالىق جوعارى وقۋ ورىندارىمەن دە كەلىسسوزدەر جۇرگىزگەنى ىزدەنىستى ءىستەردىڭ ءبىرى. وسىلايشا جۇمىسشىلاردىڭ تۇراقتىلىق, قارجى, اقپاراتتىق تەحنولوگيا جانە قۇقىقتىق سالاداعى بىلىمدەرى جەتىلدىرىلۋدە. سوڭعى جىلدارى مۇنداي شارالارعا كومپانيانىڭ گەرمانياداعى باس مەكەمەسىندەگى قىزمەتكەرلەر دە بەلسەندى قاتىسۋدا.
كۇمىسجان بايجان.
الماتى وبلىسى.